Bafilipi 2:13 - INDAGANO INYA:YA

¹³ Okuba Nyamuanga niwe kakora mwimwe, mwendega no kukora rwa kutyo asi:mire mu kwenda kwae.

Indagano Inyaaya mu-Chijita

¹³ Mbe, mukore kutyo kwa okubha Nyamuwanga niwe kaakora emirimu mu‑mitima jeemwe, korereki mwende na okukora emisango jinu kaakena jikorekane.

Bafilipi 2:13 ပူးပေါင်းရင်းမြစ်များ

Ruuka 12:32

Muto:baya emwe riijo rito:to, okuba Esomwana akondeywe okubayana emwe obukama.

Ruuka 2:14

Rikusyo ribe ku Nyamuanga unu ari inguru muno, Na mu:si omurembe gube mu ba:nu banu abamukondisya.

Yowana 3:27

Yoana naindura na:ika ati, Omu:nu atakutura kuramira ecigambo co:ne tari aciyabirwe okuso:ka mu rwire.

Yowana 6:45

Byandikirwe mu baragi ati, Bo:ne bariigisibwa na Nyamuanga. Unu wo:ne kongwa no kwiigira ku Rata, niwe ka:ja kwanye.

Yowana 6:65

Na:ika ati, Kwonakora nimbabwira ati, Atariwo mu:nu unu katura oku:ja kwanye, Rata atamuyae okutura.

Ebikorwa 11:21

No kuboko kwa Ratabugenyi kwariga kuri aamwi nabo. Ba:nu ba:fu nibamwikirisya, nibaindukira Ratabugenyi.

Barumi 12:3

Okuba enaika kurwe cigongo cinu nayabirwe, enaika ku mu:nu wo:ne unu ari mwimwe, asigega kwiganirisya omwene:ra binu bikirire ebyo bimwiire okwiiganirisya. Nawe e:ganirisyega e:baririye, rwa kutyo Nyamuanga agabiye mu:nu wo:ne indengo yo kwikirisya.

Barumi 9:11

Okuba ao aba:na bariga bacari kwiburwa, ke:nu bacari kukora omusango gwone gwe kisi nakabee mubi:bi, korereki obukarae bwa Nyamuanga mu kusora kwae burume, tari kurwe bikorwa, nawe ni kubwa unu kabirikira,

Barumi 9:16

Mbe bitakusoika mu kwenda amwi kubirima kwo mu:nu, nawe ebiso:ka ku Nyamuanga unu kafwira ecigongo.

1 Bakorinto 12:6

Ka burio obutasyanya bwo kukora, nawe Nyamuanga ni umwi, unu kakora byone mu bo:ne.

1 Bakorinto 15:10

Nawe niri kutyo niri kurwe cigongo ca Nyamuanga. Ne cigongo cae cinu cariga kwanye cariga citari ca kutyo era. Nawe anye nakorere mirimu kukira bo:ne, nawe atari anye, nawe ni cigongo ca Nyamuanga cinu cariga mwanye.

2 Bakorinto 3:5

Tari ati eswe abe:ne:ra ecitura okwiganirisya omusango gwone ati oguso:ka mwiswe abe:ne, nawe okutura kweswe okuso:ka ku Nyamuanga.

Baefeso 1:11

Mu:yo nimwo eswe cabonee omwandu, okuba casorerwe kara mu bukarae bwa Unu kakora byone rwa kutyo kenda mu kurwaja kwae.

Baefeso 1:5

Aca:uye kara cikorwe ba:na bae kubwa Yesu Kristo, rwa kutyo akondeywe mu kwenda kwae.

Baefeso 1:9

Nace:resya obumbise bwo kwenda kwae, rwa kutyo ariga akondeywe omwene, rwa kutyo ariga akarariye kara mu Kristo,

Baefeso 2:8

Okuba mwaonyibwe kurwe cigongo kurwo kwikirisya, amwi bitaso:kere kwimwe, nawe ni ciyanwa ca Nyamuanga.

2 Batesalonika 1:11

Kwecikora nimbasabirwa kusiku ati, Nyamuanga weswe ababare mwiire okubirikirwa kwemwe, akumisye cinu co:ne cikondere, no murimu gwone ogwo kwikirisya, akore na managa,

2 Timoteo 1:9

Niwe acikisisye, nambirikira okubirikira okweru, tari rwe bikorwa byeswe kutyo biri, nawe acibirikiye kurwo kukararira kwae omwene na kurwe cigongo cae, cinu aciyanire mu Kristo Yesu, amagoro na magoro gacari kubao,

Baeburania 13:21

abaku:misye mu misango jo:ne ejo bwana, korereki mukorega binu kenda. Akorega mwiswe binu ebimukondera mu me:so gae kubwa Yesu Kristo. Oyo akusibwega kajanende na kajanende. Amina.

1 Petero 1:3

Asi:mwe Nyamuanga Esemwene Ratabugenyi Yesu Kristo, unu aci:buye orwa kabiri kurwe cigongo cae ca:fu, korereki cibega no kwiikanya kunu kutakuwao, okuba Yesu Kristo asu:kire mu bafu:ye,