2Phexhrosey 1:12 - Kille Caaqo

¹² Fetto ye zeerita erdiko hi yese, hi ayto aade garani oseydiko hi yese. Yeydi e maaddhakoni ye usita uddi wogga sekke hinumba maxusese tani gakkuwasso.

2Phexhrosey 1:12 ပူးပေါင်းရင်းမြစ်များ

Anxuttaasiti 16:5

Yeydiwo aadexichashiti be aadexona u miingicha. U taaboni wontana wontana kossi e hangicha.

Filphisoosaxituse 3:1

Nuundo nayshito! Yoonase aalliciraaka hinuse ta hinesi Laaxuna magguwayte. Hi haluwannike hinumba e mahe gisha ye buro ta diizechosha sekke hinuse diizese belxheywasso.

Qollasiyasaxituse 1:5

Hi aadexowara hi eehaaray e kaachuttosi afaaka naqutti hinumba kakke gobbo garako. Ye gobboni aade gisha ohesa maaqe modhe odoy hinuko yoodoniya buro siidiko hi yese.

Qollasiyasaxituse 2:7

Esuna xhabho datti eedhi hi oseydesenike dicuwayte. Hi erdesenike hi aadexona miindi ee'uwayte. Lagussi esa galatisine yesuwayte.

1Xhimootoosese 4:6

Ha esa aadexeesituse ne erussako ni aadexo gisha eruse eraara modhe erunxaara muusine dicciko Yesuusi Kristosase modhe hantaxe ne maaqe.

2Xhimootoosese 1:6

Ye e gisha ta kuche ne gara gaddi ta suuzzoniya Wontoy neese indine neeka yese ingo hade tamay dicenike ne dichorosako nemba ta maxuse.

Ibraxituse 10:32

Wonto fo'e hi beedosume e geede laga maddhay hi gara yoonne hi dandadho ye buro wontita gaxhuwayte.

Ibraxituse 13:9

Lossutto baa be bishana bishana yese eray hinumba didhofe. Miyose gaduttese woga katti e geede hamekofa Wontoy axuse keenge maxo modhetena muxhuro oseyeko bishesha. Miyo woga katta axiti yahafa abani degexutto baasso.

1Phexhrosey 5:10

Axuse fetto maxo modhete keenge Wontoy Kristosa badenako koolo makkina e kuxa fuula shahaxe hi maaqoronike hinumba e xheydo. Oddhe woggase maddhaa hi gello geede hinumba sekke mati e osuse, e gagguse, minsini e esse.

1Phexhrosey 5:12

Ha esa hinuse ta otonike diizzasi nuundo na'i Silwaanoseko. Esini <> hidi ta hinesako. Oddhena ta diizosini hinumba minxesaara Wontoy axuse keenge maxo modhetey aadewo modhe e maaqenike addusesaarako. Ye e modhete maxona miindi ee'uwayte.

2Phexhrosey 1:13

Ha saha gara ta yese aallo ha esa hi maxoronike hinumba birkusey tamba worgusesa e maaqenikeko ta maxe.

2Phexhrosey 1:15

Haydhi hi garafa ta shahutto geede uddi wogga ha usita maxese hi danda'oronikeko oseya ta yese.

2Phexhrosey 3:1

Ta eehe ta badito! Ha hinuse ta diizosi lakko woossoko. Ha lam'i woosso hinuse ta diizzosi haanxhi zeerita maxisine gizo muxhuro hi keemoronike hinumba birkusesuko.

2Phexhrosey 3:17

Yoonase ta eehe ta badito, hinunimay ha esa burussi hi erdese gisha iita geriti halli yecho halliya gelli miindi hi eedhecho godowafa hi unguwannike hinumba naddhi kakkuwayte.

1Yohanisey 2:21

Aadeni modhussi hi ere gishaara zaadey aadiyafa kesuwasa hi ere gishaara baaka aade eruwaytako hidi maaquwasso hinuse ha esa ta diizesi.

2Yohanisey 1:2

Ye aadeni hatte niika yesesaara buro garani niira koolo makki aallo yesesaarako.

Yayqoobeyndo 1:17

Ta eehe ta badito! Hinunimay nu Laaxi Yesuusi Kristosana anxuttaasiti ha e buro zeerdechosha gaxhuwayte.

Yayqoobeyndo 1:3

Ta eehe ta badito! Ni uddina haybowafa Wontoy nimba waakeysi e maardosa hinuse diizese orjena wordiko ta yecha. Worguwamba baaka haylaxituse sekke be lakkuwasa bidziyawo ingutta aadexose hi karduttoronike hinumba osusese hinuse ta diizoronike taase orjena worgusesa maaddhi bentiko e yese.

Yayqoobeyndo 1:5

Laaxi be axita Gibxhe wudiyafa e kesso. Kesuwaye baaka ye e geede biya aadesso baasita e baysonike haanxho uddi erako hi ere. Eresa hi maaddhakoni ye esa sekke hinumba maxusesuko ta worge.