1Yohanisey 1:3 - Kille Caaqo

³ Nu siidosaara nu beedosaara hinuse nu odusesini nuura wol bade hi maaqorosako. Wol bade ni maaqesini adiyara e yele Yesuusi Kristosaara wolkoko.

1Yohanisey 1:3 ပူးပေါင်းရင်းမြစ်များ

Yohanise 17:11

Yoonase tani ha saha gara decuwassho. Usimay ha saha garako u yese. Tani neekoko hamese hine. Hayla maaqe nuwadde! Nini bidzo maaqenike usini bidzo maaqorosa taase ne indese ne sunxi osana uso kakkuwa.

Yohanise 17:21

Nuwadde, neni taaka tanini neeka yesenike usi be uddina bidzi muxhuronaara bidzi maxonaara u yesoronikeko nemba ta shi'e. Neni tamba ansonike ha saha gara yese axiti hidi hiyorosa usini assi nuuka u yesoronikeko ta shi'e.

Yohanise 17:25

Gizo maaqe nuwadde! Ha saha axiti nemba eruwasso. Tanimay nemba erako ere. Ha usini tamba ne ansonike erako u ere.

Yohanise 17:3

Koolo makkina yesoy ne goshiwoy aade Wonto hidi hiyutte Wonto maaqe neera ne anso taa Yesuusi Kristosaara ereko.

Yohanise 19:35

Hinuni <> hidi hiyorosa ye esa beeda axi ato maaddhi zeerdiko e yese. E atoni aadeko, aade be zeerenike beese erako e ere.

Anxuttaasiti 13:32

Nuni hinuse modhe odo ohesuko nu yoodo. Ye esini Wontoy nuwadiyaxhituse indecho gobboy Yesuusa haybowafa Wontoy densosuna u nayshe maaqe nuu giddaa e ittosako. Ye esini Zingale Fissharowaka yese lakkunxo zingale yeydi e diizuttonikeko.

Anxuttaasiti 2:42

Usini anxuttaasiti erusicho erana, wolla bidzo maaqena, Laaxi qamete miyena, Wonto shi'ena u miingicha.

Anxuttaasiti 20:27

Wonto maxo uddina hinuse addusekofa tamba ta katto woggay baasso.

Anxuttaasiti 4:20

Nunimay nu beedosaara nu siidosaara zeerdo badi dhabese danda'uwanxhiko>> yeydi u hido.

Roomaxituse 15:27

Yeysi marese eetiko u yese, aadewo yeysi mahey ususe worgusesako. Ye esini Ayhuda maaquwasiti Ayhudaxitaara wolko Ayaanana bente suusi shahaxe be maaddho geede ha saha woduntena Ayhudaxita marey ususe worgusesako.

1Qorontoosaxituse 1:30

Wontoy hinumba Yesuusi Kristosaara wolla bidzoko e mato. Esani nuuse era e maaqorosako e indo. Numba gizusasini, numba haylonsasini, numba wozzasini Kristosako.

1Qorontoosaxituse 1:9

E yele maaqe nu Laaxi Yesuusi Kristosaara bidzo maaddhi esaara hi yesorosa hinumba xheyda Wontoy eezuttuwasso.

1Qorontoosaxituse 15:1

Hatteni nuundo nayshito! Hinuse ta otecho modhe odo hinumba maxusesuko ta worge. Ye modhe odoni hi ettechoshaara esuna miindi hi eedhechoshaarako.

2Qorontoosaxituse 13:14

Laaxi Yesuusi Kristosay axuse keenge maxo modhetey, Wonto eehay, Ayaana Geeshi inge bidzetoy hi uddiyara yesuwaye.

Efesoonaxituse 3:6

Ye aachiya yecha Wonto maxoy Ayhuda maaquwasiti modhe odo badena Ayhudaxitaara wolko Wonto suususe shahaxe u maaqenikiyara usaara wolla bidzi gara u maaqenikiyarako. Yeydiwo Wontoy Yesuusi Kristosa badena numba e gobbusese gobbose shahaxe u maaqesako.

Filphisoosaxituse 1:7

Ta muxhurowaka hi yese gisha yeydi hinuse maxey taase bisheshako. Ye esini ta tufuttoniyakaara modhe odoy aade maaqenike ta addusoniyakaara ye modhe odoy miindi e ee'oronike ta matoniyakaara Wontoy be maxo modhetiyafa taase indo suususe shahaxuko hi maaqicha.

Filphisoosaxituse 2:1

Kristosaara bidzo maaddhi hi yesesuna wola minxena oseydiko hi yese. Kristosa eehana hi garafa higilsa oossi miindi Ayaanana wolko bidzo maaddhiko hi yese. Woluse massiko hi yese, woluseni higilliko hi yese.

Filphisoosaxituse 3:10

Fedani assi Kristosaara haybowafa esa densa osaara ereko ta worge. Esi haydhonike haydhi esa bisshiko e maddhase shahaxe maaqese ta worge.

Qollasiyasaxituse 1:13

Ye esini Wontoy cencha osaafa numba maardi eehuttese be yele kaatetowa nuu e oodo.

1Teselonqaxituse 1:10

Yeydiwo Wontoy haybowafa densine afaafa yoone e yele waydi kafiya hi yesenikeko zeeriyaka u yese. Esini yoone huulaafa numba maare Yesuusako.

1Xhimootoosese 6:2

Wonto aadexiya yese be laaxe keenge maaliti Yesuusana be laaxaara wolindo nayshe be maaqe gisha be laaxe haassuttoffe. U maresuna go'uttesi Wonto aadexesaara eehuttese indo na'axhitaara u maaqe gisha fetto burome garsi uso maruttuwaye. Ha esa uso erusuwa, hantana u beysoronike mahuwa.

Ibraxituse 2:12

<> yeydiko e hido.

Ibraxituse 3:1

Wontoy fedituke xheydese hayla maaqe nuundo nayshito! <> hidi nu hineesuse anxuttasaara kahinituse afana adiyara maaqe Yesuusa maxuwayte.

Ibraxituse 3:14

Ye esini acha nu aadessoniyaka nu keengicho miimete aallicira makko modhussi nu aytako Kristosaara wolkoko bidzo maaddhi nu yese.

1Phexhrosey 5:1

Hatte hinukaa yese Wonto zawa cimituse <> hidiko ta hine. Tanini hinukeydi Wonto zawase cimako, yeydiwo Kristosa gara yooda maddha odusesaara buro gara addeynesuse e kuxa fuula shahaxaarako.

2Phexhrosey 1:16

Nu Laaxi Yesuusi Kristosa osa gishaara e yoowe gishaara hinuse nu otoniyaka nuuse e kuxa fuula nu aafena beedi baaka axi erana ohutta mamako ayti maaquwasso.

1Yohanisey 1:1

Hinuse nu odusesi burowafawo yecha yeso inge kato gishako. Ye esini nu siidosa, nu aafena nu beedosaara modhussi beedi nu kuchena nu aytosaarako.

1Yohanisey 1:5

<> yeydi hine woossoko esukofa nu siido. Hinuse nu woosesini ha esako.

1Yohanisey 1:7

Wontoy fo'iya yesenike ninini fo'iya sekke hanke hantako ni bidzi bidzina wol badeko ni maaqe. Yeydiwoni Wonto yele Yesuusa suuxi cubbowafa uddiko nii e geeshe.