1Yohanisey 4:12 - Kille Caaqo

¹² Wonto beedese axi bidzini baasso. Sekke hanke wola ni eeto geede Wontoy niikaakako e yese. E indo eehani bidzi muxhurona wola ni eehoronike matiko e yese yeydi hiyoko.

1Yohanisey 4:12 ပူးပေါင်းရင်းမြစ်များ

Yohanise 1:18

Wonto beedesesi koolona baasso. Esaara wolla shibhi hidese Wonto maaqe bidzi e yelewoko esa addusa.

1Qorontoosaxituse 13:13

Yoonase aadexoy, gobboy, eehay, ha u haydzi miindiko u yese. Ussaafa garesi eehako.

1Xhimootoosese 1:17

Koolo makkina kaate maaqesuse, hay'e eruwasuse, aafese bentuwasuse, esawoy Wonto maaqesuse kuxaara galataaray koolo makkina maaquwaye. Ameen.

1Xhimootoosese 6:16

Hay'e eruwasi e goshewoko, e yesesi ooneni esuko uqese danda'uwa keddaydese fo'iyako. Esa aafena beedese axi bidzini baasso, esa beyeseni ooneni danda'uwasso. Esuse koolo makkina kuxaara osaaray maaquwaye, Ameen.

Ibraxituse 11:27

Kaati huula jhassho badi Gibxhefa e kessosi aadexonako. Bentuwa Wonto hade beya yesenike be aytese zeere garani e miindo.

1Yohanisey 2:5

Wonto katose woosutte axi ooneni Wontose e keenge eehay aadewo kume muxhurowafako. Wontowara bidzo ni maaqesi ha esunako e erutte.

1Yohanisey 3:24

Wonto woosso kakkesi be uddina Wontowara bidzo maaddhi u yese. Wontoni essaakako yese. Wontoy nuukaaka yesesa erese nu danda'esi e indo Ayaananako.

1Yohanisey 4:16

Yeydiwo nunini Wontoy niise keenge eeha erdiko ni aadexe. Wontoy eehako, eehana yese axi Wontonako e yese, Wontoni essaakako yese.

1Yohanisey 4:20

<> hissine beyndo na'e beyndo busho inxha'esi zaadaxuko. Beya be yese beyndo na'e beyndo busho eehuwasi waysiwa be beewwa Wonto eehese e danda'e?

1Yohanisey 4:6

Nunimay Wontosuko, Wonto ereesiti be uddina niise siitako u siine. Wontose maaquwasitimay niise siwwasso. Aadekofa yooda Ayaanaara zaadekofa yooda ayaanaara ye esunako shati ni ere.