1Phexhrosey 1:3 - Kille Caaqo

³ Nu Laaxi Yesuusi Kristosaade maaqe Wontoy galatuttuwaye. Keddaydese be maarowafa dendasuna sekke yelutti kille axe nu maaqoronikeko numba e mato. Sekke yeluttenani Yesuusi Kristosay haybowafa dendo gisha bayese danda'uwa gobboko nu keenge.

1Phexhrosey 1:3 ပူးပေါင်းရင်းမြစ်များ

Yohanise 1:13

Ye usitini Wontokofa u yeluttosa baaka axi bohiyafa acho maxowafaara col'afaara yelutto baasso.

Roomaxituse 12:12

Gobbiya hi yese gobbona magguwayte, maddha hi gele woggaa danda'uwayte, uddi woggaa Wonto shi'e dhaddofita!

Roomaxituse 15:13

Hi gobbey Ayaana Geeshi osana dicishine hamoronike axe gobbuse Wontoy esa hi aadexe gisha maggaara modhetiyara uddi hinuse inguwaye.

Roomaxituse 4:25

Wontoy e woga ni gardo gisha Yesuusay hay'oronike garsi e indo. Nimba gizo mahese esa haybowafani e denso.

Roomaxituse 5:10

Nuni Wontowara iilaxe maaddhi yechine e yele haybona esaara wolko naquttiko nu yese. Hatte Wontowara nu naqutto geede Wontoy numba loolusesi fetto be yele yesonako.

Roomaxituse 8:11

Yesuusa haybowafa densa Wonto Ayaanay hinukaaka yesa'ayko Kristosa haybowafa densa Wontoy hinuka yese be Ayaana badena hay'e hi achosheni yesoko e inge.

Roomaxituse 8:24

Ye esini nuni loollosi ye gobbonako. Nu gobbe abakomay bento geede gobbey atoko e atte. Yese abako <> hidi ooneni gobbuwasso.

1Qorontoosaxituse 13:13

Yoonase aadexoy, gobboy, eehay, ha u haydzi miindiko u yese. Ussaafa garesi eehako.

1Qorontoosaxituse 15:20

Hattema Kristosay haydhi dendeesitukafa burona dendase maaddhi aadena haybowafa dendiko e yese.

2Qorontoosaxituse 1:3

Nu Laaxi Yesuusi Kristosase Wontowara esadiyara maaqe esuse galatay maaquwaye. Maaroy esukofa bente adiyara uddi ogena <> hidi minxe Wontowaray esako.

Galatiya 6:16

Ha ohuttaasuna yeseesitusaara Wontose maaqe Isra'eelaxitusaara modhetiyara maaruwaray maaquwaye.

Efesoonaxituse 1:17

Kuxay esuse bishe adiyara nu Laaxi Yesuusi Kristosa Wontowara maaqesa modhussi hi eroronike Ayaanay gaxe e ingorosaara Wonto zeere modhussi hinuse e addusorosaarako Wonto ta shi'e.

Efesoonaxituse 1:3

Kristosa badena uddi Ayaanakofa bente suuse nuuse afaaka inda nu Laaxi Yesuusi Kristosaade maaqe Wontoy galatuttuwaye.

Efesoonaxituse 1:7

Ye be yele suuxuna nimba wozzi ni cubbo <> hidi e hido. Ye esini Wontoy axuse keenge orjena laddese maxo modhetiyafa maxowafa dendasunako.

Efesoonaxituse 2:4

Wonto maaroy malla maaqesunaara nimba e eehe eehay keddaydesesa maaqesunaara

Efesoonaxituse 3:20

Yebo, nuukaaka hantiya yese be osa makko nu shi'eesumeni nu maxeesumeni uddi orjena garsi mahese danda'e Wontose

Qollasiyasaxituse 1:23

Esini uqusesi kaachuttiyara sekke hanke hiye baaka eedhesesaara maaddhi hi siidese modhe odoy gobbusesesi garafa arto badi hi aadexona oseydi hi yesa'aykoko. Ye modhe odoni ha saha gara yese meddhose uddi ohuttesesako. Tanini Phawlosey ye modhe odose e hantaxuko ta maaddhese.

Qollasiyasaxituse 1:27

Wonto maxoy ye eruttobadechine hatte eruttasi kuxaara woduntiyara Ayhuda maaquwasiti giddaaka an makko malla e maaqenike haylaxituse adduseko. Ye eruttobadechine hatte eruttasi Kristosako. Hatteni hinukaaka e yesesuna Wonto kuxa fuula shahaxe maaqese gobbe keemako hi keenge.

