1Xhimootoosese 1:14 - Kille Caaqo

¹⁴ Wontoy be eehaafa dendasuna axuse e keenge maxo modhetey taase keddaydi e laddo. Yesuusi Kristosaara wolko ta keenge bidzetona maaddhasuna esa ta aadexoronikiyara ta eehoronikiyara e mato.

1Xhimootoosese 1:14 ပူးပေါင်းရင်းမြစ်များ

Matoose 20:9

Tamma bidzi saatena hante aytechashiti be bidzi bidzinani yoodi ye bidzi wonta be hanto wooma u etto.

Anxuttaasiti 15:11

Ninini loollosi hade usukewo Laaxi Yesuusay axuse be keenge maxo modhetiyafa dendi niise hanto hantana e maaqenike aadekoydiko nu hine>> yeydi e hido.

Roomaxituse 16:20

Yeysi hi maho'ayketese axuse modhete inge Wontoy Humbaye hi toke oomoko ukkena dhiila e mahe. Nu Laaxi Yesuusay axuse keenge maxo modhetey hinuse maaquwaye.

1Qorontoosaxituse 15:10

Hidakoni hatte ha esa yeydi ta maaddhoy Wontoy axuse keenge modhe maxowafako. Wontoy taase keenge modhe maxoy yaho atto baasso. Fetto fedeesitume uddime garsi lagussi hantiko ta yese. Yeydi ta hantosini taa e maaddho baane Wontoy be maxo modhetiyafa dendasuna taaka gaddosunako.

1Qorontoosaxituse 3:10

Wontoy taase be keenge maxo modhetiyafa indo ingona hade modhussi keexe keexhe ere hantaxuke kaacho ta kaassho. Fedani ye ta kaassho kaachowa keexe e keexhe. Keexhakoni waysi be keexhenike biya kafeko e worguse.

2Qorontoosaxituse 13:14

Laaxi Yesuusi Kristosay axuse keenge maxo modhetey, Wonto eehay, Ayaana Geeshi inge bidzetoy hi uddiyara yesuwaye.

2Qorontoosaxituse 4:15

Yeenxhi uddi hinumba go'esuko e maaddho. Ye ogenako Wonto kuxa fuulay aatti Wontose galata uquseesiti lagorosa Wontoy axuse keenge maxo modhetey gardesesuna laga axituse e elloronike e maaqe.

2Qorontoosaxituse 8:9

Nu Laaxi Yesuusi Kristosay axuse be keenge maxo modhetiyafa densi aba e hantosa erako hi ere. Woduma maaqichine hinume hissine e jhidho, e jhi'etey hinuni Wonto buro woduma maaqorosa e mato.

Galatiya 1:13

Buro bidzi muxhurona Ayhuda wogana ta yechonike siidiko hi yecha. Wonto zawa axita higilsa keenguwasa uso waayye beysi baysese ta worgicha.

1Teselonqaxituse 1:3

Ye esini hi aadexowafa densi hi hante hantaseni, hi eehaafa benta hi gafaseni nu Laaxi Yesuusi Kristosase hi keenge gobboy waydese miimo e maaqesani nuuse adiyara Wontowara maaqesi buroko uddhi burse baaka hinumba nu maxe.

1Teselonqaxituse 5:8

Nunimay fo'e axita nu maaqe gisha gizo maxona nu yesseese, aadexowara eehaara hade toora maa'oke nu maa''eese. <> yeydi hine gobbo hade toora gulleke nu qinowa nu gaddeese.

1Xhimootoosese 2:15

Yeydi e maaddhakoni aadexonani eehanani haylonte yesonani bemba yekke ullaysisine oseydi i yessako yele yelenako i loole.

1Xhimootoosese 4:12

Mulla ne maaqe gisha ooneni nemba haassoppe. Wonto aadexe geriti niya beedi hantoronike yesiya ne yese yesona zeeriya ne yese zeerena yeydiwo ne eehanaara ne aadexonaara ne geejhetenani oseywa.

1Xhimootoosese 6:11

Neno Wonto axe maaqe Xhimootoose! Neese haanxhi iita garafa uddi ba'uwa. Gizo maaqena, uddi wogga Wontosewo maxena, aadexona dicena, feda eehena, danda'ena, shenaxe maaqena neese bidzi muxhurona oseywa.

2Xhimootoosese 1:13

Doometeni faceteni keenguwa taakofa ne siido erunxuna durkutti yesuwa. Yesuusi Kristosa badena nu keenge bidzetona benta aadexowara eehaara minsi aykuwa.

2Xhimootoosese 2:22

Yoonase, neni mulloontey oone iita col'a garafa neese dhaddi ba'uwa. Geeshi muxhurona Laaxe kuxeesitaara wolko gizeteni, aadexoni, eehani, modheteni ne gara gaddi esaara dicuwa.

Titose 2:2

Cindese adiyaxhita erusisine e worgusenike yeseesita, be kuxa kakkeesita, be yeso ereesita, aadexonani eehanani maaqqe danda'onani doomete facete keenguwasa u maaqoronike uso erusuwa.

1Phexhrosey 1:3

Nu Laaxi Yesuusi Kristosaade maaqe Wontoy galatuttuwaye. Keddaydese be maarowafa dendasuna sekke yelutti kille axe nu maaqoronikeko numba e mato. Sekke yeluttenani Yesuusi Kristosay haybowafa dendo gisha bayese danda'uwa gobboko nu keenge.

1Yohanisey 4:10

Eehay ha esako. Eehay nini Wonto eetonike maaddho badi e yesune Wontoy numba beesewo be eetosaara be yele kaasha mati nu cubbo e ooxorosa e ansosaaray ye esako eehay.

Yohanise Haraje 22:21

Laaxi Yesuusay axuse keenge maxo modhetey aadexeesitaara uddi wolko maaquwaye. Ameen.