Anke dhudha gidda ayluttasi Wonto kato woggasewo siine axuko. Ha saha maxowara wodunte eehaaray e muxhurowa kundi kato u gite, aafe kaxhuwasani e maaqe.
Ye esumeni afana ta Laaxi Yesuusi Kristosa ereme garesi feday baa gisha uddi abako hade wooma keenguwa abakokeko mati ta beene. E gishako uddi baseni ta dheeddo. Kristosa degexeeme hissineko hade fiteke mati uddi base ta beene.
Yeydi e maaqo'ayko Laaxuse yese e worgusenike yessiko uddi ogena Laaxe hi magguse, laga bisha modhe hanta hanti aafe beysenaara Wonto erenaara diceshe hi danda'e.
Kristosa gisha zeere katoy be uddina hi muxhurowa yesuwaye. Gaxuna uddi wola erusuwayte, wolani muruwayte. Be bishana bishana yese zingalena Wonto hi muxhurowanna galatisine zingaluwayte.
Nuundo nayshito! Wonto shi'isine uddi woggaa hinumba massi Wonto galatey nuuse worgusesako. Ye esini hi aadexoy diciya yese gishaara hi uddina wola eehiya hi yese gishaarako.
Yeydiwo hanta keenguwasa maaddhi se zawa ha zawa hante u losse. Ye esawoni e maaddho baane zeerese uso e worgusuwa zeere zeerdiko axe u gunce, biya gelsuwa fede axi zeeriya u gele.
Be kuxa fuulanaara keddaydese modhe be maaqesunaara numba xheyda Wonto nu erdo ogena esa kuxisine yesese nu danda'oronike Wonto be maaqe gisha be keenge osana uddi abako nuuse indiko e yese.
Nu Laaxeni numba loolusaseni maaqe Yesuusi Kristosa erena ha saha tunaafa be kesso geede hanke maaddhi ye iitetiya gelli u iichuttako ye buro u yesome geede u yesoy iitesesako e maaqe.