1Teselonqaxituse 1:3

Ye esini hi aadexowafa densi hi hante hantaseni, hi eehaafa benta hi gafaseni nu Laaxi Yesuusi Kristosase hi keenge gobboy waydese miimo e maaqesani nuuse adiyara Wontowara maaqesi buroko uddhi burse baaka hinumba nu maxe.

1Teselonqaxituse 4:13

Nuundo nayshito! Hade gobbe keenguwa fede axituke hi higiluwannikeko haydhese axiti gisha hi eroronike nu worge.

2Teselonqaxituse 2:16

Beese nu Laaxi Yesuusi Kristosaara nimba eeti niise be keenge maxo modhetena koolo makki aallo nimba e minxoronike mati modhe gobboni niise inda nuuse ade maaqe Wontowaray

1Xhimootoosese 1:14

Wontoy be eehaafa dendasuna axuse e keenge maxo modhetey taase keddaydi e laddo. Yesuusi Kristosaara wolko ta keenge bidzetona maaddhasuna esa ta aadexoronikiyara ta eehoronikiyara e mato.

Titose 2:13

Ye e bishanako Wontoy numba gobbusine ye magga wonte nu kakke. Ye nu gobbesini numba maarda keddaydese malla maaqe nu Wonto Yesuusi Kristosay kuxa fuulana addeynesako.

Ibraxituse 3:6

Kristosamay Wonto zawa axi gara muxhuraxe e maaddhosi hade yeleke maaddhiko. E zawa axitini numbako. Ye esa nu maaqesini nu naasse zeeriyara nu cee'utte gobbowara minsi nu aytakoko.

Yayqoobey 1:18

Meddhowafa angusse nu maaqoronikeko beese be maxoke aade ohiya yese be katona numba e yello.

1Phexhrosey 1:13

Ha e gisha hi muxhuro hanta gara mati naquttuwayte, qaaxhe gare baaka yesuwayte. Yesuusi Kristosay yoone wonte Wontoy axuse be keenge maxo modhetiyafa dendasuna hinuse mahesa bidzi muxhurona gobbuwayte.

1Phexhrosey 1:21

Haybowafa Kristosa densi kuxa esuse inda Wonto Kristosa badenako hi aadexe. Ha e gisha hi aadexesaara hi gobbesaaray Wontoko.

1Phexhrosey 1:23

Sekke hi yeluttosi baane axukofa e maaddho baane bayese danda'uwasukofako. Ye esi en'a maaddhi koolo makki aallo miindi yese Wonto katoko.

1Phexhrosey 2:2

Laaxi modhe maaqesa oddhena hi beedo geede hatte yelutta xhahey dhanxe dhame worgenike hi buro gara Wonto ogese eruse geeshe maaddhese erana dicci kume loolowaka handi hi elloronike ye era orjena worguwayte.

1Phexhrosey 3:15

Kristosa hi muxhurowa Laaxe mati kuxuwayte, gobbiya hi yese gobbo gisha hinumba oyceeshituse uddi sekke mahese uddi woggaaka naqutteseesita maaquwayte.

1Phexhrosey 3:21

Ye waaxini hatte hinumba looluse xhinqate bishako. Xhinqatey axhuma be garafa shoti ooxe e maaddho baane Wontoy bemba maarete geejheshe be muxhurona yesese Wonto shi'eko. Xhinqatey e loolusesi Yesuusi Kristosay haybowafa dendosunako.

1Phexhrosey 3:5

Ye esini olo be gobbo Wonto gara gaddecha hayla maaqicha indowaxhiti u waarichoshi be adiyaxhita afana mati ususe woosuttenako e maaqicha.

1Yohanisey 2:29

Kristosay gizo maaqenike hi era'ayko gizo hantesi uddina Wonto yele maaqenikeko hi ere.

1Yohanisey 3:3

Kristosana ha esa gobbesi uddi Kristosay geeshe maaqenikeko bemba e geeshe.

1Yohanisey 3:9

Wonto yele maaddhesesi Wontoy gaddesesa beeka be keenge gishaara Wontokofa be yeluttese gishaara cubbo hantuwasso, hanteseni danda'uttuwasso.

1Yohanisey 4:7

Ta eehe ta badito! Eehay Wontokofa e maaqe gisha sekke hanke wola ni eehheese. Eeha keengesi uddina Wonto yeleko. Wontoni erako e ere.

1Yohanisey 5:1

Yesuusay Mesihe maaqenike aadeko hidi hineesiti uddina Wontokofa yeluttasitako. Yella adeni eeta axi uddi e yello yeleni eehako e eehe.

1Yohanisey 5:18

Wontokofa yeluttasi be uddina cubbo hantisine e yesuwannike erako ni ere. Ye esini Wonto yele Yesuusay kakke gisha iita maaqe Humbayey esa doluwasso.