1Yohanisey 3:1 - Kille Caaqo

¹ Beewayte, e naysheydi ni xheyguttoronike ade maaqe Wontoy waakeydi keddaydese eehana nimba e eetosa. Nini aadewo e nayshuko. Ha saha axiti Wonto be erdo baa gisha e nayshi ni maaqenike nimbani eruwasso.

1Yohanisey 3:1 ပူးပေါင်းရင်းမြစ်များ

Luqaase 20:36

Hade Wonto woosaxituke u maaqe gisha hay'uttuwasso, haybowafa be dende gisha usi Wonto nayshitako.

Yohanise 1:12

Maaquwaye baaka bemba ettasituse uddi yeydi hiyoni bemba aadesaasituse Wonto nayshe u maaqoronike godo e indo.

Yohanise 11:52

E hay'esi Ayhudasewo e maaddho baane be godowa godowa yese Wonto nayshita bhikkilli bidzi omma mahesuko e maaqicha.

Yohanise 15:21

Tamba ansase be eruwa gishako tamba hi aadexesuna haanxho uddi hi gara u hante.

Yohanise 16:3

Haanxho uddi u hantesi nuwade oo'oyne tamba be erdo baa gishako.

Yohanise 17:25

Gizo maaqe nuwadde! Ha saha axiti nemba eruwasso. Tanimay nemba erako ere. Ha usini tamba ne ansonike erako u ere.

Yohanise 3:16

Wontoy bidzi be yele be ingoro makko ha saha gara yese axita keddaysi e eeto. Ye e gisha e yele aadexesi uddina koolo makkina yeso u degexesa baaka bayuttuwasso.

Roomaxituse 5:8

Yeydi e maaddhakoni cubbache maaddhi nu yesune Kristosay nuume hissine e haydho. Ye esuna Wontoy numba keddaysi be eehesa e beyso.

Roomaxituse 8:19

Meddhoy be uddinako Wonto nayshi addeynesa beyese wordi orje sazana e kakke.

Roomaxituse 8:21

Ye gobboni meddhoy beese be uddina haydhi e sangoronike mahe maaketowafa Wonto nayshaara wolko kuxa fuulay essaaka yese shawo u kessoronikeko.

Roomaxituse 8:32

Wontoy bidzi be yele <> hidi higillo badi uddi nuumeysine garsi be indo geede ye be yele nuuse be indonike esaara wolko uddi base nuuse e ingenike eezuwanxhiko.

2Qorontoosaxituse 6:18

Hinadeko ta maaqe, hinunini taase ta na'axhitaara ta bunaycitaarako hi maaqe> yeydiko ta hine tani uddi base danda'e Wontoy>> hidiko e hido.

Galatiya 3:26

Hi uddina Yesuusi Kristosa hi aadexe gisha hinuni Wonto nayshitako.

Galatiya 3:29

Yoonase Kristosase hi maaddhoniya hinuni Abrahaame fira fiixhako. Abrahaame gobbusutto gobbo badena Wontoy ingesa ekkeesitako.

Qollasiyasaxituse 3:3

Ye esini haydhiko hi yese, hatte hi yese yesoy Kristosaara wolko Wonto badiya aachuttiko e yese.

1Yohanisey 3:10

Gizo hanta hantuwasi uddi Wonto yele maaquwasso. Yeydiwo beyndo nayshe eehuwasi uddina e yele maaquwasso. Wonto nayshaara Humbaye nayshaaray shahutti u eruttesi ha esunako.

1Yohanisey 3:2

Ta eehe ta badito! Hatte nini Wonto nayshitako, buro gara aba ni bisheshi addaaka kesso baasso. Maaqe baa Kristosay yooneniyaka waakesesa e maaqenike ni beene gisha esa ni bishenike erako ni ere.

1Yohanisey 4:17

Ye ogena bidzi muxhurona ni eehoronike matiko e yese. Ha saha gara ni yese yesoy hade Kristosa yessoke maaqe gisha yaa'a wonte e buro uqese naassako nu naasse.

Yohanise Haraje 21:7

Iishashi yeenxhoko uddi e ekke, esuseni Wonto ta maaqe, esini ta yele e maaqeydiko.