1Xhimootoosese 6:11 - Kille Caaqo

¹¹ Neno Wonto axe maaqe Xhimootoose! Neese haanxhi iita garafa uddi ba'uwa. Gizo maaqena, uddi wogga Wontosewo maxena, aadexona dicena, feda eehena, danda'ena, shenaxe maaqena neese bidzi muxhurona oseywa.

1Xhimootoosese 6:11 ပူးပေါင်းရင်းမြစ်များ

Roomaxituse 14:19

Yoonase wolko modhetena nu yesoronikiyara wola nu dichoronikiyara nu karduttoose.

1Qorontoosaxituse 10:14

Ta eehe ta badito! Yoonase Wonto maaquwasa wonto mati kuxe garafa zaruwayte!

1Qorontoosaxituse 14:1

Yoonase eehana yesese karduttuwayte, Ayaana Geeshi ingeesita fetto kaayo zeereni oseydi worguwayte.

1Qorontoosaxituse 6:18

Ha e gisha laggetowafa zaruwayte, axi hante fede cubboy uddi e hantuttesi axi garame areko, axi gara tunusuwasso. Laggetena cubbo hante aximay be garako e tunuse.

1Xhimootoosese 1:14

Wontoy be eehaafa dendasuna axuse e keenge maxo modhetey taase keddaydi e laddo. Yesuusi Kristosaara wolko ta keenge bidzetona maaddhasuna esa ta aadexoronikiyara ta eehoronikiyara e mato.

1Xhimootoosese 4:12

Mulla ne maaqe gisha ooneni nemba haassoppe. Wonto aadexe geriti niya beedi hantoronike yesiya ne yese yesona zeeriya ne yese zeerena yeydiwo ne eehanaara ne aadexonaara ne geejhetenani oseywa.

1Xhimootoosese 5:10

Isini nayshe modhussi dichena, borsa mokkena, yekke ullaydi aadexeesituse worguse abako hantena, maddhundeseesita marena fede fede modhe hanta hantena haanxhi modhete hantana eruttese indo maaqeko e worguse.

1Xhimootoosese 6:20

Xhimootoose! Neeko odde hidi ohuttesesa modhussi kakkuwa. Era maaquwasa <> hidi hiyutte zaade era maaqe bersa garafaara go'uwa odo garafaara dhaddi zaruwa.

2Xhimootoosese 2:21

Ha e gisha haanxhi zeere iita inxhadhi geeshe maaddhi yese axi kuxuttese hanta gara feyshe miijheko e bishe. Uddi modhe abako marese naquttese miijhey hayloondesesaara zawaadese go'esaarako.

2Xhimootoosese 2:22

Yoonase, neni mulloontey oone iita col'a garafa neese dhaddi ba'uwa. Geeshi muxhurona Laaxe kuxeesitaara wolko gizeteni, aadexoni, eehani, modheteni ne gara gaddi esaara dicuwa.

2Xhimootoosese 3:10

Xhimootoose, nenimay erusiya ta yecho era, yesiya ta yecho yesoni, maxiya ta yecho maxoni, ta aadexoni, ta danda'oni, ta eehani, ta miimeteni erako ne ere.

2Xhimootoosese 3:17

Uddi modhe hanta hantese danda'esa facete keenguwasa Wonto axe e maaqoronikeko e mahe.

Ibraxituse 12:14

Uddi axaara wolko modhetena yesese worguse base uddi mahuwayte. Haylondo badi yesine ooneni Laaxe beyese danda'uwa gisha haylontena yesese worguwayte.

1Phexhrosey 3:11

Iitaafani dhaddi zaruwaye, modheteni hantuwaye, feditaara wolko modhetena yesese worguwaye, karduttuwaye.