Bafilipi 4:6 - INDAGANO INYA:YA

⁶ Mutaweraga mwoyo musango gwone gwone, nawe mu jo:ne mubwire Nyamuanga binu omwenda, mu kusabwa na mu kuremberesya aamwi no kusi:ma.

Indagano Inyaaya mu-Chijita

⁶ Musige okusurumbara inguru ya echiinu choonechoone, tari mu‑joone, musabhwe Nyamuwanga, mumwirembeeresye aamwi na okumusiima. Obhukene bhwemwe bhumenyekane ku‑mwene.

Bafilipi 4:6 ပူးပေါင်းရင်းမြစ်များ

Matayo 10:19

Nawe runu baribasira; mutariwa mwoyo ati ciryaika ki? amwi ati, Cirigamba kutiki? kwo kuba muriyabwa mu mwanya ogwo binu muryaika.

Matayo 13:22

Na oyo abibirwe mu mawa, niwe unu kongwa omusango, nawe okurumwarumwa ebye ca:ro no kubebeywa obuni:bi mbi:ganya omusango, nguremo:twasya.

Matayo 6:34

Mbe mute:ganaga bya mutondo, kwo kuba orusiku rwa mutondo orwiganira orwene. Orusiku orumwi ecibi:bi cendemo ecirumara.

Matayo 6:8

Mbe mutasusanaga nabo kwo kuba Esomwana amenyere binu mukenere mucari na kumusabwa.

Ruuka 10:41

Nawe Ratabugenyi naindura namubwira ati, Marita, Marita, awe ouwa omwoyo niwinya:sya-nya:sya misango myafu.

Ruuka 12:22

Nabwira abe:igisibwa bae ati, Kwenikora nimbabwira ati, Mutaweraga omwoyo obuanga bwemwe cinu murarya, amwi mibiri jemwe binu murafwara.

Ruuka 12:29

Emwe mutayenjaga cinu murarya amwi cinu muranywa, amwi mutawaga omwoyo.

Ruuka 18:1

Nababwira ecijekekanyo kutyo kube:ire okusabwaga kusiku kuigwa uri.

Ruuka 18:7

?Mbe na Nyamuanga atariramura abasorwa bae banu abamuririra mu mwisi na mu ngeta, nabe:gumirisisya?

1 Bakorinto 7:21

?Wabirikiywe uri mugaya ?Utabuweraga mwoyo. Nawe ukaba nu:tura okwigururura, ni kwa kisi ukore kutyo.

1 Bakorinto 7:32

Nawe enenda emwe mube banu batakuwa mwoyo. Unu atatwae ke:gana ebya Ratabugenyi, kutyo arakondisyaga Ratabugenyi.

2 Bakorinto 1:11

Okuba emwe one omusakira mu kucisabirwa eswe, korereki ba:fu basi:me kurwa ribando rinu cayaywe kurwo kusabwa kwa ba:nu ba:fu.

Baefeso 5:20

Musi:mega Rata Nyamuanga kusiku kurwe misango jo:ne mwisi:na rya Ratabugenyi Yesu Kristo.

Baefeso 6:18

Musabwega mwanya gwone mu Mwoyo, no kusabwa kwone no kuremberesya kwone. Mutengeje kurwo kusabwa okwo mu kukome:ra kwone, nimubaremberesisya abe:ru bo:ne.

Bakolosai 3:15

Mbe omurembe gwa Nyamuanga gutunge mu mitima jemwe, gunu mwabirikiriywe mu mubiri gumwi, mubega no kusi:ma.

Bakolosai 3:17

Mbe na byone binu murakoraga mu kwaika amwi mu kukora, mukorega byone mwisi:na rya Ratabugenyi Yesu, nimusi:ma Nyamuanga Rata kubwae.

Bakolosai 4:2

Mukome:rega mu kusabwa. Mutengejerega mu kusabwa aamwi no kusi:ma.

1 Timoteo 2:1

Mbe, kukira byone, enibakomeresya ati, mubaremberesisye bo:ne aamwi no kusabwa, no kutongerera, no kusi:ma.

1 Timoteo 5:5

Nawe unu kaba mutumba kata, nasigwa enyere, niwe ke:ikanya Nyamuanga, nakome:ra okusabwa no kuremberesya mu mwisi na mu ngeta.

1 Petero 4:7

Nawe obute:ro bwa byone buri yei. Mbe mwibaririrega nimutengeja mu kusabwa.

1 Petero 5:7

Okuwa omwoyo kwemwe kwone mumutwikega Omwene, okuba Omwene kabe:gana emwe.