2Qorontoosaxituse 11:3 - Kille Caaqo

³ Shooshi be fayanketena Hewaane qaarussonike haliya hi maxoy iitti Kristosase hi keenge gizo eehaara geejhetiyaara hi dhaggeni hidiko ta hoodde.

2Qorontoosaxituse 11:3 ပူးပေါင်းရင်းမြစ်များ

Matoose 24:24

Mesihe maaquwasiti kaayaxita maaquwasiti hissineko zaadaxiti yoodi Wontoy xhardechoshita danda'a'ayko haluxese hissine hantuttese danda'uttuwa yeragowara micushe abakowara u hante.

Yohanise 8:44

Hinuni hinade maaqe Humbaye nayshuko. Hi worgesi hinade maxo hanteko. Esini achaafa densi axe woddhesesako. Aade be keenguwa gisha aadiyara wolko muhuwasso. Zaade be zeereniya beekofako e zaade. Esi beese zaadaxuko, zaadeseni e xhabhoko.

Roomaxituse 12:8

fede axe minxe e maaqo'aykoni ye e gara oseywaye, jherge e maaqo'aykoni be muxhurowafa kessi jherguwaye, axe ahe e maaqo'aykoni gafe baaka axe ahuwaye, fede axuse higilli mare e maaqo'aykoni maggisine axe maruwaye.

2Qorontoosaxituse 1:12

Ha saha gara nu yesune fettoni hinunaara nu yesune Wontokofa nu degesso geejhetenaara aadaxe maaqenaarako durkutti nu yesso. Ye esini axi erana e maaddho baanne Wontoy axuse keenge maxo modhetenako. Ye ogena nu cee'uttesi nu muxhurowa <> yeydi hinesi baasunako.

2Qorontoosaxituse 11:20

Ooneni hade maalake hinumba matako, ooneni hinumba <> hidi e maddhunsako, ooneni biya go'esa hi garafa e ettako, ooneni hinumba haasako, ooneni hinumba e eersako ususe siitako hi siine.

2Qorontoosaxituse 11:29

Bidzi axi gafaxe maaqusune tanini esaara gafaxuko maaqe. Bidzi axi cubbona ungusune taa huulusako e huuluse.

2Qorontoosaxituse 2:17

Nuni hade abako zal'ese gadhesa gawwaanna sekke hanke woxhe laga axituke maaddhi Wonto kato oheesita maaquwanxhiko. Wontoy anso axuke maaddhi Kristosase hantisine aadaxe maaddhiko hade Wonto buro ee'e axuke Wonto kato nu ohe.

2Qorontoosaxituse 4:2

Axi aasshi addaa kessuwa borsuse abako hantuwanxhiko hidiko nu hidese. Axeni qaarusuwanxhiko. Wonto katowafa shati etti doomusuwanxhiko. Yeysi mahekofa aade fetto tiddhiyannako nu ohe. Wonto buro yesine axi uddi be muxhurowanna <> hidi hiyorosa numba matiko axaara nu yese.

Galatiya 1:6

Kristosa badena axuse be keenge maxo modhetiyafa densi hinumba xheydecha Wonto dhaddi fede modhe odo hidi hiinessaa alleydi artiya hi yesesi micushako taa e micushe.

Galatiya 2:4

Ye e bisha zeerey e dendosini nu gidda aachiyaanna tulxhi gella bidzi bidzi aadexeesita bisshi yese zaadaxiti Yesuusi Kristosana maaketowafa nu kessechosha wosshi beedi maalita nuu mahese massi u yecho gishako.

Galatiya 3:1

Hinuno gaxe keenguwa Galatiya axito! Ooni hinumba qayda? Yesuusi Kristosay suxhuttosi hade hi burowa e suxhuttonikewo tiddhiya hinuse addusutto badiya e yecha?

Galatiya 4:11

Hinume hissine ta gattecho hantay haliya yahowa e atteni hissineko hi gisha ta hoodde.

Efesoonaxituse 4:14

Ha e geede sekke axe halusenaara qaarusenaara zaadena naquttese haluxe erunxuna hade jhirahonaara agexunaara sekke hanke hine nayshe maaddhofunxhi.

Efesoonaxituse 4:22

Ye e gisha qaarussi cubbowaaka aange col'ana iittese buro waakeydese axe hi maaqichoshaara waakeydese yeso hi yechoshaara erdi hi garafa ooxuwayte.

Efesoonaxituse 6:24

Buruwa eehana nu Laaxi Yesuusi Kristosa eeheesituse uddi Wontoy axuse keenge maxo modhetey maaquwaye.

