2 Petero 2:3 - INDAGANO INYA:YA

³ Abo baribona amabona mwimwe kurwo kurigira kwebwe, niba:ika emisango jo rurimi. Intambara yebwe kuso:ka kara itakuko:ra, no kusimagisibwa kwebwe kutakuongerera.

Indagano Inyaaya mu-Chijita

³ Mu‑kurigira kwebhwe kwa ebhiinu, bharibha nibhabhabhwira jingani ja orubheeyi, korereki bhabhone chinu abheenda okutura kw‑imwe. Nawe okusookerera kara, indamu yeebhwe yeerabhirwe na chimari bharisingaarisibhwa!

2 Petero 2:3 ပူးပေါင်းရင်းမြစ်များ

Matayo 23:14

Jiribabona, emwe abandiki na Bafarisayo, ba rurimi! Kwo kuba omurya jinyumba ja batumba, omwisabya nimurandirisya, nikwo murikora nimubona intambara nene.

Ruuka 18:8

Enibabwira ati, aribaramura bwangu. ?Nawe Omwana wo mu:nu ariba:ja, arisanga okwikirisya ku ca:ro?

Ruuka 20:20

Nibamwiteganira, nibatuma jitari, nibe:kora barenge:resi korereki bamutege ku misango jae, korereki bamute ku ŋoma na ku managa go musi:ba.

Ruuka 22:47

Anu ariga aca:ika, mbe ecise nici:ja no:yo katogwa Yuda abatangatiye, niwe oumwi kwikumi na babiri, nafugera ku Yesu okumunyunya.

Yowana 2:16

Nababwira banu baka:naga ebiguti ati, Muso:syeo binu. Musige kukora inyumba ya Rata kuba nyumba ya kugusisyamo.

Barumi 16:18

Okuba abe:ja:bo abo batakukorera Ratabugenyi Yesu Kristo, nawe abakorere kwigutya nda jebwa era. Aba:ika no kusi:ma ne bigambo byoro:ro, nibabebeya emitima ja banu batasombokeywe.

2 Bakorinto 2:17

Okuba citari rwa ba:fu, banu abakama Omusango gwa Nyamuanga nibaguco:tora. Nawe eca:ika mu Kristo imbere ya Nyamuanga, rwa ba:nu be cimari na rwa ba:nu ba Nyamuanga.

1 Batesalonika 2:5

Okuba cicariga kukorera musango gwa kubaku:ya:ra, rwa kutyo emwe mumenyere, nakabee guri musango gwa kubisa kurigira. Nyamuanga niwe kaci:mako.

1 Batesalonika 5:3

Anu baryaika ati, Ni murembe, kabi kandi uri, mbe niwo okusimagira kuribatakya rwo busungu kutyo oburuma owa inda, na ka batariona na katyari.

1 Timoteo 3:3

atari mukorwa, atari mubumi, nawe ni mwororo, atari muyombi, atakurigira mpirya.

1 Timoteo 3:8

Nikwo kutyo na bafurubendi kube:ire okuba banu be:inyire, tari ba nyaikira ebiri, banu batakunywa bwarwa bwafu, batakungwa jimpirya,

1 Timoteo 6:5

no kukarasyanya kwa ba:nu baranyamukire obwenge, banu balaso:sibweko ebye cimari, nibe:ganirisya ati oku:baya Nyamuanga ni kuboneramo muri:ro.

Tiito 1:11

Abo be:ire okusibwa eminwa, okuba abo nibo abafumbika misi mikobe, nibe:igisya binu bitabe:ire, kurwa mabona go burigerige.

Tiito 1:7

Okuba omukaruka kumwiire kuba atariko esoro, okuba ni mubi:ki wa Nyamuanga. Abe mu:nu atari mukome:e, atari we:sungu, atari mukorwa, atari mubumi, atakurigira mabona.

1 Petero 2:8

Na rindi ati, Ribui rinu eri:ku:jurwako no rutare runu orugwisya. Abe:ku:juraga ku musango, okuba batagunguywe, rwa kutyo batereyweo.

1 Petero 5:2

Mure:bega nijo rya Nyamuanga rinu riri mwimwe, nimuriro:jaro:ja, tari kurwo kusinyirisibwa, nawe mu kwenda, rwa kutyo Nyamuanga kenda, amwi tari kurwo kurigira amabona go burigerige, nawe no mutima gunu gumaririye.

2 Petero 1:16

Okuba eswe cita:ru:bire sumo jinu jate:me:kerwe mu bwengebwenge anu cariga nicibamenyesya obuinga bwa Ratabugenyi Yesu Kristo no ku:ja kwae, nawe carorere amakanyo gae na me:so geswe.

2 Petero 2:1

Nawe bariga bario abaragi bo rurimi mu ba:nu, na ka mwimwe one baribao abe:igisya bo rurimi, banu barire:ta okwiigisya kunu okusimagisya mu burigerige. Barirema Ratabugenyi unu abagurire, nibe:re:tera okusimagisibwa bwangu.

2 Petero 2:9

Ratabugenyi amenyere okuonya abeyami mu kusakwa, no kurinda abanyamusi kukinga ku rusiku rwo kutema eci:na,

Yuuda 1:11

Jiribabona abo! Okuba abaribatira mu njira ya Kaini, nibabirimira mu kuyaba kwa Balaamu korereki babone amabona, nibasimagira mu bwikoti bwa Kora.

Yuuda 1:15

Ka:ja okuramura ba:nu bo:ne, no kube:tira ogwebwe banu bataku:baya Nyamuanga, kurwe bikorwa byebwe ebyo burangirangi, binu bakorere mu burangirangi, na kurwe misango emikome:e jinu bamwaikagako abe bibi:bi banu bataku:baya Nyamuanga.

Yuuda 1:16

Abo nibo abe:toŋanira nibatukuma, ni banu abaribata rwo kurigira kwebwe kutyo kuri. Ne minwa jebwe ejisagirira okwaika emisango jo kwiku:ya nibayana aba:nu ecibaro korereki babonemo amibona.

Yuuda 1:4

Okuba bario aba:nu banu bengiye bwitebe, banu batu:riywe intambara inu kuso:ka kara, ni banu bataku:baya Nyamuanga, banu abacu:sya ecigongo ca Nyamuanga kuba rukubo, nibarema Omukuru umwi enyere, niwe Ratabugenyi Yesu Kristo.

Yuuda 1:7

Rwa Sodoma na Gomora ne misi jinu jariga jisijene, jinu jaru:baga oburomesi, rwabo kutyo abakora, nibaru:baga ejindi-jindi jo mubiri jinu jitari jo busimuka. Emisi ejo jateyweo okuba co kurorerako nijinya:sibwa intambara yo muriro gwa kajanende.