Bafilipi 1:1 - INDAGANO INYA:YA

¹ Anye Paulo, aamwi na Timoteo, banu ciri bagaya ba Yesu Kristo, ecandikira abe:ru bo:ne mu Yesu Kristo banu bari mu Filipi, aamwi na bakaruka ba ikanisa na bafurubendi.

Indagano Inyaaya mu-Chijita

¹ Inyarubha inu, niikaamire anye Pawuro, niri aamwi na Timoteewo, omukosi weejaasu wa Kirisito Yeesu. Echikaamira abhaangarisi na abhasakisi bha rikanisa, na emwe abheeru bhoone bha Nyamuwanga Firiipi eyo, bhanu muri na obhumwi na Kirisito Yeesu.

Bafilipi 1:1 ပူးပေါင်းရင်းမြစ်များ

Mariko 13:34

Ni rwo mu:nu unu asigire inyumba yae naribata mu ca:ro cindi, nayana abagaya bae oburi:si, nayana buri mu:nu murimu gwae, naragirira omwigasi wo rwigi okutengeja.

Yowana 12:26

Omu:nu wo:ne akankorera, andu:be. Anu anye niri, eyo omukosi wani one niyo arabaga. Omu:nu wo:ne akankorera, Rata arimuyana ecibaro.

Ebikorwa 1:20

Okuba byandikirwe mu citabo ca Jaburi ati, Omusi gwae gube etongo, basigega kwikaramo ba:nu. Na rindi ati, Omurimu gwae gugegwe undi.

Ebikorwa 20:28

Mwirindega emwe abene, na riijo ryone rinu Mwoyo Mweru abateeo emwe murirojega, no kure:baga ikanisa ya Nyamuanga inu agurire na manyinga gae Omwene.

Ebikorwa 9:13

Nawe Anania naindura ati, Ratabugenyi, nonguywe ebyo mumura oyo ku ba:nu ba:fu, rwa kutyo akoreraga bubi:bi bwafu abe:ru bao banu bari mu Yerusalemi.

Barumi 1:1

Anye Paulo, omugaya wa Yesu Kristo, unu nabirikiywe okuba ntumwa, unu na:uywe okusimura Ebyobwana ebya Nyamuanga,

Barumi 1:7

Enibandikira emwe bo:ne abende Rumi, banu mwenderwe na Nyamuanga, banu mwabirikiywe okuba be:ru. Ecigongo cibe kwimwe no murembe binu ebiso:ka ku Nyamuanga Rata na ku Ratabugenyi Yesu Kristo.

1 Bakorinto 16:10

Mbe Timoteo akabakingako, mumwigane abega mwimwe ku:baya uri, kwo kuba kakora omurimu gwa Ratabugenyi rwanye kutyo enikora.

2 Bakorinto 1:1

Anye Paulo, intumwa ya Yesu Kristo kurwo kwenda kwa Nyamuanga, aamwi na Timoteo owa:su, ecibandikira ikanisa ya Nyamuanga inu iri Korinto, aamwi na be:ru bo:ne banu bari mu ca:ro come ca Akaya.

Bagalatia 1:10

?Okuba woryanu, enaika byo kwikirisibwa na ba:nu, tere Nyamuanga? ?Amwi eniyenja okukondisya aba:nu? Okuba nikaba nicabakondisya aba:nu, nitakabee mugaya wa Kristo.

Bagalatia 3:26

Okuba emwe bo:ne muri ba:na ba Nyamuanga kurwo kwikirisya Kristo Yesu.

Bagalatia 3:28

Atario Muyaudi amwi Mugiriki, atario mugaya amwi mwibure, atario murume amwi mugasi, okuba emwe bo:ne muimbirwe mu Kristo.

Baefeso 1:1

Anye Paulo, unu ndi ntumwa ya Yesu Kristo, enibandikira emwe abe:ru banu bari mu Efeso na banu abe:kirisya Kristo Yesu.

Baefeso 1:15

Nikwo kutyo nanye one kuso:ka anu nonguywe okwikirisya kwemwe ku Ratabugenyi Yesu, no kwenda kunu munakwo ku be:ru bo:ne,

Baefeso 6:24

Ecigongo cibega na ba:nu bo:ne banu abenda Ratabugenyi Yesu Kristo mu cimari.

Bafilipi 2:19

Nawe eniikanya mu Ratabugenyi Yesu ati, nibatumire Timoteo bwangu, nanye one nisi:ri:sibwe ariba namenya kutyo muri.

Bafilipi 2:5

Emwe mubega no kwiganirisya kunu kwariga mu Kristo Yesu.

Bafilipi 3:12

Tari ati namarire okuyabwa, amwi ati, namarire okukumisibwa, nawe eniru:ba korereki nicigwate cinu Kristo Yesu angwatiye.

Bafilipi 3:3

Okuba eswe ciri bo rutendo, banu eciramya Nyamuanga mu Mwoyo, nici:kuya mu Yesu Kristo, nawe citakwiikanya ebyo mubiri.

