1Qorontoosaxituse 4:14 - Kille Caaqo

¹⁴ Ha esani hinuse ta diizosi hade ta eehe ta nayshituke mati hinumba murese wordi baaka hinumba borsusese hissine maaquwasso.

1Qorontoosaxituse 4:14 ပူးပေါင်းရင်းမြစ်များ

Anxuttaasiti 20:31

Haydzi bera aallo qamaara wontaara yeekisine waydi yese hinumba e worgusenike eruse ta dhaddo baasa maxisine birti oseywayte.

1Qorontoosaxituse 15:34

Hinumba erdi maaquwayte, gizetena yesuwayte. Ha e geede sekke cubboni hantofita! Hi giddaa Wonto eruwasitako bidzi bidziti yesa. Ha esani ta ohesi hi borsorosako.

1Qorontoosaxituse 4:15

Kristosa ogiya hinumba dicheeshita fetto tammi kumana taabutteesita hi keendakoni hinumba yella adey bidziwoko. Ye esini modhe odo hinuse ohena Yesuusi Kristosaara bidzo maaddhi hi yesoronike hinumba yellay tambako.

1Qorontoosaxituse 4:17

Ha e gisha Laaxuna ta yellese muxhuraxe maaqe ta eehe Xhimootooseko hinuko ta ansese. Uddi be godowa godowa yese Wonto zawaxita eruse eraara wolko hangesa Yesuusi Kristosaara wolko ta yesoy waydi e maaqenikeko hinumba e maxuse.

1Qorontoosaxituse 6:5

Fetto ha esi hinumba borsusuwaye? Aadexe hi giddaaka indo nayshe naqesi gaxe keenge axi bidzini bentuwaye?

1Qorontoosaxituse 9:15

Tanimay bidzi abakoni degexese ta adetona go'utto baasso. Ha esani ta diizesi ta keenge adetona go'uttese maaquwasso. <> yeydi ta cee'uttichoshi yaho e atteesume hay'eko taase bishesha.

2Qorontoosaxituse 11:11

<> yeydi taynesi abasuna? Hinumba ta eehuwa gisha? Hinumba ta eehesa Wontoko eresa.

2Qorontoosaxituse 12:19

Hatte aallo nu zeeresi nu gara yoone zeere tuceshe nu zeeresako hinumba e bishe? Yeydi maaquwasso. Nu eehe nu badito! Kristosa hantaxe nu maaqesuna Wonto buro hinuse nu hantesi hinumba dicheshe wordiko.

2Qorontoosaxituse 7:3

Ha esa taynesi <> hidi hinumba hiyese maaquwasso. Ha e buro hinuse ta otonike nu muxhurowakako hi yese, ye e gisha yessakoni haydhakoni hinunaarako nu yese.

Qollasiyasaxituse 1:28

Axi be bidzi bidzina Kristosana uuxha axe maaqoronike mahese laga gaxuna uso shi'isiniyara erusisiniyarako Kristosay oone maaqenike nu eruse.

1Teselonqaxituse 2:11

Adey be nayshe aykenike hi bidzi bidzo waysi nu aytosa erako hi ere.

1Teselonqaxituse 5:14

Nuundo nayshito! Hanta hantuwasita gayluwayte, jhasheeshita <> hidi osusuwayte, gafaxitani maruwayte, axe uddina dandadhi aykuwayte hidiko hinumba nu minxe.

2Teselonqaxituse 3:14

Ha diizzi hinuse nu anxesa siwwa axi yesa'ayko ye axe naddhi eruwayte. E borsoronike esaara wolko feysshofita.

Filmonase 1:10

<> hidi ta hidosi Anasimoose gishako. Tufe zawa yesineko Wonto e aadexoronike mati tayne ta yele e maaddho.

1Yohanisey 2:1

Ta nayshito! Ha esa hinuse ta diizesi cubbo hantofita hidiko. Haliya ooneni cubbo hantesa maaddhako nuwade badiya nu gisha eedhesesako nu keenge. Ye esini gizo maaqe Yesuusi Kristosako.

3Yohanisey 1:4

Ta nayshi aade hantisine esuna u yesesa siidi ta maggeesume garsi feday tamba maggusesi baasso.