Bafilipi 4:8 - INDAGANO INYA:YA

⁸ Ku bute:ro, ba:na ba:su, bukaba burio bure:si, amwi kukaba kurio kukuya, mwiganirisyega binu ati, byone ebye cimari, na binu bi:ire ecibaro, ne byo burenge:resi ne byeru, na binu ebyendwa, na binu ebisi:mwa.

Indagano Inyaaya mu-Chijita

⁸ Ku‑bhuteero, abhayiri bhaani, emisango ja echimari, emisango jinu jiiyire jiyanwe echibharo, emisango ja obhurengeresi, emisango emyeru, emisango jinu ejikondisya, emisango jinu jiri ja ekisi, emisango jinu jiiyire okukuuyibhwa, ejo nijo mwiganirisye.

Bafilipi 4:8 ပူးပေါင်းရင်းမြစ်များ

Matayo 22:16

Nibamutumira abe:igisibwa bebwe aamwi na Baerodiani, niba:ika ati, Omwiigisya, cimenyere ati, uri wa cimari, ko:wiigisya kata injira ya Nyamuanga amwi utakuronderesya cibaro ca mu:nu, okuba utakusoro:ra mu ba:nu.

Mariko 6:20

okuba Erode o:bayaga Yoana, okuba ariga amumenyere ati, ni murengeresi na mweru, namurinda. Wora amungwa nawa Omwoyo muno, nawe namungwa nakonderwa.

Ruuka 16:15

Nababwira ati, Emwe nemwe omwikora barenge:resi imbere ya ba:nu, nawe Nyamuanga amenyere emitima jemwe. Okuba jinu ejisi:mwa mu ba:nu ni ja bujabi imbere ya Nyamuanga.

Ruuka 2:25

Ariga:rio mu:nu mu Yerusalemi risi:na ryae Simeoni. Omu:nu uyo ariga murengeresi, no:baya Nyamuanga, narindirira okusi:ri:sibwa kwa Israeli. No Mwoyo Mweru ariga amuriko.

Ruuka 23:50

Mbe rora, omu:nu risi:na ryae Yusufu, unu ariga mukuru, omu:nu we kisi, na ka ari murengeresi.

Yowana 7:18

Unu ka:ika kubwae omwene era, kayenja ecibaro cae omwene. Nawe unu kayenja ecibaro ca unu amutumire, oyo ni wa cimari, na bunyamusi butamurimo.

Ebikorwa 10:22

Niba:ika ati, Korinelio, Omukuru wa basirikare rigana, niwe omurenge:resi unu ko:baya Nyamuanga, unu ari ne cibaro mwiyanga ryone rya Bayaudi, akomeresibwe na maraika omweru akubirikire oku:ja mu nyumba yae korereki ongwe binu uramubwira.

Ebikorwa 22:12

Mbe ariga:rio omu:nu risi:na ryae Anania, unu ariga:ri mwiikanyibwa mu biragiro, nasimwa na Bayaudi bo:ne banu bariga be:kae eyo.

Ebikorwa 6:3

Mbe, ba:na ba:su, nimwaure aba:nu bata:nu na babiri ba jintungwa je kisi, banu be:juye Omwoyo Mweru no bwenge, nibo cite ku murimu gunu.

Barumi 13:13

Ciribatega rwa kutyo kuci:ire, rwa mu mwisi, tari mu muru:ru na mu bukorwa, tari mu busengi na mu buromesi, tari mu butoŋana na rifuwa.

Barumi 13:3

Okuba abatungi batari ba makainyo ku bikorwa byo bwana, tari ku bibi:bi. Ukenda okusiga oku:baya Omukuru, mbe ukorega ebyo bwana, nuwo akukusye.

Barumi 14:18

Okuba unu kakorera Kristo mwibyo, kamukondisya Nyamuanga, na ba:nu one abamusi:ma.

Barumi 2:29

Nawe Omuyaudi wa munda oyo niwe Omuyaudi, no kutendwa kwe cimari ni kwa mu mutima, na kwa mu mwoyo, tari kwa mu nyuguta. Okukuibwa kwae kutakusorka mu ba:nu, tari ku Nyamuanga.

1 Bakorinto 4:5

Mbe mutatemaga eci:na co musango gwone jisiku jicari kwiya, okukinga runu Ratabugenyi ari:ja, unu arimurika binu bibisirwe ebya mu cisu:te, ka aribukisya okurwaja okwa mu mutima. Mbe niwo buri mu:nu aribona okusi:mwa kwae ku Nyamuanga.

2 Bakorinto 13:7

Enisabwa Nyamuanga ati, emwe musigega kukora bubi:bi bwone. Tari ati eswe korereki cibe rwa banu abasi:mwa, nawe emwe mukorega ebye kisi, nakabee eswe ciri rwa banu baremerwe.

2 Bakorinto 6:8

Kurwe cibaro no kugaywa, kurwo kwaikwa kubi:bi no kwaikwa kisi, rwa banu ababebeya, ke:nu ciri ba cimari,

2 Bakorinto 8:18

Nicituma owa:su aamwi nage, unu kakuibwa mu Bigambo byo bwana mu kanisa jo:ne.

2 Bakorinto 8:21

Ecicumacuma ebyo bwana, tari imbere ya Ratabugenyi era, nawe na imbere ya ba:nu one.

