1Phexhrosey 2:9 - Kille Caaqo

⁹ Maaquwaye baaka hinuni cenchaafa micushe be fo'iya hinumba xheyda Wonto malla hanta hi odusoronike ha saha gara yese axitaafa xharuttese omma, kaati kahinita, hayla axita, Wontoy beese matoositako.

1Phexhrosey 2:9 ပူးပေါင်းရင်းမြစ်များ

Matoose 4:16

Cencha godowa yese axiti orje fo'eko u beedo. Hayboy hade dooshuke fasshi yecho wudiya yese axituse fo'ey kesso>> yeydi hidechoshako.

Matoose 5:16

Yeenkewo axiti modhe hi hanta beedi afaa yese hinade u kuxoronike faqe maaddhi axi buruwa faquwayte>> yeydi e hido.

Luqaase 1:79

Esini cenchakaara haybo dooshaakaara yeseesitusuko e faqe, nu hamoni modhe ogeko e durke>> yeydi hissine e zeerdo.

Yohanise 17:19

Usi aadena haylondi yesesa u maaqoronike tanini u gisha tamba ta haylonxe.

Anxuttaasiti 20:28

Ayaana Geeshi Wonto bade maaqeesita uddi hi kaforonike hinumba maagessiko e yese. Yoonase hinunaara axitaara modhussi kakkuwayte! Laaxi beese be garafa gutta suuxuna e wozzo Wonto zawa axita kakkuwayte.

Anxuttaasiti 26:18

U aafey beyorosa mati cenchaafa fo'iya ne garxorosa Humbaye adeto oomowafa Wontoko ne mahorosako nemba ta anxe. Yenniyani usi be cubbowafa u maarutte, taanna be aadesoosunako haylondeseesiti giddaani beese godo u degexe> yeydi e hido.

Anxuttaasiti 26:28

Kaati Agriphani Phawlose <> yeydi e hido.

Roomaxituse 9:24

Nini e xheydositukako ni yese, e xheydoositi Ayhuda badewo e maaddho baanne Ayhuda maaquwasitaaraysiko.

1Qorontoosaxituse 3:17

Yoonase Wonto Hayla Zaway hayla e maaqe gisha ooneni ye zawa woddussako Wontoy esa woddusako e wodduse. Ye Wonto Hayla Zawani hinumbako.

Efesoonaxituse 1:14

Ayaana Geeshe niise e indosunako Wontoy beese maaqeesita uddi wozzi be also geede nuuse be hidese tago e indesenike erese ni danda'e. Ye esini Wonto kuxa fuulay kedda kedda hiyoronikeko e mahe.

Efesoonaxituse 1:6

Yeysini e matosi axuse e keenge kuxuttese e maxo modhete gisha axi esa galatorosako. Ye modhete be maxoni eehuttese be yele badenako niise e adduso.

Efesoonaxituse 3:21

e zawa axitunani maaqqe Yesuusi Kristosa badena berana berana uddi koolo makki aallo kuxay maaquwaye, ameen.

Filphisoosaxituse 3:14

Wontoy Yesuusi Kristosa badena esume afaa taa e xheydese moore degexesuko iicho godowa ellese ta buro gara ta woxhe.

Qollasiyasaxituse 1:13

Ye esini Wontoy cencha osaafa numba maardi eehuttese be yele kaatetowa nuu e oodo.

2Xhimootoosese 1:9

Wontoy nimba loolussi esuse haylaxita nu maaqoronikeko e xheydo. Ye esa e matosi nu hanta modhetena e maaddho baanne buronawo <> hidi beydosunaara axuse be keenge maxo modhetenaarako. Ye eehani abani meddhutto baanne e buro Yesuusi Kristosa badena nuuse ingese massi e yechoshako.

Titose 2:14

Esini iitaafa uddi numba wozese modhe hanta hantese oseydesesaara esusewo maaddhese axitaara nu maaqoronikeko numba geesheme hissine nu gisha bemba garsi e indo.

1Phexhrosey 1:2

Ade maaqe Wontoy hinumba e xhardosi burowo <> hidi be hidechonikeko. Ayaana Geeshuna haylaxitako hinumba e mato. Yeysi e matosi Yesuusi Kristosase hi woosuttoronikiyara e suuxuna hi geejhoronikiyarako. Wontoy axuse keenge modhe maxowara modhetiyaray hinuse laguwaye.

1Phexhrosey 2:5

Hinunini hade en'a shuchituke Wonto Ayaanana durkutti keexhuttese aadena Wonto zawa maaqesuko hi keexhutte. Ha e bishanako Yesuusi Kristosa badena Wonto magguse e Ayaanana durkutti ingutte aadena kaasha esuse uqusese haylondese kahinita hi maaqe.

1Phexhrosey 4:11

Wonto kato ohesi ooneni Wontoy beese esukaana ohesa maaqenike gaxhisine ohuwaye. Wonto zawaa maresi ooneni beese e inge osana maruwaye. Wontoy Yesuusi Kristosa badena yenniya uddi basunako e galatutte. Kuxani adetoni koolo makkina esuse maaquwaye. Ameen.

Yohanise Haraje 1:6

esade maaqe Wonto kaatetowa gelli kahinita maaddhi nu hantoronike mataasuse kuxa fuulaara osaaray koolo koolo makkina maaquwaye, ameen.

Yohanise Haraje 20:6

Acha haybo denxose shahaxe maaqeesiti suuzutteseesitaara haylitaarako. Wontosaara Kristosasaara kahineko u maaqe. Kristosaarani wolko kuma bera aalloko u kaate. Lakkunxo hayboni u gara adeto keenguwasso.

Yohanise Haraje 5:10

Nu Wonto kaatetowaka gelli kahinita maaddhi u hantoronike matiko ne yese. Usini ha saha garako u kaate>> yeydi u zingallo.