1Qorontoosaxituse 2:13 - Kille Caaqo

¹³ Nuni Ayaana oge gisha Ayaana keenge gerituse ohisine axi garafa bente erana e maaddho baanne Wonto Ayaanakofa bente eranako nu ohe.

1Qorontoosaxituse 2:13 ပူးပေါင်းရင်းမြစ်များ

Luqaase 12:12

Ye wogaaka aba zeerese hinumba e worgusesa Ayaana Geeshuko hinuse ohesa>> yeydi e hido.

Anxuttaasiti 2:4

Ayaana Geeshini u uddiyaka kundi ususe indonike fede fede wude nuunana zeere u ayto.

1Qorontoosaxituse 1:17

Kristosay taa ansosi modhe odo ta ohorosa baaka ta xhamaqorosa maaquwasso. E suxhutti haydhosi osa dheeddi yaho maaddhi e ateesume ye modhe odo ta ohesi ta keenge modhe eraafa benta zeerena maaquwasso.

1Qorontoosaxituse 14:2

Kille nuunana zeere axi e zeeresi Wontoko baaka axuko maaquwasso. Aachiya yesesa Ayaana Geeshi esa zeeruse gisha e zeeresa eresi baasso.

1Qorontoosaxituse 2:1

Nuundo nayshito! Hinuko ta yoodo wogga e aallicira axi erese danda'uwa Wonto maxo hinumba ta erusoniya zeere sooqussi hinuse zeerenaara keddaydese erana go'uttenaara erusso baasso.

1Qorontoosaxituse 2:14

Wonto Ayaana keenguwa aximay Wonto Ayaanakofa ingutta ingo efese danda'uwasso. Ye esini ye e bisha ingoy aba e maaqesa sekke hanke arsi beyese Wonto Ayaana badena e maaqe gisha gaxhese danda'uwasso. Ususeni fetto muyoonteko e bishe.

1Qorontoosaxituse 2:4

Yoonase hi aadexoy axi erana eedhesesa e maaddho baane Wonto osana eedhesesa e maaqoronike ta zeerdosani maaqqe ta eruso katoy Wonto Ayaana osana kiidhuttesesa baaka axi eranaara axuse sooqussi zeere uqusenaara maaquwadiko e yecha.

1Qorontoosaxituse 9:11

Wontose maaqe zeere hi giddaa nu ayllo geede achoshe maaqesa hi garafa nu go'uttako efese nuu e worgusichoshume garsiya nu etto?

Efesoonaxituse 5:19

Be bishana bishana yese zingalena wolla zingaluwayte zeeruwayte, Laaxuse hi muxhurowaka zingaluwayte.

Qollasiyasaxituse 3:16

Kristosa gisha zeere katoy be uddina hi muxhurowa yesuwaye. Gaxuna uddi wola erusuwayte, wolani muruwayte. Be bishana bishana yese zingalena Wonto hi muxhurowanna galatisine zingaluwayte.

1Phexhrosey 1:12

Ye kaayaxiti u zeerdechoshi beese e maaddho baane hinuse e maaqenikeko ususe Wontoy addusecha. U zeerdechoshini afaafa anxutta Ayaana Geeshi osana modhe odo odusaasiti badena hinuse hatte ohuttiko e yese. Ye esa afaase woosaxitini aba e maaqenike erese col'iyako u yese.

2Phexhrosey 1:16

Nu Laaxi Yesuusi Kristosa osa gishaara e yoowe gishaara hinuse nu otoniyaka nuuse e kuxa fuula nu aafena beedi baaka axi erana ohutta mamako ayti maaquwasso.