Bafilipi 4:1 - INDAGANO INYA:YA

¹ Mbe, ba:na ba:su abendwa na be:sigomberwa bani, banu muri kukonderwa kwani no rutenga rwani, mbe mwimereguru murumire mu Ratabugenyi, abendwa bani.

Indagano Inyaaya mu-Chijita

¹ Kurwa ejo, abhayiri bhaani, mwimereeguru murumateene mu‑kwiyikanya Raatabhugenyi Yeesu. Enibheenda na niri na obhwira bhwa okubhugana na emwe, abheendwa bhaani. Emwe neemwe rikonderwa ryani na orutengya rwani rwa obhuyigi runu niriyaanwa inguru ya emirimu jinu nikorere.

Bafilipi 4:1 ပူးပေါင်းရင်းမြစ်များ

Matayo 10:22

Aba:nu bo:ne baribasoka emwe kurwa risi:na ryani. Nawe unu ari:kome:sya kukinga ku bute:ro, niwe arikira.

Yowana 8:31

Mbe Yesu nababwira Abayaudi banu bamwikirisisye ati, Mukaguma mu misango jani, muriba be:igisibwa bani cimari.

Ebikorwa 11:23

Omwene ejire akinga narora ecigongo ca Nyamuanga, nakonderwa. Nakomeresya bo:ne ati, murumatane na Ratabugenyi no bukarae bwo mwoyo.

Ebikorwa 14:22

Nibasimbagirisya emyoyo ja be:igisibwa, nibabakomeresya okuruma mu kwikirisya, niba:ika ati, kuci:ire okwingira mu bukama bwa Nyamuanga mu njira ya inya:ko nyafu.

Ebikorwa 2:42

Nibe:kome:sya mu kwiigisya kwa jintumwa na mu kusangira, na mu kubegana omukate, na mu kusabwa.

Barumi 2:7

Abo abe:gumirisya okukora ebyo bwana nibayenja rikusyo ne cibaro no bunyatafwa, nibo bariyanwa obuanga bwa kajanende.

1 Bakorinto 15:58

Mbe, ba:na ba:su abendwa, murumega kuteratera uri, mwiyongesyega kusiku mu murimu gwa Ratabugenyi, okuba mumenyere ati, emirimu jemwe mu Ratabugenyi jitari ja kutyo era.

1 Bakorinto 16:13

Mutengeje, murume mu kwikirisya, mukorega cirume, mubega na managa.

2 Bakorinto 1:14

Rwa kutyo emwe mwacimenyere kuto:to ati, eswe ciri kwikuya kwemwe, na rwa kutyo emwe muri kwikuya kweswe ku rusiku rwa Ratabugenyi Yesu.

Bagalatia 5:1

Kristo acisurumuye korereki eswe cibe be:bure. Mbe nimukome:re musige kuboywa rindi ingurwema yo bugaya.

Bafilipi 1:27

Nawe muribatega rwa kutyo kwiire Ebigambo byo bwana ebya Kristo. Ariba naja okubarora, amwi nikaba nitario nendere okungwa ebyemwe ati, murumire mu mwoyo gumwi, nimurwaniriraga okwikirisya kwe Bigambo byo bwana na mutima gumwi.

Bafilipi 1:8

Okuba Nyamuanga niwe kanyimako rwa kutyo enibaranga emwe bo:ne no kwenda kwa Yesu Kristo.

Bafilipi 2:16

Mweresyega omusango gwo buanga, korereki nibe ne co kwikirisya ku rusiku rwa Kristo, ati nitatangirene kutyo era, amwi nitanyakire kutyo era.

Bafilipi 2:26

Okuba ariga nabaranga emwe bo:ne, nabawera omwoyo muno, okuba mwonguywe ati arwae.

Bakolosai 4:12

Epafura niwe owewanyu, omugaya wa Kristo Yesu, niwe kabake:sya, kakome:ra okubasabirwa kusiku, korereki mwimereguru muku:miye na ka musombo:keywe byone binu Nyamuanga kenda.

1 Batesalonika 3:13

korereki arumyega emitima jemwe mu bweru jitariko masoro imbere ya Rata Nyamuanga mu ku:ja kwa Ratabugenyi Yesu aamwi na be:ru bae bo:ne.

2 Batesalonika 2:15

Mbe, ba:na ba:su, mwimereguruga mukomee, murumyega okwiigisya kunu mweigisibwe, amwi mu kwaika amwi mu nyaruba yeswe.

2 Timoteo 2:1

Mbe awe, mwana wani, kome:raga mu cigongo cinu ciri mu Kristo Yesu.

Baeburania 10:23

Cirumyega binu eci:kirisya no kwiikanya, kuteratera uri, okuba unu aragire omurago ni mwiikanyibwa.

Baeburania 3:14

Okuba cirabee banu asangiye mu Kristo, cikaba cirumisye okwiikanya kweswe kwo kwamba kukinga ku bute:ro.

Baeburania 4:14

Mbe cirumyega binu ce:kirisisye, okuba ciri no mugabisi Omukuru unu engiye mu rwire, niwe Yesu Omwana wa Nyamuanga.

2 Petero 3:17

Mbe abendwa, banu mwatangatire okusombo:kerwa, mwikengega mwasiga kugegwagegwa no kuyaba kwa banyantongwa, nimugwa okuso:ka mu bukome:e bwemwe.