Bafilipi 4:5 - INDAGANO INYA:YA

⁵ Obwororo bwemwe bumenyeke ku ba:nu bo:ne. Ratabugenyi ari yei.

Indagano Inyaaya mu-Chijita

⁵ Obhworooro bhwemwe bhumenyekane ku‑bhaanu bhoone. Raatabhugenyi Yeesu ari yeeyi.

Bafilipi 4:5 ပူးပေါင်းရင်းမြစ်များ

Matayo 6:25

Nikwo enikora nimbabwira ati, Mute:ganaga obuanga bwemwe ati, Cirirya ki? amwi, Cirinywa ki? amwi mutaganiraga emibiri jemwe ati, Cirifwara ki? ?Obuanga butakukira ebiryo, no mubiri gutakukira ebifwaro?

Matayo 6:34

Mbe mute:ganaga bya mutondo, kwo kuba orusiku rwa mutondo orwiganira orwene. Orusiku orumwi ecibi:bi cendemo ecirumara.

Ruuka 21:34

Nawe mukabuke abe:ne, emitima jemwe jisige kusitoerwa no muru:ru, no kukorwa, no kuwera Omwoyo ebyo buanga bunu, korereki orusiku ruriya rwasiga kubatakya rwo muyeto.

1 Bakorinto 16:22

Omu:nu wo:ne akarema okwenda Ratabugenyi Yesu Kristo, oyo e:imwe. Ratabugenyi ka:ja.

1 Bakorinto 6:7

Mbe nikwo muri na riko:mo kata, okuba omubu:rana emwe abene:ra. ?Atari akiri mwikirisye okukorwa kubi:bi? ?Atari akiri mwikirisye okusa:kurwa ebi:nu byemwe?

1 Bakorinto 8:13

Mbe, ebiryo bike:ku:jusya Omwana wa:su, nitarirya nyama anu ciribe:ra, korereki nitaja kwiku:jusya mwana wa:su.

1 Bakorinto 9:25

No mu:nu wo:ne unu katangirana, ke:baririra mu byone. Mbe abene abakora bakorereki bayabwe orutenga runu orunyamuka, nawe eswe runu rutakunyamuka.

2 Bakorinto 10:1

Nawe anye Paulo enibaremberesya kurwo bufura no bwororo bwa Kristo, anye unu ndi mwikeya wora naba aamwi nemwe, nawe nikaba nitariyo ndi muba:si kwimwe.

2 Batesalonika 2:2

Mutaja kuteratera bwangu mu kwiganirisya kwemwe, amwi mutaja kuwa mwoyo, kurwo mwoyo, amwi kurwo musango, amwi kurwa inyaruba nisusa ati iso:kere kwiswe, binu ebyaika ati, orusiku rwa Ratabugenyi rwakingire.

Tiito 3:2

Basigega kufuma mu:nu wo:ne, na kuyomba uri, babega bo:roro, be:resyega obufura bwone ku ba:nu bo:ne.

Baeburania 10:25

Citasigaga kwikofyanya aamwi, rwa jintungwa ja bandi kutyo jiri, nawe cikomeresyanyega niciyongesya muno okukora kutyo, rwa kutyo omurora orusiku ruriya rwajo:fugera.

Baeburania 10:37

Okuba kacasigaeo kasinjeke era. Na Unu ka:ja ari:ja, atariko:ra.

1 Petero 1:11

Nibayenja okumenya amagoro kutyo gari amwi kutyo agasusana, ago ge:resibwe no Mwoyo wa Kristo unu atangatire okwaika ebyo kunya:sibwa kwa Kristo na rikusyo rinu erisingirira.

1 Petero 4:7

Nawe obute:ro bwa byone buri yei. Mbe mwibaririrega nimutengeja mu kusabwa.

Obhusweruro 22:20

Unu ka:ika emisango jinu ka:ika ati, Ni cimari eni:ja bwangu. Amina, nuuje Ratabugenyi Yesu.

Obhusweruro 22:7

Mbe rora, eni:ja bwangu. Ari na ribando unu kagwata emisango jo buragi bwe citabo cinu.