15 Hinume hissine ta miijheni tambani garsi ta indako maggusako taa e magguse. Hinne tani hinumba ha e aallo modhussi eehusune hinuni abasuna taase hi gawwo hi xhunxe?
Maddhay nu gara yoosune hinuni minxowara loolowarako hi degexe. Wontoy numba <> hidi minxusuneko hinuni yahafa minxo hi degexe. Ye minxoni nu gara yooda maddhay hi gara yooneniya dandadhi hi garoronike e mahe.
Hinuko hamese ta naquttusune ha esi hayssoko. Tani worgesi hinumba baaka hi miijhe e maaquwa gisha hi gara deexhe worguwasso. Be nayshushe miijhe bhikkilesi yella gerituko baaka nayshiti biya yella geruse miijhe bhikkiluttuwasso.
Garda wogga yeysi hinuse ta diizosi hinuko ta hamete taa maggusese danda'icha axiti taa u higilseeme hissineko. Ye esini ta maggay hi uddise magga maaqenike eezuwasso.
Ha esa taynesi <> hidi hinumba hiyese maaquwasso. Ha e buro hinuse ta otonike nu muxhurowakako hi yese, ye e gisha yessakoni haydhakoni hinunaarako nu yese.
Wonto hi aadexe gisha hi yeso kumena hade kaashake mati hi uqusesi garaara esuse hi hante hanta garaara kahiney weyne daana kaasheshe gussenike ta yesoy guttako maggako ta magge, hinunaara uddi wolkoko ta magge.
Hatte hi gisha essa ta yese maddhana maggako ta magge. E gara maaddhi yese Wonto zawa axitume hissineko Kristosa maddhaafa facechashe ta acho maddhana kunsi ta alse.
Yeydiwo hinumba keddaysi nu eeto. Ye eehaafa dendasuna ha Wonto modhe odo hinuse ohewo e maaddho baanne nu yesoni hinuse garsi ingese naquttiko nu yecha.
Hinumba durkeesituse woosuttuwayte, u adeto oomo yesuwayte. Ye esini Wontoy hanta waydi u alsonike uso oyce gisha hi lubbo kafesuko u kardutte. Hinuni ususe woosutto'ayko usi be hantako maggana u hante. Yeydi maaqe e dheeba'ayko be hantesa higilsineko u hante. Ye esini hinumba maruwasso.