1Qorontoosaxituse 1:8 - Kille Caaqo

⁸ Nu Laaxi Yesuusi Kristosay yekke yoone wonte haasse keenguwasa maaddhi hi bentoronike aallicira makko miindi hi yesorosako hinumba Wontoy e mahe.

1Qorontoosaxituse 1:8 ပူးပေါင်းရင်းမြစ်များ

Luqaase 17:24

Zeelunxi zeelungisine ha saha wosula aallo uddina zeelundi e bentenikeko tani axi yeley yoone wontey yeydiwo e maaqe.

Luqaase 17:30

Tani axi yeley yoodi bente wonte yeydiko e maaqe.

Roomaxituse 14:4

Fedase hante maala gara yaa'e neni oonewa? Ye maalase e laaxuko esa <> yeydi hinesi. Laaxi <> hidi esa efese danda'e gisha miindi ee'esuko e danda'e.

Roomaxituse 16:25

Yoonase Wontose kuxay maaquwaye. Esini Yesuusi Kristosa gisha ta odusso modhe odonaara olowafa ayti laga bera aallo addeydo badi yechine hatte addeyda aadenaara hi aadexona miindi hi ee'oronike hinumba mahesuko e danda'e.

Roomaxituse 8:19

Meddhoy be uddinako Wonto nayshi addeynesa beyese wordi orje sazana e kakke.

1Qorontoosaxituse 3:13

waydi e keexhonike beyuttoko e beyutte. Yaa'a wonteko addaa e kese, tamana e addeyne gisha axuse e bidzi bidzi hantay aba e maaqenike tamanako naa'utti e beyutte.

1Qorontoosaxituse 5:5

yeenke yese axe Humbayese garsi inguwayte. Yeysi hi mahesini ye cubbachi e acho maxoy baadi e lubboy Laaxi yoone wonte looloronikeko.

2Qorontoosaxituse 1:13

Zeerusesaara gaxhesaara hi danda'uwasa feda abani hinuse diizuwanxhiko. Laaxi Yesuusay yoone wonte nuni hinunnana cee'uttenike hinunini nuunna hi cee'uttoronike hatte nu gisha shati eriya hi yesenike buro gara kumena hi gaxhorosa gobbako nu gobbe.

2Qorontoosaxituse 1:21

Yoonase numbani hinumbani Kristosana miindi nu ee'orosa matasi Wontoko, nimbani tisshashini esako.

Efesoonaxituse 5:27

Ye e bishanako axhuma oo'oyne waqo shur'ume oo'oyne fede iita abakoy bento baane bidzi facete keenguwasa haylaara kuxa fuulaara keengesa mati be buro e uquse.

Filphisoosaxituse 1:10

Dicishine e handoyna Kristosay sekke yoone wonte geeshaara haasse keenguwasitaara maaddhi hi bentoronike uddi abakita arsi beediko moddhese abako hi ere.

Filphisoosaxituse 1:6

Modhe hanta hi yesuwaka hante ayta Wontoy Yesuusi Kristosay yoone wonte aallo ellussi e alsenike ha esa eezuwasso.

Qollasiyasaxituse 1:22

Hattema e yeley axe maaddhi e haydhosuna Wontoy beera wolko hinumba naddhiko e yese. E naddhosini haylaxaara geeshaara haasse keenguwasa mati be buro hinumba uqusesuko.

Qollasiyasaxituse 2:7

Esuna xhabho datti eedhi hi oseydesenike dicuwayte. Hi erdesenike hi aadexona miindi ee'uwayte. Lagussi esa galatisine yesuwayte.

1Teselonqaxituse 3:13

Laaxi Yesuusay haylaxitaara uddi yooneniyaka nuuse ade maaqe Wonto buro haasse keenguwasaara hayla maaddhiyara hi bentoronike hi muxhuro Laaxi osusuwaye.

1Teselonqaxituse 5:2

Ye esini Laaxi yoone wontay kaysoy qama yoonenike e yoonesa hinuse modhussi hi ere gishako.

2Teselonqaxituse 2:2

Ye esini kaayoy addusonike oo'oyne nuukofa odoy sintonike oo'oyne nuukofa woossoy diizutti handonike mati <> hidi hi maxo buddofita, du'eydofita!

2Teselonqaxituse 3:3

Laaxi be zeerdo zeere garafa artuwasso. Esako hinumba osusesaara ye iita maaqe Humbaye garafani kakkesaaray.

2Xhimootoosese 1:12

Ha maddhani ta gara e yoodosi ye e gishako. Oone aadexiya ta yesesa ta ere gisha borsuwasso. <> hidi hissine esuse ta indesesa ye wontey yoone aallo kafese e danda'enike modhussi erako ta ere.

2Xhimootoosese 1:18

Ye yaa'a wonte Laaxi esa maxuwaye. Efesoone ta yecho wogga waysi tamba e mardonike modhussi erako ne ere.

1Phexhrosey 5:10

Axuse fetto maxo modhete keenge Wontoy Kristosa badenako koolo makkina e kuxa fuula shahaxe hi maaqoronike hinumba e xheydo. Oddhe woggase maddhaa hi gello geede hinumba sekke mati e osuse, e gagguse, minsini e esse.

2Phexhrosey 3:10

Laaxi yoone wontamay hade kaysokeko dedha e yoone. Ye wonte afay orje katonako e baane, afaa yese meddhoy uddi tamana meggutti u hashe. Ha sahaara e bakkaa yesesaaray uddi e meggutte.

2Phexhrosey 3:14

Yoonase, ta eehe ta badito, ha esi uddi maaqe wonta kakkisine modhetena haasse keenguwa geeshe maaddhi hi yesune Laaxi hinumba degexoronike oseydi hantuwayte.