1Yohanisey 4:10 - Kille Caaqo

¹⁰ Eehay ha esako. Eehay nini Wonto eetonike maaddho badi e yesune Wontoy numba beesewo be eetosaara be yele kaasha mati nu cubbo e ooxorosa e ansosaaray ye esako eehay.

1Yohanisey 4:10 ပူးပေါင်းရင်းမြစ်များ

Yohanise 13:34

hidiko hinuse kille woosso ta ohe. Tani hinumba eetonike hinunini wola eehuwayte.

Yohanise 15:16

Tani hinumba xhardosa baaka hinuni tamba xhardo baytako. Handi aafe hi kaxhoronikiyara ye hi kaxhe aafey yesesa maaqoronikiyarako hinumba ta maagesso. Ye e gisha ta sunxuna nuwadey hi shi'e abako aba e maaqo'aykoni hinuse ingako e inge.

Yohanise 3:16

Wontoy bidzi be yele be ingoro makko ha saha gara yese axita keddaysi e eeto. Ye e gisha e yele aadexesi uddina koolo makkina yeso u degexesa baaka bayuttuwasso.

Yohanise 6:51

Afaafa hoddha en'a booray tambako. Ha booraafa muunesi ooneni koolo makkinako e yese. Ha saha gara yese axi yeso u keemoronike ta inge booray ta achoko>> yeydi e hido.

Ibraxituse 2:17

Ye e gisha uddi ogena indo nayshe bishey esuse worgusesa maaddhiko e bento. Ye ogena uddi axi cubbo ooxese Wontose hantisine muxhuraxaara higilesaara maaqe kahinituse afana ade e maaddho

1Phexhrosey 2:24

Cubbo ni hantuwannike hade haydhese axuke cubbokofa shahutti gizetena ni yesorosako Kristosay beese be gara ni cubbo iddi suxi mixi gara e suxhutto. Ye e madanako hi loollo.

1Phexhrosey 3:18

Kristosay Wontoko numba uqusese beese gizo maaqisine gizete keenguwa nuume nu cubbo gisha sekke be lakkuwasa bidziyawoko e haydho. Axe be maaqesuna e haydho, ayaana be maaqesuna dendi en'a e maaddho.

1Yohanisey 2:2

Ni cubboy ucutti e baanesi esunako. Ni cubbowo maaddho badi e yesune ha saha gara yese uddi axiti hanto cubboy e ucuttesi esunako.

1Yohanisey 3:1

Beewayte, e naysheydi ni xheyguttoronike ade maaqe Wontoy waakeydi keddaydese eehana nimba e eetosa. Nini aadewo e nayshuko. Ha saha axiti Wonto be erdo baa gisha e nayshi ni maaqenike nimbani eruwasso.

1Yohanisey 4:19

Nini Wonto eehesi buro nimba e eeto gishako.

1Yohanisey 5:11

Wonto atoni niise koolo makkina yeso e indosako. Ye yesoni yesesi e yele badenako.