Bagalatia 5:22

Nawe amatwasyo go Mwoyo ni ganu, okwenda, no kukonderwa, no murembe, no kwigumirisya, no bwira, no bufura, no kwiikanyibwa,

Baefeso 4:25

Mbe mufu:re orurimi, mwaikega ebye cimari mu:nu wo:ne no mwikasyanya wae, okuba ciri byungo bya be:ja:su eswe abene:ra.

Baefeso 5:9

Okuba amatwasyo go bweru gari mu bufura bwone no burenge:resi no kumasya.

Baefeso 6:14

Mbe mwimereguruga mwiboere ne cimari mu bibunu, na mufwae oburenge:resi rwe cu:ma ca mu bifuba,

Bafilipi 3:1

Ku bute:ro, ba:na ba:su, mukondererwega mu Ratabugenyi. Okubandikira ebigambo byejabo ebyo kutakuntamirisya anye, nawe okubare:tera emwe omurembe.

Bakolosai 4:5

Muribatirega mu bwenge imbere ya banu bari emwira, nimwicungurira omwanya.

1 Batesalonika 4:12

korereki muribatega mu ntungwa je kisi ku be mwira, mu:nu wo:ne asige kukena.

1 Timoteo 2:2

Musabirwe abakama na bakuru bo:ne, korereki cibega no buanga bucore:re no bwo murembe, mu ku:baya Nyamuanga na mu kwibaririra.

1 Timoteo 3:11

Nikwo kutyo na bagasi bebwe kube:ire, kuba banu be:inyire, banyatabeeresya, banyatakorwa, na be:ikanyibwa mu byone.

1 Timoteo 3:4

Abe unu atungire kisi inyumba yae, unu ana ba:na bae bamworobee mu tungwa ja kisi.

1 Timoteo 4:12

Omu:nu wo:ne asiga kugaya obuto:to bwao nawe nubega co kurorerako ku banu abe:kirisya, mu kwaika, na mu kwenda, na mu kwikirisya, na mu bweru.

1 Timoteo 5:10

Abe unu ka:ikwa kisi kurwe bikorwa byo bwana, araba arerere aba:na, araba akumire abagenyi, araba aro:sisye ebigere bya be:ru, araba arasakiye banu abanya:sibwa, araba e:kome:sisye mu bikorwa byone byo bwana,

1 Timoteo 5:2

Abakwekuru ubaremberesye rwa banyokomwana, na bagasi abato:to rwa basubati.

Tiito 1:8

Nawe abega mukumi wa bagenyi, unu kenda ebire:si, unu ke:baririra, no murenge:resi, no mweru, na mwirindi.

Tiito 2:14

Oyo niwe e:teeyo kurweswe, korereki acicungure mu bumaya bwone, e:cumire aba:nu babe bae cimari, banu bakome:ree ebikorwa bye kisi.

Tiito 2:2

Abakaruka abakuru basige kukorwa, barimo ecibaro, nibe:baririra be:ihire mu kwikirisya, na mu kwenda na mu kwigumirisya.

Tiito 2:7

Mu byone wiyeresyega rwe cirorero ce bikorwa byo bwana. Niwiyeresyega okuba wo bwima mu kwiigisya, na we cibaro.

Tiito 3:14

Abeswe be:igire okwikomesya mu bikorwa byo bwana korereki basakire mu bukene, basige kuburwa amatwasyo.

Baeburania 11:2

Okuba aba:nu ba kara bamenyerwaga kurwo kwikirisya okwo.

Baeburania 13:18

Mucisabirwega, okuba cimenyere ati, riri no mutima gwe kisi, cendere okukora byone na jintungwa jo bwana.

Yakobo 1:27

Idini yo bwana inu itariko ekomo imbere ya Nyamuanga Rata njii, okujo:rora abasigwa na batumba mu butaka bwebwe no kwibaririra areme okuba na makomo ga mu:si.

Yakobo 3:17

Nawe obwenge bunu obuso:ka inguru, okwamba bwerere, ka ni bwo murembe, ni bwo bwororo, ni bwangu kungwa, bwijuye ecigongo na matwasyo go bwana, amwi butana soro:re, amwi butana burigerige.

1 Petero 1:22

Mwamarire okwiyesya emyoyo jemwe mu kworobera ebye cimari, nimukinga mu kwendana na ba:na ba:su kunu kutarimo burigerige. Mukome:rega okwendana mu mutima gwerere.

1 Petero 2:12

Mube na jintungwa jemwe je kisi mu ba:maanga, korereki nakabee ababa:ikako rwa bakosi be bibi:bi, nawe bakusye Nyamuanga mu rusiku rwo kurorwa, okuba barorere ebikorwa byemwe ebyo bwana.

1 Petero 4:8

Okukira jo:ne mukome:rega okwendana, okuba okwenda nikwo okuswikira ebibi:bi byafu.

2 Petero 3:1

Abendwa, woryanu inyaruba inu ni ya kabiri inu enibandikira. Mwijo jo:ne enikungirisya obwenge bwemwe bunu butarimo burigerige, nimbe:cukya.

1 Yoana 3:18

Aba:na ba:ni abato:to, cisigega kwendana mu misango amwi mu kwaika, nawe cendanega mu bikorwa na mu cimari.

1 Yoana 3:3

Mbe no mu:nu wo:ne unu kamwiikanya kutyo, ke:esya rwa kutyo Omwene ni mweru.

1 Yoana 4:1

Abendwa, mute:kirisyaga buri mwoyo gwone, nawe musakega emyoyo, araba jaso:kere ku Nyamuanga. Okuba abaragi ba:fu abo rurimi be:mukire mu ca:ro.