Bafilipi 2:1 - INDAGANO INYA:YA

¹ Mbe, araba kurio kusi:ri:sya kwone mu Kristo, amwi kufuŋamya kwone okwo kwenda, amwi kusangira kowne okwo Mwoyo, amwi kufwirana cigongo,

Indagano Inyaaya mu-Chijita

¹ Mbe araabha omusiiriisibhwa mu‑kubha na obhumwi na Kirisito, araabha omufungʼamibhwa na ryenda ryaye, araabha muri na obhumwi na Mwoyo Mweru, araabha omwendwa na okufwirwa echigongo na Kirisito,

Bafilipi 2:1 ပူးပေါင်းရင်းမြစ်များ

Ruuka 2:25

Ariga:rio mu:nu mu Yerusalemi risi:na ryae Simeoni. Omu:nu uyo ariga murengeresi, no:baya Nyamuanga, narindirira okusi:ri:sibwa kwa Israeli. No Mwoyo Mweru ariga amuriko.

Yowana 14:18

Nitaribasiga rwa basigwa. Enisubo:ku:ja kwimwe.

Yowana 14:27

Omurembe nabasigira. Omurembe gwani nabayana. Nitakubayana rwa i:si kutyo eiyana. Emitima jemwe jisigega kurumwarumwa, amwi jisigega ku:baya.

Yowana 17:13

Nawe woryanu eni:ja kwawe. Ena:ika binu mu ca:ro, korereki okukonderwa kwani kuku:mire mu bene.

Ebikorwa 2:46

Bakome:e kusiku no mwoyo gumwi mu yekaru, nibabeganaga omukate mu nyumba imwi imwi, nibaryaga ebiryo, bakondeywe no mutima gwerere.

Ebikorwa 4:32

Ne cise ca banu be:kirisisye bariga na mwoyo gumwi no mutima gumwi, amwi atabeeo mu:nu unu a:ikaga ati ebi:nu binu anabyo ni byae enyere, nawe bariga basangiye bi:nu byone.

Barumi 5:5

No kwiikanya kutakujisya swaro, okuba okwenda kwa Nyamuanga okwitururwa mu mitima jeswe no Mwoyo Mweru unu cayabirwe,

Barumi 8:26

Nyaburiko Omwoyo kacisakiraga mu bugeruke bweswe, okuba citakumenya kusabwa rwa kutyo kuciire, nawe Omwoyo omwene niwe kacisabirwaga no kwasibwa kunyata:ikwa.

1 Bakorinto 12:13

Okuba mu Mwoyo umwi eswe bo:ne cabatijibwe okwingira mu mubiri gumwi, cikaba ciri Bayaudi, amwi Bagiriki, amwi bagaya, amwi be:bure bo:ne nicinywesibwa mu Mwoyo oumwi.

1 Bakorinto 15:31

Enibabwira kurwo kwikuya kwani kurwemwe kunu ndinakwo mu Kristo Yesu Ratabugenyi ati, enifwaga kusiku.

1 Bakorinto 3:16

?Mutakumenya ati, muri yekaru ya Nyamuanga, na ka Mwoyo wa Nyamuanga e:kae mwimwe?

2 Bakorinto 13:14

Ecigongo ca Ratabugenyi Yesu Kristo, no kwenda kwa Nyamuanga, no kusangira kwo Mwoyo Mweru bibega nemwe bo:ne.

2 Bakorinto 2:14

Nawe Nyamuanga asi:mwe unu kacikora niciiga mu Kristo kusiku, nakora mwiswe okuswisya orurango rwo kumumenya wone wone.

Bagalatia 4:6

Okuba muri ba:na, kwakorere Nyamuanga natuma Omwoyo wo Mwana wae mu mitima jemwe, narira ati, Rata, Rata.

Bagalatia 5:22

Nawe amatwasyo go Mwoyo ni ganu, okwenda, no kukonderwa, no murembe, no kwigumirisya, no bwira, no bufura, no kwiikanyibwa,

Baefeso 4:4

Omubiri ni gumwi, no Mwoyo ni umwi, rwa kutyo mwabirikiywe mu kwiikanya okumwi okwo kubirikirwa kwemwe.

Bafilipi 1:8

Okuba Nyamuanga niwe kanyimako rwa kutyo enibaranga emwe bo:ne no kwenda kwa Yesu Kristo.

Bafilipi 3:3

Okuba eswe ciri bo rutendo, banu eciramya Nyamuanga mu Mwoyo, nici:kuya mu Yesu Kristo, nawe citakwiikanya ebyo mubiri.

Bakolosai 2:2

Korereki emitima jebwe jisi:ri:sibwe, baumbwe aamwi mu kwendana, bakinge ku buni:bi bwone obwo kusombo:kerwa no kumenya kata, bamenye obumbise bwa Nyamuanga niwe Kristo.

Bakolosai 3:12

Mbe, okuba muri basorwa ba Nyamuanga, abe:ru na bendwa, mufwarega omwoyo gwe cigongo no bwira, no bworo:ro, no bufura, no kwigumirisya.

Baeburania 6:18

kurwe bigambo bibiri ebyo bitakucu:ka, binu Nyamuanga atakutura kubeeramo.

1 Petero 1:2

Banu mwasorerwe rwa kutyo Nyamuanga Rata ambire okubamenya kara, nimwesibwa no Mwoyo, korereki mumworobere Yesu Kristo no kumijirwako amanyinga gae. Ecigongo no murembe biyongesye kwimwe.

1 Yoana 3:24

Na unu kagwata ebiragiro byae kamwikaramo, no Mwene ke:kara mu mwene. Nikwo kutyo ecimenya ati, e:kae mwiswe, kurwo Mwoyo unu aciyae.

1 Yoana 4:12

Atario unu ararorere Nyamuanga anu cikabe:reega. Cikaba cendene, mbe Nyamuanga ke:kara mwiswe, no kwenda kwae okuku:mira mwiswe.

1 Yoana 4:16

Eswe cimenyere na ka ce:kirisisye okwenda kunu Nyamuanga acendere. Nyamuanga niwe okwenda. Unu ke:kara mu kwenda, oyo ke:kara mu Nyamuanga, na Nyamuanga ke:kara mu mwene.