1Xhimootoosese 1:10 - Kille Caaqo

¹⁰ laggeteesituse, asanxe maaqichine fede asanxaara laggete asanxuse, axe zal'eesituse, zaaddeesituse, zaade caaqeesituse, ye usita bissheshe gizo erunxe inxha'e fede hanta hanteesituse uddiko.

1Xhimootoosese 1:10 ပူးပေါင်းရင်းမြစ်များ

Yohanise 8:44

Hinuni hinade maaqe Humbaye nayshuko. Hi worgesi hinade maxo hanteko. Esini achaafa densi axe woddhesesako. Aade be keenguwa gisha aadiyara wolko muhuwasso. Zaade be zeereniya beekofako e zaade. Esi beese zaadaxuko, zaadeseni e xhabhoko.

Roomaxituse 1:26

Axiti yeysi matosuna Wontoy borsuse maxo u maxusune uso yaha beedi e dhaddo. Indowaxhiti fetto losso maaqicha asanxaara muho oge dhaddi lossutti eruwadecha muho ogiya u arso.

1Xhimootoosese 4:6

Ha esa aadexeesituse ne erussako ni aadexo gisha eruse eraara modhe erunxaara muusine dicciko Yesuusi Kristosase modhe hantaxe ne maaqe.

1Xhimootoosese 6:3

Bidzoni doomete facete keenguwa ni Laaxi Yesuusi Kristosa katowara aade maaqe aadexo erunxaara dhaddi fede era eruse axi ooneni yesa'ayko

2Xhimootoosese 1:13

Doometeni faceteni keenguwa taakofa ne siido erunxuna durkutti yesuwa. Yesuusi Kristosa badena nu keenge bidzetona benta aadexowara eehaara minsi aykuwa.

2Xhimootoosese 4:3

Ha esa esume ta otosi axiti doomete facete keenguwa erunxe siyese u inxha'e woggay yoone gishako. Yeydi hiyoni be col'e abakoy gizoronike be worgesa eruse eraxitako beese u bhikkile.

Titose 1:13

Yeydi u gisha e zeerdosi aadewoko. Ye e gisha u aadexoy doomete facete keenguwasa maaqoronike Ayhudaxiti mamake go'uwa mamako geede u hanguwanikiyara aade inxha'e axiti ohesa u siwwanikiyara uso minsi kashuwa.

Titose 1:9

Aadekoydi efuttese danda'uttesaara aadexo gisha erusso erunxaara wola ekkesaara maaqe kato etti miindesesa maaqeko esa e worguse. Ye e bisha axe be maaddho geedeko geeshi katona fedita minxesaara ha kato iile axita muresaara e danda'e.

Ibraxituse 13:4

Laggeteesiti garaara ye e bisha hanteesiti garaara Wontoy yaa'e gisha gelleseesitaara etteseesitaaray be caadhecho caaqo kuxana kattesesa maaquttuwaye. Adey be machime fede macho machi be ademe fede ade massoppe.

Yayqoobeyndo 1:7

Ye esukewo Sodome katamani Gamora katamani u googiya yecha katamitini laggetowa gelli asanxaara maachaaray wolko muhicho oge arsi maaquwa ogena wolko u muto. Ye usiti buro gara koolo makkina yese tamana yaa'utte cubbachiti bisha maaddhiko u yese.

Yohanise Haraje 18:13

be bishana bishana yese kaxaa unge dhale, karawa, be bishana bishana yese ixhaanita, weyne daana, zayte, qiicutti littese dhiila, gossa, keemo, dorita, faradzita, gaarita, yeydiwo maalitaara fede lubbo keenge axitaara atto badi ye usita woongeesiti baasso.

Yohanise Haraje 21:27

Darrise abako hanteesitaara zaade zeereesitaaray abani tuna maaqesi be uddina ye katamaa geluwasso. Geleesitimay doruse maaqe yeso fissharowa e sunxi diizutteseesitawoko.

Yohanise Haraje 21:8

Yeydi e maaddhakoni jhasheeshiti, aadexuwasiti, tunaxiti, axe wodheesiti, laggeteesiti, qayeesiti, Wonto maaquwasa wonto mati kuxeesiti, yeydiwo zaadaxiti be uddina u tagoy dine hidi hiyuttesaara tamaaray essaaka yese orjena megge tama bagadiyaakako e maaqe. Ye esini lakkunxo hayboko>> yeydi taase e hido.

Yohanise Haraje 22:15

Tunaxiti, qayaxiti, laggeteesiti, axe wodheesiti, Wonto maaquwasa wonto mati kuxeesiti, zaade eeheesitaara be hantanaara be zeerenaara zaaddeesitaaray uddi katamame wudeko u atte.