1Qorontoosaxituse 13:13 - Kille Caaqo

¹³ Yoonase aadexoy, gobboy, eehay, ha u haydzi miindiko u yese. Ussaafa garesi eehako.

1Qorontoosaxituse 13:13 ပူးပေါင်းရင်းမြစ်များ

Luqaase 10:27

Ye adeni < yeydiwo yeydiko e hine>> hidi e hido.

Luqaase 22:32

Tani yenniyaka ne aadexoy baaneesume ne gisha Wonto shidhiko ta yese. Neni higilli hanke taako ne maaddho geede neyndo na'axhe minxuwa!>> hidi e hido.

Roomaxituse 15:13

Hi gobbey Ayaana Geeshi osana dicishine hamoronike axe gobbuse Wontoy esa hi aadexe gisha maggaara modhetiyara uddi hinuse inguwaye.

1Qorontoosaxituse 14:1

Yoonase eehana yesese karduttuwayte, Ayaana Geeshi ingeesita fetto kaayo zeereni oseydi worguwayte.

1Qorontoosaxituse 16:14

Hi mahe abako uddi eehana mahuwayte.

1Qorontoosaxituse 3:14

Ooneni ye kaachowa e hantosa tamay miye dheeba'ayko mooreko e degexe.

1Qorontoosaxituse 8:1

Hatte, Wonto maaquwasuse kaashutta acho miye gisha ta ohesa siwwayte. <> yeydi nu hinesi eruttesesako. Hidakoni eray waarusuko e waaruse, eehamay dichako e diche.

1Qorontoosaxituse 8:3

Wonto eehe axema Wontoy erako e ere.

2Qorontoosaxituse 5:10

Ye esini nuni nu bidzi bidzina achona yesine nu hanto iiteteseni maaqqe modhetese nu hanto hanta wooma nu uddina efese yaa'ese uttese Kristosa buro uqeko nuu e worguse.

2Qorontoosaxituse 5:15

En'a yeseesiti usume hissine haydhi haybowafa dendasuse u yesoronike baaka beeme hissine ha makkina sekke u yesuwannike Kristosay uddiyademe hissine e haydho.

Galatiya 5:6

Yesuusi Kristosaara wolla bidzo nu maaqusune nu keenge eehaafa densi nu hante hantana nu beyse aadexo baaka gada utteni gada utte dheebeni wooma keenguwasso.

Filphisoosaxituse 1:9

Hi eehay eraara gaxaaray essa kundesesa maaddhi dicci be buro gara e hamorosako Wonto ta shi'e.

Qollasiyasaxituse 1:27

Wonto maxoy ye eruttobadechine hatte eruttasi kuxaara woduntiyara Ayhuda maaquwasiti giddaaka an makko malla e maaqenike haylaxituse adduseko. Ye eruttobadechine hatte eruttasi Kristosako. Hatteni hinukaaka e yesesuna Wonto kuxa fuula shahaxe maaqese gobbe keemako hi keenge.

Qollasiyasaxituse 1:5

Hi aadexowara hi eehaaray e kaachuttosi afaaka naqutti hinumba kakke gobbo garako. Ye gobboni aade gisha ohesa maaqe modhe odoy hinuko yoodoniya buro siidiko hi yese.

Qollasiyasaxituse 3:14

Uddi haanxhi gara kossi eeha keenguwayte. Eehay uddi base hanke wolko icci bidzoni shaho keenguwasa mahesako.

1Teselonqaxituse 1:3

Ye esini hi aadexowafa densi hi hante hantaseni, hi eehaafa benta hi gafaseni nu Laaxi Yesuusi Kristosase hi keenge gobboy waydese miimo e maaqesani nuuse adiyara Wontowara maaqesi buroko uddhi burse baaka hinumba nu maxe.

1Teselonqaxituse 5:8

Nunimay fo'e axita nu maaqe gisha gizo maxona nu yesseese, aadexowara eehaara hade toora maa'oke nu maa''eese. <> yeydi hine gobbo hade toora gulleke nu qinowa nu gaddeese.

1Xhimootoosese 1:5

Ye neese ta woosso woossose e alsomay geeshi muxhuronani maaqqe iita modhe shati ere muxhuronani awsha keeguwa aadexonani aadexeesiti wola u eehesako.

2Xhimootoosese 1:7

Wontoy niise indo Ayaanay osani eehani ni keemoronikiyara nimba ni kaforonikiyara e mahesa baaka ni jhashoronike mahuwasso.

Ibraxituse 10:35

Hatte hi yesenike eezo keenguwasa Laaxe gobbisine yesuwayte! Eezo keenguwasa Laaxe gobbey keddaydese woomako e keenge.

Ibraxituse 10:39

Nunimay Wonto aadessi loolowa hangeesiti bade baaka sekke be geede geede hidi baysowa hangeesiti bade maaquwanxhiko.

Ibraxituse 6:11

Hi bidzi bidzina gobbisine hi kakke abako hi kuchena aykese hatte hi oseydesenike aallicira aallo hi oseyorosako nu worge.

Ibraxituse 6:19

Numba e gobbusese gobboy nu lubbose hade sekke hanke en'uwa hooddusuwa malahiqeke yesesako. Ye gobboni Wonto Hayla Zawa gidda hade gilbake fasshicha maa'o geedena garsiko Wontowara nuu e muhuse.

1Phexhrosey 1:21

Haybowafa Kristosa densi kuxa esuse inda Wonto Kristosa badenako hi aadexe. Ha e gisha hi aadexesaara hi gobbesaaray Wontoko.

1Yohanisey 2:10

Beyndo nayshe eehesi ooneni fo'iyako e yese. E muxhurowaka fediti dhumuttoronike aban baasso.

1Yohanisey 2:14

Nayshito! Ade maaqe Wonto hi erdese gishako ha esa hinuse ta diizzo. Adiyaxhito! Burowafa ayti yese Wonto erdi hi yese gishako ha esa hinuse ta diizzo. Mullito! Osaxe hi maaqe gisha Wonto katona hi miindese gishaara iita maaqe esa hi iisheshe gishaarako hinuse ha esa ta diizzo.

1Yohanisey 2:24

Burona hi siidechoshi hi muxhurowa yesuwaye. Ye esi hinukaa e yeso geede adiyara yeliyara wolko hi yesoronike maaddhiko e yese.

1Yohanisey 3:3

Kristosana ha esa gobbesi uddi Kristosay geeshe maaqenikeko bemba e geeshe.

1Yohanisey 3:9

Wonto yele maaddhesesi Wontoy gaddesesa beeka be keenge gishaara Wontokofa be yeluttese gishaara cubbo hantuwasso, hanteseni danda'uttuwasso.