1Phexhrosey 5:12 - Kille Caaqo

¹² Ha esa hinuse ta otonike diizzasi nuundo na'i Silwaanoseko. Esini <> hidi ta hinesako. Oddhena ta diizosini hinumba minxesaara Wontoy axuse keenge maxo modhetey aadewo modhe e maaqenike addusesaarako. Ye e modhete maxona miindi ee'uwayte.

1Phexhrosey 5:12 ပူးပေါင်းရင်းမြစ်များ

Yohanise 21:21

Phexhrosey ye axeni beedi Yesuusako <> hidi e oycco.

Anxuttaasiti 11:23

Esini handi Wontoy be maxo modhetena ususe hantosa be beedoniya maddi be uddina bidzi muxhurona Laaxuna miindi u yesorosa uso e osusso.

Anxuttaasiti 15:22

Ye e geedeni anxuttaasitaara cimitaaray Wonto zawa axitaara uddi be giddaafa oddhe axita xhardi Phawlosiyara Barnabasiyara Anxhokiya anxese wolko u kundo. Aadexeesiti giddaa durkena eruttecha Barsabaase hiyutte Yuudaara Sillaasiyara u xhardo.

Anxuttaasiti 20:24

Gafiya ta yese gafani ye esini Laaxi Yesuusay ta hantoronike indo hanta ta alsoro aallo ta lubbose bidzoni hoodduwasso. Ye ta hantani Wontoy axuse keenge maxo modhete adduse modhe odo oheko.

Roomaxituse 5:2

Wonto nu aadesoosuna Yesuusi Kristosa badenako Wontoy axuse keenge e maxo modhetese e shahaxe nu maaddho. Hatteni ye essaako nu yese. Wonto kuxa fuula shahaxe maaqese nu gobbusutto gobbenako maggana nu cee'utte.

1Qorontoosaxituse 15:1

Hatteni nuundo nayshito! Hinuse ta otecho modhe odo hinumba maxusesuko ta worge. Ye modhe odoni hi ettechoshaara esuna miindi hi eedhechoshaarako.

2Qorontoosaxituse 1:19

Taani maaqqe Sillaasiyara Xhimootoosiyaray hinuse e gisha nu oto Wonto yele Yesuusi Kristosay <> hidi be hidosa <> hidi arxesa maaquwadiko e yecha. Esimay uddi wogga <> hidi hinesako.

2Qorontoosaxituse 1:24

Hi aadexona miindi hi eedhese gisha hi maggorosa hinunaara wolla nu hantesa baaka hi aadesoosuna hi gara nu adetona go'uttuwanxhiko.

Efesoonaxituse 3:3

Ha esume womfa hatussi hinuse ta diizzonike Wontoy aachiyaka yecha be maxo addussi tamba beysiko e yese.

Efesoonaxituse 6:21

Laaxuse bidzi muxhurona hantiya yese eehuttese indo na'i Tikiqosey waydi ta yesenikiyara aba ta hantenikiyara hi eroronike uddi zeere hinuko ohoko e ohe.

Qollasiyasaxituse 1:7

Ha modhe odo nuura wolko hantiya yese eehuttese Ephafray hinuko otiko e yese. Esini hi gisha Kristosase bidzi muxhurona hante hantaxuko.

Qollasiyasaxituse 4:7

Tikiqosey waakeydi ta yesenike e kumena hinuko ohoko e ohe. Esini eehuttese indo na'aara hantaseni muxhuraxaarako. Taara wolkoni Laaxi maalako.

Qollasiyasaxituse 4:9

Esaara wolko hinukofa maaqe muxhuraxaara eehuttesesaara maaqe nuundo na'i Anasimooseko hinuko hangesa. Usini haya yese zeere uddi hinuko ohoko u ohe.

1Teselonqaxituse 1:1

Phawlosekofa, Sillaasekofaara, Xhimootoosekofaara. Ade maaqe Wontowara Laaxi Yesuusi Kristosaara bidzo maaddhi yese Teselonqe katamaaka yese Wonto zawa axituse ha woosso nu anxe. Wontoy axuse keenge modhe maxowara modhetiyaray hinuse maaquwaye.

2Teselonqaxituse 1:1

Phawlosekofa, Sillaasekofaara Xhimootoosekofaara anxutta woosso. Nuuse ade maaqe Wontowara Laaxi Yesuusi Kristosasaara bidzo maaddhi Teselonqe katamaaka yese Wonto zawa axituse.

Ibraxituse 13:22

Nuundo nayshito! Ha hinuse ta diizzo woossoy hata e maaqe gisha waydi hi yesoronike hinumba minxese hinuse ta otosa <> hidi dandadhi hi eforonikeko hinumba ta shi'e.

1Phexhrosey 1:13

Ha e gisha hi muxhuro hanta gara mati naquttuwayte, qaaxhe gare baaka yesuwayte. Yesuusi Kristosay yoone wonte Wontoy axuse be keenge maxo modhetiyafa dendasuna hinuse mahesa bidzi muxhurona gobbuwayte.

1Phexhrosey 4:10

Wontoy axuse be keenge maxo modhetiyafa densi axuse e indese be bishana bishana yese ingo hade modhussi ayke axuke hinunini modhussi ayti hi bidzi bidzina hi ettese ingoke wola maruwayte.

2Phexhrosey 1:12

Fetto ye zeerita erdiko hi yese, hi ayto aade garani oseydiko hi yese. Yeydi e maaddhakoni ye usita uddi wogga sekke hinumba maxusese tani gakkuwasso.

2Phexhrosey 2:15

Gizo oge dhaddiko u yese. Bosoore yele Baala'aame ogiyaanna handiko e hantonike hanti u hallo. Baalaamey iita hanta hanti miijhe degexese eehe axuko e maaqicha.

3Yohanisey 1:12

Dimexhrose uddi axitini maaqqe aadeni beese esa nashako nashe, nunini assi nashako nashe. Nu zeere zeerey aade maaqenike erako ne ere.

Yayqoobeyndo 1:3

Ta eehe ta badito! Ni uddina haybowafa Wontoy nimba waakeysi e maardosa hinuse diizese orjena wordiko ta yecha. Worguwamba baaka haylaxituse sekke be lakkuwasa bidziyawo ingutta aadexose hi karduttoronike hinumba osusese hinuse ta diizoronike taase orjena worgusesa maaddhi bentiko e yese.