Qollasiyasaxituse 2:18

Maaquwa ogena shenedhi afaase woosaxita hade Wontokeysi kuxena cee'utte axi ooneni wooma hi ekkuwannike hinumba maheesume hinumba naddhi kakkuwayte. Ye e bisha axi be beene harajhiya woxxhi gelli go'uwasaara achoshe massiyarako e cee'utte.

Qollasiyasaxituse 2:4

Esume yeydi ta hinesi ooneni be zeere sooqussi hinumba qaarusoppe hidiko.

Qollasiyasaxituse 2:8

Axi be qinowafa yeso gisha kesse eranaara e maresi baasa qaarusuttusso zeerenaara ooneni hinumba beeko aykeesume hinumba naddhi kakkuwayte. Ye usiti Kristosana kaachutti eedhase u maaddho baane axi gaddese woganaara ha sahakofa eedhese erunxunaarako u yese.

1Teselonqaxituse 3:5

Ye e gisha muxhuroy taase utte dheeddinne hi aadexo gisha erese wordi Xhimootoose hinuko ansiko ta yese. Esani anxese ta dandadhosi haliya naadhi beyena eruttese Humbayey hinumba naadhi beeniya hi iichuttine nu hantay yahowo e attoydi ta hooddo gishako.

1Xhimootoosese 1:3

Maqadooniya hangisine neese odde hidi ta hidonike Efesooniyaka uttuwa. Yaaka bidzi bidzi axiti zaade era erusiyako u yese. <> hidi ususe minsi ohuwa.

1Xhimootoosese 2:14

Assi Addaamey qaarusutto baasso, Hewaaneko qaarusutti Wonto woga garda.

2Xhimootoosese 3:13

Iita axitaara modhe bisshi qaaruseesitaaray axita haluxisiniyara beeseni halisiniyarako iita gara iita kosisine u hange.

Titose 1:10

Yeydi esume hiyese ta dandadhosi woosuttuwasiti go'uwasa oduseesitaara qaaruseesitaaray laga axiti yese gishako. Fetto gada uttecha Ayhuda maaqe Kristosa aadexeesiti usuka yesako u yese.

Ibraxituse 13:9

Lossutto baa be bishana bishana yese eray hinumba didhofe. Miyose gaduttese woga katti e geede hamekofa Wontoy axuse keenge maxo modhetena muxhuro oseyeko bishesha. Miyo woga katta axiti yahafa abani degexutto baasso.

2Phexhrosey 3:17

Yoonase ta eehe ta badito, hinunimay ha esa burussi hi erdese gisha iita geriti halli yecho halliya gelli miindi hi eedhecho godowafa hi unguwannike hinumba naddhi kakkuwayte.

2Phexhrosey 3:3

Uddi basume burona hinumba ere e worgusesi aallicira woggaaka dhaaddeesitako yoonesa. Usini aade zeere garako u dhaade, be acho col'anani u hante.

1Yohanisey 2:18

Nayshito! Ha esi aallicira woggako. Ha esume buro <> hidi e zeeruttechonike fetto hay laga zaadaxi Kristositako hanzo yoodesa. Ha esunako aallicira wogga e maaqesa ni ere.

1Yohanisey 4:1

Ta eehe ta badito! Ha saha gara zaade kaayaxiti dendese gisha <> hidi hineesita aadekoysine uddi ettofita, fetto hi ekkeesume ayaaniti Wontose maaqenikiyara e maaquwanikiyara arsi beedi eruwayte.

Yayqoobeyndo 1:4

Wonto jhashe eruwasiti aachiyaanna hi giddaaka gelliko u yese. Ye usiti <> yeydi Wonto maxo arxeesitaara esawoy nuuse Laaxaara numba ahesaara maaqe Yesuusi Kristosase <> hidi hineesitaarako. Ye uso bissheshe axiti gara e yaa'uttenike burussiko e diizuttese.

Yohanise Haraje 12:15

Ye indo wulqay eforosa shooshi shoorena hange waaxe elle waaxe be asshaafa i geede e coossho.

Yohanise Haraje 12:9

Ye malla dobessi ye olo shooshi yekke e dafutto. Esini saha gara yese axe e uddina qaaruse <> oo'oyne <> yeydi xheyguttesako. Yekke sahaa e dafutto. E woosaxitini esaara wolko u dafutto.

Yohanise Haraje 20:2

Esini dobesse ayti bidzi kuma bera aallose e tutto. Ye dobessini <> oo'oyne <> hidi hiyutte olo shooshuko.