Bafilipi 3:8

Yee, enibara byone kuba kutyo era kurwo bure:si obwafu obwo kumenya Kristo Yesu Ratabugenyi. Kubwoyo nafwiriywemo ebi:nu byone, ka enibibara rwa mafwi korereki nibone Kristo,

1 Batesalonika 1:1

Anye Paulo, aamwi na Silwano na Timoteo, ecandikira ikanisa ya Batesalonika, inu iri mu Nyamuanga Rata na mu Ratabugenyi Yesu Kristo.

1 Batesalonika 2:2

Nawe wejire camara okunya:sibwa no kwima:turirwa mu Filipi, rwa kutyo emwe mumenyere, nicijira obuba:si mu Nyamuanga nina:ika Ebigambo byo bwana mwimwe, nimbirwanirira muno.

2 Batesalonika 1:1

Anye Paulo, aamwi na Silwano na Timoteo, ecike:sya ikanisa ya Batesalonika, inu iri mu Nyamuanga Rata na mu Ratabugenyi Yesu Kristo.

2 Batesalonika 1:10

ariba:ja okukusibwa mu be:ru bae, no kuru-gu:rwa mu bo:ne banu abe:kirisya, mu rusiku ruriya. Okuba mwekirisisye binu cababwiriye.

1 Timoteo 1:2

Ku Timoteo, omwana wani kata mu kwikirisya. Ecigongo no bwira no murembe bibega kwawe, binu ebiso:ka ku Rata Nyamuanga, na ku Ratabugenyi Yesu Kristo.

1 Timoteo 3:8

Nikwo kutyo na bafurubendi kube:ire okuba banu be:inyire, tari ba nyaikira ebiri, banu batakunywa bwarwa bwafu, batakungwa jimpirya,

Tiito 1:1

Anye Paulo, omugaya wa Nyamuanga na intumwa ya Yesu Kristo, kurwo kwikirisya kwa basorwa ba Nyamuanga, bamenye ebye cimari binu bi:ire oburenge:resi.

Tiito 1:7

Okuba omukaruka kumwiire kuba atariko esoro, okuba ni mubi:ki wa Nyamuanga. Abe mu:nu atari mukome:e, atari we:sungu, atari mukorwa, atari mubumi, atakurigira mabona.

Filemoni 1:1

Anye Paulo, omuboywa wa Kristo Yesu, aamwi na Timoteo owasu, ku Filemoni, omwendwa no mukosi we:ja:su,

Baeburania 13:23

Mumenyere ati Omwana wa:su Timoteo arasurumuywe. Akaja bwangwe, enibabona emwe aamwi nage.

Yakobo 1:1

Anye Yakobo, unu ndi mugaya wa Nyamuanga na wa Ratabugenyi Yesu Kristo, enibake:sya emwe aba jiŋanda rikumi na jibiri jinu janyarambukire.

1 Petero 2:25

Okuba mwariga muri rwa jina:ma jinu jiburire, nawe woryanu mwasubire ku Mure:fi no Muro:ji we myoyo jemwe.

2 Petero 1:1

Anye Simoni Petero, unu ndi mugaya na intumwa ya Yesu Kristo, enandikira banu babwene okwikirisya kwo bugusi burambu aamwi neswe mu bure-nge:resi bwa Nyamuanga no Mukisya weswe, niwe Yesu Kristo.

Yuuda 1:1

Anye Yuda, unu ndi mugaya wa Yesu Kristo no mwana wa:bo Yakobo, enandikira banu babirikiywe, abendwa mu Nyamuanga Rata, na banu abarindwa kurwa Yesu Kristo.

Obhusweruro 1:1

Kunu nikwo okuswerura kwa Yesu Kristo kunu Nyamuanga amuyae, korereki e:resyega abagaya bae jinu ni busibusi jibeo bwangu, natuma maraika wae korereki amweresye omukosi wae Yoana.

Obhusweruro 1:20

Imbisike ya jinjota eta:nu ne:biri jinu warora mu kuboko kwani okwe buryo, no bwa jitara eta:nu ne:biri eja jijaabu ni inu ati, jinjota eta:nu ne:biri nibo bamaraika ba jikanisa eta:nu ne:biri. Na jitara eta:nu ne:biri nijo jikanisa eta:nu ne:biri.

Obhusweruro 19:10

Ningwa imbere ya maguru gae okumuramya. Nambwira ati, Wasiga kukora kutyo. Anye ndi mukosi we:ja:nyu na wa mu ba:na banyu banu abe:ma ku Yesu. Ramyaga Nyamuanga. Kwo kuba omwoyo gwo buragi nikwo okwima ku Yesu.

Obhusweruro 2:12

Yandikira intumwa ya ikanisa ya Perigamo ati, Unu ari ne cinyambutu ca mo:gi agabiri ka:ika ati,

Obhusweruro 2:8

Yandikira intumwa ya ikanisa ya Simurina ati, Owo kwamba no wa ku bute:ro, Unu ariga afu:ye, nasuba okuba muanga, niwe ka:ika ati,

Obhusweruro 22:9

Nambwira ati, Wasiga kukora kutiyo. Anye ndi mugaya we:ja:nyu no wa mu ba:na ba:nyu abaragi, no wa banu abagwata emisango je citabo cinu. Ramya Nyamuanga.