Bafilipi 2:2 - INDAGANO INYA:YA

² Mbe mukumisye okukonderwa kwani ati, mwiganirisyega gumwi, mubega no kwenda kumwi, no mwoyo gumwi, no kwiganirisya kumwi.

Indagano Inyaaya mu-Chijita

² mukuumisye rikonderwa ryani kwa okuungwana abheene kwa abheene na okwendana abheene kwa abheene. Ka wone mubhe na obhumwi mu‑myoyo jeemwe na mubhe na obhukarariiye bhumwi.

Bafilipi 2:2 ပူးပေါင်းရင်းမြစ်များ

Yowana 3:29

Unu ari no mwenga niwe omutwasi. Nawe omusa:ni wo mutwasi ke:mereguru namungwa nakondererwa muno oburaka bwo mutwasi. Mbe nikwo okukonderwa kwani kuku:miye kutyo.

Ebikorwa 1:14

Abo bo:ne bariga be:kome:sisye na mwoyo gumwi mu kusabwa, aamwi na bagasi na Maryamu nyiramwene Yesu na bamura babo Yesu.

Ebikorwa 2:1

Mbe wejire rwaku:mira orusiku rwa Pentekote, bariga be:kofyanyisye bo:ne aamwi.

Ebikorwa 2:46

Bakome:e kusiku no mwoyo gumwi mu yekaru, nibabeganaga omukate mu nyumba imwi imwi, nibaryaga ebiryo, bakondeywe no mutima gwerere.

Ebikorwa 5:12

Ebibarikisyo ne birugu:ro byafu nibikorwaga mu ba:nu na maboko ga jintumwa. Bo:ne bariga aamwi mu cisunya ca Sulemani na mwoyo gumwi.

Barumi 12:16

Mungwane emwe abene era. Mute:ganirisya ebikuru, nawe munya:kirega aamwi na bo:roro. Mute:kuisyaga obwenge.

1 Bakorinto 1:10

Mbe enibe:remberesya, ba:na ba:su, kurwa risi:na rya Ratabugenyi Yesu Kristo, ati, bo:ne mwaikega gumwi no kwaukana kusigega kubao mwimwe, nawe mugwatanyibwega mu kwiganirisya kumwi na mu kurwaja kumwi.

2 Bakorinto 13:11

Ku bute:ro, bama ba:su, mubega kwa bwanabwana. Muku:mire, musi:ri:ke, mwiganirisyega gumwi. Mube no murembe, na Nyamuanga wo kwenda no murembe arabaga nemwe.

2 Bakorinto 2:3

Nabandikiye eco, korereki ariba nakinga, banu be:ire okunkondisya basige kunsurumbasya. Okuba eniikanya emwe bo:ne ati, okukonderwa kwani nikwo okwemwe bo:ne.

2 Bakorinto 7:7

Amwi tari kurwo ku:ja kwae era, nawe kurwo kusi:ri:sibwa kunu asi:ri:sibwe mwimwe, ejire acibwira ebyo kukumbura kwemwe, no kurira kwemwe, no kukome:ra kwemwe kubwani, ndijei ninongesya okukonderwa.

Bafilipi 1:4

Enibasabirwa emwe bo:ne kusiku mu kusabwa kwani kwone no kukonderwa.

Bafilipi 2:16

Mweresyega omusango gwo buanga, korereki nibe ne co kwikirisya ku rusiku rwa Kristo, ati nitatangirene kutyo era, amwi nitanyakire kutyo era.

Bafilipi 2:20

Okuba nitana mu:nu undi unu ano mutima guriŋene no gwae, unu ke:gana emisango jemwe cimari.

Bafilipi 4:2

Eniremberesya Ewodia, ka eniremberesya Suntuke, be:ganirisyega gumwi mu Ratabugenyi.

Bakolosai 2:5

Okuba norwo nitariyo mu mubiri, nawe mu mwoyo ndi aamwi nemwe, nindora jintungwa jemwe jo bwana, no kuruma kwo kwikirisya kwemwe mu Yesu Kristo, ninkonderwa.

2 Batesalonika 2:13

Eswe kuciire okusi:ma Nyamuanga kusiku kurwemwe, ba:na ba:su, banu mwenderwe Ratabugenyi. Ecisi:ma Nyamuanga unu abasorere ku bwambiro mukinge mu mweruro mu kwesibwa kwo mwoyo no kwikirisya ebye cimari.

2 Timoteo 1:4

Ninkumbura okukurora, korereki ni:jure okukonderwa, okuba eni:cuka amasiga gao.

Filemoni 1:20

Mbe, mwana wa:su, nibone amabona kwawe mu Ratabugenyi, unsi:ri:sye omwoyo gwani mu Kristo.

2 Yoana 1:4

Enikonderwa muno okuba nasangire abandi ku ba:na bao nibaribatira mu bye cimari, rwa kutyo Rata aciragiriye.

3 Yoana 1:4

Nitakukondererwa musango gundi kukira gunu ati, enungwa ati, aba:na ba:ni abaribatira mu kumasya.