1Xhimootoosese 3:2 - Kille Caaqo

² Yennike cima maaqesi haasse keenguwasa, bidzi machiwo ettesesa maaqeko esa e worguse. Yeydiwo alleywasa, bemba atesesa, seessa haassa gelli buduwasa, borsa mokke eehesa, axe erusese danda'esa,

1Xhimootoosese 3:2 ပူးပေါင်းရင်းမြစ်များ

Luqaase 1:6

Usini be lam'una Wontoy axuse otosaara e wogaara uddi modhussi haasse keenguwasa katti Wonto buro gizo u maaqicha.

Luqaase 2:36

Yenniyani bidzi Haanna sunge indo kaayaxhi i yecha. I ommay Aasere maaqusune Faanu'eele busho i maaqicha. Orjena i cindecha. Be adiyara laappi bera i utto geede i adey baado.

Roomaxituse 12:13

Hinunaara wolko aadexiya yeseesita u maddhungeniya maruwayte, borsani mokkuwayte.

Filphisoosaxituse 2:15

Yeysi hi hantako ha doomaara iitaara maaqe ha saha gara yese axi giddaaka iitete keenguwasaara haasse keenguwasaara maaddhiko Wonto nayshe geeshe hi maaqe. Xhoolintey afase faqenikeko hinuni ha saha gara yese axituse hi faqe.

1Xhimootoosese 3:12

Kurariti be nayshitaara be zawa axitaara modhussi ahesa bidzi machi ade maaquttuwaye.

1Xhimootoosese 3:8

Yeydiwo kurariti be kuxa kakkesa, lam'i nuuna zeeruwasa, laga usshe usheshe losse keeguwasa, miijhe degexeeme hissine woxhuwasa maaqeko usoe worguse.

1Xhimootoosese 4:3

Ye e bisha zaadaxiti efunxaara gelunxaara ooxako u ooxe. Wonto aadessi aade ere axitani Wonto galatisine u miyoronike meddhuttecha kaxaafa <> hidiko u tuce.

1Xhimootoosese 5:10

Isini nayshe modhussi dichena, borsa mokkena, yekke ullaydi aadexeesituse worguse abako hantena, maddhundeseesita marena fede fede modhe hanta hantena haanxhi modhete hantana eruttese indo maaqeko e worguse.

1Xhimootoosese 5:22

Oone garani haliya alleydi cima maagexese ne kuche gaddofuna. Fediti cubbowa gelli usaara bidzo maaddhi shatoppuna. Nemba geejhetena modhussi kakkuwa.

1Xhimootoosese 5:9

I adey baadese indo sunxe essa diizusosa ne diizesi i beray izzuppi tammume wokke maaddhesesaara bidzi adewo gellecha indowarako.

2Xhimootoosese 2:24

Laaxi hantaxi uddi axuse shenaxe, axe erusese era keengesa, danda'esa baaka koyse denxesa maaqe esa worgusuwasso.

Titose 2:2

Cindese adiyaxhita erusisine e worgusenike yeseesita, be kuxa kakkeesita, be yeso ereesita, aadexonani eehanani maaqqe danda'onani doomete facete keenguwasa u maaqoronike uso erusuwa.

Ibraxituse 13:2

Borsa mokke dhaddofita. Bidzi bidzi axiti borsita mokkisineko erdo badi yesine Wonto woosaxita u mottese.

Ibraxituse 3:14

Ye esini acha nu aadessoniyaka nu keengicho miimete aallicira makko modhussi nu aytako Kristosaara wolkoko bidzo maaddhi nu yese.

1Phexhrosey 4:7

Yoonase hay uddi basi aalliciray elliko e yese. Wonto shi'ese hi danda'oronike hinumba erdesesa maaddhi qaaxhe gare baaka yesuwayte.

1Phexhrosey 4:9

Umbu umbu hido badi yesine wola hi zawaa zawaa mokkuwayte.

1Phexhrosey 5:8

Qaaxhe gare baaka yesuwayte, birkuwayte. Hi iilaxi Humbayey hade be muunesa wordi ga'e garmakeko sekke hanke e hante.