2Qorontoosaxituse 1:21 - Kille Caaqo

²¹ Yoonase numbani hinumbani Kristosana miindi nu ee'orosa matasi Wontoko, nimbani tisshashini esako.

2Qorontoosaxituse 1:21 ပူးပေါင်းရင်းမြစ်များ

Yohanise 3:34

Wontoy be Ayaana esuse lagussi e inge gisha e ansosi Wonto katoko e ohe.

Anxuttaasiti 10:38

Wontoy ye Nazrataxi Yesuusa be Ayaana Geeshuna e tissho, osani e indo. Wontoy esaara yecho gisha axuse modhe hanta hantisine Humbayey be oomo jheechichoshita uddina loolusisine sekke hanke e hanticha.

Roomaxituse 16:25

Yoonase Wontose kuxay maaquwaye. Esini Yesuusi Kristosa gisha ta odusso modhe odonaara olowafa ayti laga bera aallo addeydo badi yechine hatte addeyda aadenaara hi aadexona miindi hi ee'oronike hinumba mahesuko e danda'e.

Roomaxituse 8:9

Hinunimay Wonto Ayaanay hinukaaka yese gisha Ayaana maxoke baaka hinuse hi acho maxoke yesuwaytako. Kristosa Ayaana keenguwa axi ooneni Kristosa bade maaquwasso.

1Qorontoosaxituse 1:8

Nu Laaxi Yesuusi Kristosay yekke yoone wonte haasse keenguwasa maaddhi hi bentoronike aallicira makko miindi hi yesorosako hinumba Wontoy e mahe.

2Qorontoosaxituse 5:5

Ye e bisha arteseni numba naddhasi Wontoko. Buro gara nuuse mahese e hinesa esuna nu eresa Ayaana Geeshe nuuse inday esako.

Qollasiyasaxituse 2:7

Esuna xhabho datti eedhi hi oseydesenike dicuwayte. Hi erdesenike hi aadexona miindi ee'uwayte. Lagussi esa galatisine yesuwayte.

1Teselonqaxituse 3:13

Laaxi Yesuusay haylaxitaara uddi yooneniyaka nuuse ade maaqe Wonto buro haasse keenguwasaara hayla maaddhiyara hi bentoronike hi muxhuro Laaxi osusuwaye.

2Teselonqaxituse 2:17

hi muxhuro minxuwaye. Modhe maaqesa hi hantoronikiyara hi zeeroronikiyara osusuwaye.

2Teselonqaxituse 2:8

Yenniyani Laaxi Yesuusay be asshaafa kese kaxhunxuna wodhesaara be yoone kuxa fuulana e baysesaara maaqe ye birraxi e addeyne.

2Teselonqaxituse 3:3

Laaxi be zeerdo zeere garafa artuwasso. Esako hinumba osusesaara ye iita maaqe Humbaye garafani kakkesaaray.

Ibraxituse 13:9

Lossutto baa be bishana bishana yese eray hinumba didhofe. Miyose gaduttese woga katti e geede hamekofa Wontoy axuse keenge maxo modhetena muxhuro oseyeko bishesha. Miyo woga katta axiti yahafa abani degexutto baasso.

1Phexhrosey 5:10

Axuse fetto maxo modhete keenge Wontoy Kristosa badenako koolo makkina e kuxa fuula shahaxe hi maaqoronike hinumba e xheydo. Oddhe woggase maddhaa hi gello geede hinumba sekke mati e osuse, e gagguse, minsini e esse.

1Yohanisey 2:20

Hinunimay hayla maaqesukofa tishuttiko hi yese. Hi uddinani aade erako hi ere.

1Yohanisey 2:27

Hinuni Kristosa garafa hi ettese Ayaana Geeshi hinukaa yese gisha hinuse fede erusesa worgusuwasso, Ayaana Geeshuko uddi base hinumba erusesa. E erusesini aadewo baaka zaade erusuwasso. Yeysi e erusonikewo Kristosaara bidzo hi maaddhesenike shahutte baaka yesuwayte.

Yohanise Haraje 1:6

esade maaqe Wonto kaatetowa gelli kahinita maaddhi nu hantoronike mataasuse kuxa fuulaara osaaray koolo koolo makkina maaquwaye, ameen.

Yohanise Haraje 3:18

<> hidiko neese ta ohe.