Bafilipi 2:6 - INDAGANO INYA:YA

⁶ Oyo nakabee ariga:ri mu rususo rwa Nyamuanga, nawe ate:ganirisisye okurwana na Nyamuanga rwe ci:nu co kurumatanirako,

Indagano Inyaaya mu-Chijita

⁶ Noorwo kutyo omwene aariga engene na Nyamuwanga, ꞉ataarorere ati ni kisi agenderere okurumatana nagwo.

Bafilipi 2:6 ပူးပေါင်းရင်းမြစ်များ

Matayo 1:23

Mbe rora, omuyarajuma arijira inda ari:bura omwana musambaya, Barimutoga risi:na ryae Imanueli, obugajuro ati, Nyamuanga ari a:mwi neswe.

Yowana 1:18

Atario unu ararorere Nyamuanga anu cikabere:ga. Nyamuanga unu e:buywe enyere, unu ari mu cifuba ca Rata, Oyo niwe amubu:risisye.

Yowana 10:30

Anye na Rata riri umwi.

Yowana 10:33

Abayaudi nibamuindura ati, Citakukurasira mabui kurwo murimu gwe kisi, nawe kurwo kufuma Nyamuanga, okuba awe uri mu:nu kowikora Nyamuanga.

Yowana 10:38

Nawe nikajikora, nakabee mutakunyikirisya anye, nawe mwikirisye emirimu, mumenye no kusombo:kerwa ati Rata ari mwanye, nanye mu Rata.

Yowana 14:28

Mwongu:ywe kutyo nababwira ati, Enigenda, ka enisuba oku:ja kwimwe. Mwakabae munyendere, mwakakondeywe, okuba enigenda ku Rata. Okuba Rata ni mukuru kukira anye.

Yowana 14:9

Yesu namubu:sya ati, ?Anu nikabeere:ga nemwe siku nyafu kutya, ucariga ku:menya anye, Filipo? Unu arorere anye, arorere Rata. ?Niki cinu ecikwaikya ati, ce:resye Rata?

Yowana 17:5

Na woryanu, Rata, unkusye aamwi na:we na rikusyo rinu nariga naryo aamwi na:we i:si icari kubao.

Yowana 20:28

Tomaso naindura namubwira ati, Ratabugenyi na Nyamuanga wani!

Yowana 5:18

Mbe Abayaudi nikwo bakorere nibeyongesya okuyenja obwenge okumwita, okuba atanyamuye isabato era, nawe atogere Nyamuanga esemwene, ne:riŋanya na Nyamuanga.

Yowana 5:23

Korereki bo:ne bayanega Omwana ecibaro, rwa kutyo abayana Rata ecibaro. Unu atakuyana Omwana ecibaro, atakuyana ecibaro Rata unu amutumire.

Barumi 9:5

Abo nibo barina basaja, ka nimwo Kristo e:buywe mu mubiri, unu akuriye byone, niwe Nyamuanga unu kakuibwa kajanende. Amina.

2 Bakorinto 4:4

Mungu wa magoro ganu aofufifye ame:so go bwenge bwebwe banu batakwikirisya, basige kwakirwa obweru bwe Bigambo byo bwana ebya rikusyo rya Kristo, niwe orususo rwa Nyamuanga.

2 Bakorinto 8:9

Okuba mumenyere ecigongo ca Ratabugenyi Yesu Kristo ati, nakabee ariga:ri muni:bi, nawe naba mutaka kurwemwe, korereki emwe mube bani:bi kurwo butaka bwae.

1 Timoteo 1:17

Mbe, Omukama wa kajanende, Unu atakubora, ka Unu atakuboneka, niwe Nyamuanga umwi enyere, niwe ayabwega cibaro na rikusyo kajanende na kajanende.

1 Timoteo 3:16

Rwa kutyo ecitogora, obumbise bwo kuramya Nyamuanga ni bukuru, ati, Oyo niwe abu:risibwe mu mubiri, Naba murenge:resi mu mwoyo, Narorwa bamaraika, Nasimurwa mu ba:maanga, Ne:kirisibwa mu ca:ro, Nagegerwa mwikusyo.

Tiito 2:13

Nicirindirira okwiikanya kwa ribando, nikwo okuboneka kwa Nyamuanga omukuru no Mukisya weswe Yesu Kristo mwikusyo ryae.

Baeburania 1:3

Oyo niwe okuse:ka:na kwa rikusyo ryae, no rususo rwae kata kutyo ari, na ka niwe agumisye ebi:nu byone no musango gwo buinga bwae. Oyo wejire amara okukora eco kwesya ebibi:bi, nenyanja ku kuboko kwe buryo okwa Nyabuinga mu rwire.

Baeburania 1:6

Na rindi anu kare:ta owo bubere mu:si, ka:ika ati, Bamaraika borne aba Nyamuanga bamuramyega.

Baeburania 1:8

Nawe nabwira Omwana ati, Awe Nyamuanga, ecitebe cao ca iŋoma ni ca kajanende. Isimbo yo bukama bwao ni simbo yo burenge:esi.

Baeburania 13:8

Yesu Kristo rwa kutyo ariga rigoro nikwo kutyo ari rero, na kukinga kajanende.

Obhusweruro 21:6

Nambwira ati, Jaku:miye. Nanye Alufa na Omega, nanye obwambiro no bute:ro. Unu ari no bwiro ndimunywesya ku cinyo ca manji go buanga kutyo era.