Bafilipi 3:1 - INDAGANO INYA:YA

¹ Ku bute:ro, ba:na ba:su, mukondererwega mu Ratabugenyi. Okubandikira ebigambo byejabo ebyo kutakuntamirisya anye, nawe okubare:tera emwe omurembe.

Indagano Inyaaya mu-Chijita

¹ Mbe woori emwe abhayiri bhaani, mukonderwe muno mu‑kubha na obhumwi na Raatabhugenyi Yeesu! Emisango jinu ꞉naabhakaamiiye, nitakuyigwa okusubhira okubhakaamira rindi, kwa okubha ejibhareetera obhuriisi.

Bafilipi 3:1 ပူးပေါင်းရင်းမြစ်များ

Matayo 5:12

Mukonderwe mutembetembe, kwo kuba omuyero gwemwe ni mwafu mu rwire, kwo kuba nikwo banya:syaga abaragi banu babatangatiye emwe.

Ruuka 1:47

No mwoyo gwani ogumusandabira Nyamuanga Omukisya wani.

Barumi 5:11

Na bitari ebyo era, nawe ecikonderwa ku Nyamuanga kurwa Ratabugenyi Yesu Kristo. Mu Mwene nimwo eswe wori cagwatanyisibwe na Nyamuanga.

2 Bakorinto 13:11

Ku bute:ro, bama ba:su, mubega kwa bwanabwana. Muku:mire, musi:ri:ke, mwiganirisyega gumwi. Mube no murembe, na Nyamuanga wo kwenda no murembe arabaga nemwe.

Baefeso 6:10

Ebya ku bute:ro, mubega na managa mu Ratabugenyi na mu buinga bwa managa gae.

Bafilipi 3:3

Okuba eswe ciri bo rutendo, banu eciramya Nyamuanga mu Mwoyo, nici:kuya mu Yesu Kristo, nawe citakwiikanya ebyo mubiri.

Bafilipi 4:4

Mukondererwe mu Ratabugenyi kusiku. Enisuba okwaika rindi ati, Mukonderwe.

Bafilipi 4:8

Ku bute:ro, ba:na ba:su, bukaba burio bure:si, amwi kukaba kurio kukuya, mwiganirisyega binu ati, byone ebye cimari, na binu bi:ire ecibaro, ne byo burenge:resi ne byeru, na binu ebyendwa, na binu ebisi:mwa.

1 Batesalonika 4:1

Ebya ku bute:ro, ba:na ba:su, ecibaremberesya no kubabwira mu Ratabugenyi Yesu, ati, mwiyongesyega muno okuribata rwa kutyo mwayabirwe kwiswe rwa kutyo kube:ire okuribataga no kukondisya Nyamuanga, ka na rwa kutyo omuribata.

1 Batesalonika 5:16

Mukonderwega kusiku.

Yakobo 1:2

Mbe ba:na ba:su wora mwagwa mu kusakwa okundi no kundi, mubarega byone kuba byo kukondererwa.

1 Petero 3:8

Ebya ku bute:to, mubega bo:ne no kwiganirisya kumwi, mufwirane ecigongo, mwendane rwa ba inda eimwi, mubega bafura na bo:roro.

1 Petero 4:13

Nawe mukonderwega okuba musangiye mu kunya:sibwa kwa Kristo, korereki mukonderwe no kusandabira mu kusweruka kwa rikusyo ryae.

2 Petero 3:1

Abendwa, woryanu inyaruba inu ni ya kabiri inu enibandikira. Mwijo jo:ne enikungirisya obwenge bwemwe bunu butarimo burigerige, nimbe:cukya.