1Xhimootoosese 4:16 - Kille Caaqo

¹⁶ Ne yesoseni maaqqe ne erusesuseni nemba kakkuwa. Neeko ta otosuna uddi oseywa. Yeysi maho'ayko nembani maaqqe siineesita loolusako ne looluse.

1Xhimootoosese 4:16 ပူးပေါင်းရင်းမြစ်များ

Marqoose 13:9

Hinunini hinumba naddhi kakkuwayte. Axiti hinumba yaa'asuko garsi u inge, Ayhuda Bhikkilo Zawaakani hinumba u dure. Taanna hi yese gisha afana maagitusaara kaataxhe buruwakaara yaa'uttese hi uqe. Yenniyakani ta gisha ato maaddhi uso hi siise.

Luqaase 21:34

Sekkeni Yesuusay <

Anxuttaasiti 26:22

Hanzo aallo Wontoko tamba marda. Hinneko haya eedhi oddhese orjeshe ohiya ta yese. Kaayaxitaara Musiyaray hidi buro u zeerdechoshita baaka feda abani ta otoy baasso.

Anxuttaasiti 6:4

Nunimay shi'e garaara kato ohe garaarako nu oseyne>> yeydi u hido.

Roomaxituse 16:17

Nuundo nayshito! Hi erdo era inxhadhi shahuwaara hi aadexona hi miinguwanikiyara maheesiti garafa hinumba hi kaforonikeko oddeydi hinumba ta shi'e. U garafa dhaddi zaruwayte.

Roomaxituse 2:7

Modhe hanta miindi hanti Wontokofa bente kuxaara, e kuxa fuulaara, koolo makkina yesuwara worgeesituse koolo makkina u yesoronikeko e mahe.

1Qorontoosaxituse 1:21

Wontoy be eraafa densi ha saha gara yese axiti be keenge erana Wonto eruwannike matiko e yese. Yeysi mahena ha saha gara yese axituse hade muyoonteke bente nu eruse modhe odo siidi aadexeesita loolusese modhe e maxo maaddhiko e yese.

1Qorontoosaxituse 9:22

Be aadexona gatteseesita haybowafa maareme hissineko ye gafaxituke gafaxe ta maaddho. Uddi ogena bidzi bidzita haybowafa maarese hissineko uddiyadiyara uso ta bissho.

1Qorontoosaxituse 9:27

Fedeesituse modhe odo ta oto geede kardowafa wude dafutti ta benteeme ta garay miimorosa modhussi aytiko taase e woosuttoronike ta mahe.

Efesoonaxituse 4:14

Ha e geede sekke axe halusenaara qaarusenaara zaadena naquttese haluxe erunxuna hade jhirahonaara agexunaara sekke hanke hine nayshe maaddhofunxhi.

Qollasiyasaxituse 4:17

Arkiphaasekoni < hidiko e otese>> hidi ohuwayte.

1Teselonqaxituse 2:16

Ye esini Ayhuda maaquwasiti loolorosa nu ohoroome u tucco. Yeysi mahisineko uddi wogga cubbo gara cubbo kossi hamiya u yese. Ye e gisha Wonto huulay aalliciraaka u gara yoodiko e yese.

1Xhimootoosese 1:3

Maqadooniya hangisine neese odde hidi ta hidonike Efesooniyaka uttuwa. Yaaka bidzi bidzi axiti zaade era erusiyako u yese. <> hidi ususe minsi ohuwa.

1Xhimootoosese 4:15

Ne aadexona ne diccosha axi uddi beyoronike neese ohuttasuna oseywa. Ne woggani ne boheni haanxhi zeerese garsi inguwa.

1Xhimootoosese 4:6

Ha esa aadexeesituse ne erussako ni aadexo gisha eruse eraara modhe erunxaara muusine dicciko Yesuusi Kristosase modhe hantaxe ne maaqe.

2Xhimootoosese 2:10

Yesuusi Kristosana benta loolowara koolo makkina kuxa fuulaara u degexoronike Wontoy xhardese axitume hissineko uddi base ta danda'e.

2Xhimootoosese 3:14

Nenimay neese ooniyaxhi nemba erusosa ne ere gisha ne erdese era garaara ne aytese aade garaara oseywa.

2Xhimootoosese 4:2

Wonto kato ohuwa, e bishe woggani maaqqe e bishuwa woggaa hantese naquttesesa maaquwa, keddaydese danda'onaara erusenaara gayluwa, kashuwa, osusuwa.

Titose 1:9

Aadekoydi efuttese danda'uttesaara aadexo gisha erusso erunxaara wola ekkesaara maaqe kato etti miindesesa maaqeko esa e worguse. Ye e bisha axe be maaddho geedeko geeshi katona fedita minxesaara ha kato iile axita muresaara e danda'e.

Titose 2:15

Yoonase ne erusoronike neese ohuttesi ye esako. Neese inguttese adetona modhussi uso minxuwa, muruwa! Ooneni nemba haassoppe.

Titose 2:7

Be bishana bishana yese modhe maaqe abako hanti mulliti nemba beedi hantoronike mahuwa. Ooneni nimba iileesiti ni gara be zeere iita abako dheeddi u borsoronike gizo zeere zeeruwa. Yeydiwo ne eruse era aade ogenaara haassuttese danda'uttuwa ogenaara erusuwa.

Filmonase 1:19

<> hidi hissine hay tanko Phawlosey ta kuchena neese diizesa. Neni neese yeso ne degessoy ta badena e maaqe gisha fetto neese ta mato base zeerese worguwasso.

Ibraxituse 12:15

Hinukafa ooneni Wontoy axuse keenge maxo modhete garafa be attuwannike bemba naddhi kakkuwaye. Assi camo xhabhoy hi giddaa mudhi maddha hi gara e ooneesumiyara laga axita beeka gelsi e iisesumiyara hinumba naddhi kakkuwayte.

Ibraxituse 13:9

Lossutto baa be bishana bishana yese eray hinumba didhofe. Miyose gaduttese woga katti e geede hamekofa Wontoy axuse keenge maxo modhetena muxhuro oseyeko bishesha. Miyo woga katta axiti yahafa abani degexutto baasso.

Yayqoobey 5:20

cubbachi halli hangicho ogiyafa hanke matasi haybowafa be maardonikiyara laga cubbowafani maaro be degexusonikiyara eruwaye.