Bafilipi 4:3 - INDAGANO INYA:YA

³ Yee enikusabwa awe one, omugaya we:ja:su, usakire abagasi abo, okuba banya:kaga emirimu aamwi mu Bigambo byo bwana, aamwi na Kelementi one, na bakosi be:ja:su abandi banu amasi:na gebwe gari mu citabo co buanga.

Indagano Inyaaya mu-Chijita

³ Noorwo awe omukosi weejaasu omwiyikanyibhwa, enikusabhwa usakire abhagasi abho, korereki bhabhe na obhukarariiye bhumwi. Abho bhoone bhaanyaakaga muno aamwi na anye na Keremeeti na abhakosi bheejaasu abhandi, mu‑kuraasya Emisango ja Ekisi. Amasiina ga abhaanu abho bhoone gakaamirwe mu‑chitabho cha obhuwanga.

Bafilipi 4:3 ပူးပေါင်းရင်းမြစ်များ

Ruuka 10:20

Nawe mutakonderwa okuba emisambwa ejibo:robera, nawe nimukonderwe okuba amasi:na gemwe gandikirwe mu rwire.

Barumi 12:1

Kwenikora nimbaremberesya, ba:na ba:su, kurwe cigongo ca Nyamuanga, ati mwitegeyo emibiri jemwe jibe byogo bianga, na byeru, ne byo kukondisya Nyamuanga, nikwo okuramya kwemwe okwo bwenge.

Barumi 16:12

Enike:sya Turufina na Turufosa, banu abakora emirimu mu Ratabugenyi. Enike:sya Perisisi omwendwa unu anyakire muno mu mirimu ja Ratabugenyi.

Barumi 16:9

Enike:sya Uribano, omukosi we:ja:su mu Kristo, na Staki omwendwa wani.

Bafilipi 1:12

Nawe ba:na ba:su enenda emwe mumenye ati, binu byambeeko byabee bya kuswisisya Ebigambo byo Bwana.

Bafilipi 1:16

Banu abasimura kurwo kwenda, bamenyere ati, nateyweo kurwo kurwanirira Ebigambo byo bwana,

Bafilipi 1:27

Nawe muribatega rwa kutyo kwiire Ebigambo byo bwana ebya Kristo. Ariba naja okubarora, amwi nikaba nitario nendere okungwa ebyemwe ati, murumire mu mwoyo gumwi, nimurwaniriraga okwikirisya kwe Bigambo byo bwana na mutima gumwi.

Bafilipi 1:5

Enisi:ma kurwo kusangira kwemwe mu Bigambo byo bwana, kuso:ka ku rusiku rwo kwamba kukinga woryanu.

Bafilipi 1:7

Nikwo kutyo kunyiire okube:ganirisisya kutyo emwe bo:ne, okuba ndi nemwe, muri mu mutima gwani, ka bo:ne musangiye nanye mu cigongo cinu, mu kuboywa kwani na mu kurwanirira Ebigambo byo bwana no kubirumya.

Bafilipi 4:2

Eniremberesya Ewodia, ka eniremberesya Suntuke, be:ganirisyega gumwi mu Ratabugenyi.

Bakolosai 1:7

Rwa kutyo mweigisibwe na Epafura, omugaya we:ja:su omwendwa, niwe omukosi omwiikanyibwa owa Kristo kurwemwe,

Obhusweruro 13:8

Na baririramya ba:nu bo:ne banu be:kae mu ca:ro, banu bo:ne amasi:na gebwe gatandikirwe mu citabo co buanga eco Mwana wa Ina:ma unu e:tirwe, kuso:kerera ku kuyangwa kwe ca:ro.

Obhusweruro 17:8

Rityanyi rinu warora ryariga ririwo, ka ritariwo wori, eri:ja okuso:ka mu ryobo rinu ritana bute:ro nirigenda mu kubura. Na banu be:kae ku ca:ro, banu batandikirwe masi:na gebwe mu citabo co buanga, kuso:kerera anu i:si yayangirwe, nibo barirugu:ra ariba barora rityanyi rinu ryarigao, ka ritariwo, nawe ririsuba okubao.

Obhusweruro 20:12

Nindora abafu:ye abakuru na bato:to be:mereguyu imbere ye citebe ca iŋoma. Ebitabo nibifumburwa. Ecitabo ecindi nicifumburwa nico ecitabo co buanga. Abafu:ye nibatemerwa eci:na ku misango jinu jandikirwe mu bitabo, rwe bikorwa byebwe kutyo byariga biri.

Obhusweruro 20:15

Mbe mu:nu wo:ne unu abonekere atandikirwe mu citabo co buanga, oyo neswa mu nyanja yo muriro.

Obhusweruro 21:27

Eci:nu co:ne cinu cite:rere citaringiramo na katyari, amwi unu kakora binu ebifururusya ne byo rurimi, tari abo era banu bandikirwe mu citabo co buanga eco Mwana wa Ina:ma.

Obhusweruro 3:5

Nyaburiko na unu kaiga arifwafibwa jingubo jinyeru. Amwi jinitarisimya esi:na ryae mu citabo co buanga na katyari, Ka nditogora risi:na ryae imbere ya Rata, na imbere ya bamaraika bae.