2Qorontoosaxituse 10:14 - Kille Caaqo

¹⁴ Ha hi yese godoy essaa nu hante aallo e maaqe gisha Kristosase ohe modhe odo ohese hinuko nu handoniya <> hidi hiyutta godofa gardo baanxhiko.

2Qorontoosaxituse 10:14 ပူးပေါင်းရင်းမြစ်များ

Marqoose 1:1

Hayafa densi [Wonto yele maaqe] Yesuusi Kristosa gisha ohutta modhe odoko nu siine.

Anxuttaasiti 20:24

Gafiya ta yese gafani ye esini Laaxi Yesuusay ta hantoronike indo hanta ta alsoro aallo ta lubbose bidzoni hoodduwasso. Ye ta hantani Wontoy axuse keenge maxo modhete adduse modhe odo oheko.

Roomaxituse 1:16

Modhe odona borsuwasso! Ye modhe odoni burona Ayhudaxiti giddaafa sekkeni Ayhuda maaquwasiti giddaafa Wonto aadexeesita uddi looluse Wonto osako.

Roomaxituse 16:25

Yoonase Wontose kuxay maaquwaye. Esini Yesuusi Kristosa gisha ta odusso modhe odonaara olowafa ayti laga bera aallo addeydo badi yechine hatte addeyda aadenaara hi aadexona miindi hi ee'oronike hinumba mahesuko e danda'e.

Roomaxituse 2:16

Ha modhe odo ohisine ta erusenike Wontoy axi muxhuro giddaa aachutti yese abako Yesuusi Kristosa badena e yaa'e wonteko addaa e kesse.

1Qorontoosaxituse 2:10

Nuusema Wontoy aachiya yechashe be Ayaana badena addussiko e yese. Wonto Ayaanay uddi base fetto axi e xhabhowa aandi ellusese danda'uwa aako maaqe Wonto maxoko hossi kessi arsi e beene.

1Qorontoosaxituse 3:10

Wontoy taase be keenge maxo modhetiyafa indo ingona hade modhussi keexe keexhe ere hantaxuke kaacho ta kaassho. Fedani ye ta kaassho kaachowa keexe e keexhe. Keexhakoni waysi be keexhenike biya kafeko e worguse.

1Qorontoosaxituse 4:15

Kristosa ogiya hinumba dicheeshita fetto tammi kumana taabutteesita hi keendakoni hinumba yella adey bidziwoko. Ye esini modhe odo hinuse ohena Yesuusi Kristosaara bidzo maaddhi hi yesoronike hinumba yellay tambako.

2Qorontoosaxituse 2:12

Kristosa modhe odo Xhiro'ada katamaa ohese ta handoniya laga hanta ta hantoronike Laaxi suma taase dodhiko e yecha.

2Qorontoosaxituse 4:4

Ye aadexuwa geriti Kristosa kuxa fuula adduse modhe odo fo'e u beyoroome ha sahase wonto maaqe Humbayey gaxe u keenguwannike matiko e yese. Kristosay Wonto bisha beysesako.

Qollasiyasaxituse 1:5

Hi aadexowara hi eehaaray e kaachuttosi afaaka naqutti hinumba kakke gobbo garako. Ye gobboni aade gisha ohesa maaqe modhe odoy hinuko yoodoniya buro siidiko hi yese.

1Xhimootoosese 1:11

Ha gizo erunxi kuxa fuula keenge modhe odowara wola efako ekke. Ye esini axiti esa kedda kedda hise Wontokofa axituse ta ohoronike taako odde hissine inguttesesako.