Bafilipi 3:20 - INDAGANO INYA:YA

²⁰ Okuba obwinengo bweswe buri mu rwire. Niyo ecirindirira Omukisya unu kaso:kayo, niwe Ratabugenyi Yesu Kristo.

Indagano Inyaaya mu-Chijita

²⁰ Nawe, eswe obhwikaro bhweswe ni mu‑rwire na echitegerera kwa obhwira obhunene Omuchungusi na Raatabhugenyi weeswe Yeesu Kirisito, aaje okusooka eyo.

Bafilipi 3:20 ပူးပေါင်းရင်းမြစ်များ

Matayo 19:21

Yesu namubwira ati, Araba owenda okuba unu aku:miye, genda uka:ne binu unabyo, ugabire abataka, uriba no buni:bi mu rwire. Niwo u:je undu:be.

Ruuka 12:21

Nikwo kutyo kaba unu ke:bi:kira obuni:bi, nawe atari muni:bi imbere ya Nyamuanga.

Ruuka 14:14

Nikwo uriyabwa ribando, okuba hatari na ca kukuriya, okuba uririywa mu kusu:ka kwa barenge:resi.

Ebikorwa 1:11

Niba:ika ati, Emwe bamura ba Galilaya, ?niki cinu ecikora mwimereguyu nimuraramira mu rwire? Yesu uyo agegwa kwimwe okusirwa mu rwire, nikwo kutyo arisuba oku:ja rwa kutyo mugwemurora nagenda mu rwire.

1 Bakorinto 1:7

Nikwo kutyo mutagerukire mu mabando gome, nimurindirira okuswerurwa kwa Ratabugenyi Yesu Kristo.

1 Bakorinto 15:48

Rwa kutyo owa maaru ariga, nikwo kutyo bari aba maaru. Na rwa kutyo ari owa mu rwire, nikwo kutyo one bari aba mu rwire.

2 Bakorinto 4:18

Eswe citakurore:rera binu ebiboneka, okuba binu ebiboneka ni bya kasinjeke, nawe binu bitakuboneka ni bya kajanende.

2 Bakorinto 5:8

Nawe ecikome:ra, na cinu ecenda muno ni kuso:ka mu mubiri ci:kare na Ratabugenyi.

Bagalatia 4:26

Nawe Yerusalemi ya inguru niyo eye ci:bure, niwe mai unu aci:buye.

Baefeso 2:19

Mbe nikwo kutyo mutacari ba:maanga na baitiŋani, nawe muri ba ruganda rumwi aamwi na be:ru, ka muri ba inyumba ya Nyamuanga,

Baefeso 2:6

Nacisu:rura aamwi nage, nacinyanja aamwi mu rwire mu Kristo Yesu.

Bafilipi 1:10

Korereki mwikirisye ebyo bwana, mube ba:nu ba cimari, banu batana cikayo kukinga ku rusiku rwa Kristo.

Bafilipi 1:27

Nawe muribatega rwa kutyo kwiire Ebigambo byo bwana ebya Kristo. Ariba naja okubarora, amwi nikaba nitario nendere okungwa ebyemwe ati, murumire mu mwoyo gumwi, nimurwaniriraga okwikirisya kwe Bigambo byo bwana na mutima gumwi.

Bakolosai 1:5

Kurwo kwiikanya kunu mwabikiywe mu rwire, kunu mwonguywe kara mu musango gwe cimari ogwe Bigambo byo bwana,

1 Batesalonika 1:10

no kurindirira Omwana wae okuso:ka mu rwire, unu asu:ruye mu bafu:ye, niwe Yesu unu kacionya mwisungu rinu eryenda oku:ja.

1 Batesalonika 4:16

Okuba Ratabugenyi omwene ari:ka okuso:ka mu rwire, no kuragirisya no buraka bwa maraika omukuru, na iŋombi ya Nyamuanga, na banu bafwiriye mu Kristo nibo baritangata okusu:ka.

2 Timoteo 4:8

Cinu casigaeo, nibi:kiywe orutenga rwo burenge:resi, runu Ratabugenyi arinanira ku rusiku ruriya, niwe unu katema eci:na cirengere. Amwi atari anye era, nawe aribayana bo:ne banu abenda okuboneka kwae.

Tiito 2:13

Nicirindirira okwiikanya kwa ribando, nikwo okuboneka kwa Nyamuanga omukuru no Mukisya weswe Yesu Kristo mwikusyo ryae.

Baeburania 12:22

Nawe mwejire ku ci:ma ca Sayuni, na ku musi gwa Nyamuanga omuanga, na ku Yerusalemi ya mu rwire, na ku bise bya ba:naraika banu batakubarwa,

Baeburania 9:28

Na Kristo nyaburiko, unu aso:sibwe rumwi era kuba co:go korereki agege ebibi:bi bya ba:nu ba:fu, ariboneka orwa kabiri atana cibi:bi, korereki akisye banu abamurindirira.

Obhusweruro 1:7

Rora, ka:ja na me:re. Ame:so go:ne garimurora, na banu ba:musomere barimurora. Na jiŋanda jo:ne ja mu ca:ro jiririra jimamu kubwae. Yee, Amina.