2 Petero 1:3 - INDAGANO INYA:YA

³ Rwa kutyo obuinga bwa Bunyamuanga bwaciyae eswe byone ebyo buanga no bwiyami kurwo kumumenya Unu acibirikiye kurwa rikusyo ryae no bwira bwae omwene.

Indagano Inyaaya mu-Chijita

³ Nyamuwanga okutura ku‑bhuturo bhwaye, achiyaaye emisango joone jinu echikena, korereki chibhe na obhuwanga na chimuyaane echibharo. Achiyaaye ejo, ku‑njira ya okumumenya unu achibhirikiiye ku‑songa ya rikusyo na obhwa ekisi bhwaye omwene.

2 Petero 1:3 ပူးပေါင်းရင်းမြစ်များ

Matayo 28:18

Yesu na:ja na:ika nabo ati, Nayabirwe obuinga bwone mu rwire na ku ca:ro.

Barumi 8:32

Unu ataremee Omwana wae omwene, nawe namuso:sya kubweswe bo:ne, ?arita:sya atiki okucigabira bi:nu byone aamwi nage?

Barumi 9:24

Niweswe banu cabirikiywe nage, tari mu Bayaudi era, nawe mu bamaanga one.

1 Bakorinto 1:9

Nyamuanga ni mwiikanyibwa, niwe ababirikiye emwe mwingire mu kusangira kwo Mwana wae niwe Yesu Kristo Ratabugenyi.

2 Bakorinto 12:9

Omwene nambwira ati, Ecigongo cani cikumarire, okuba amanaga gani agakumirira mu binu bitana managa. Kwenikora nini:ku:isya mu kuburwa amanaga ninkonderwa muno, korereki amanaga ga Kristo ge:kare kwanye.

Baefeso 4:1

Kwenikora nimbaremberesya, anye omuboywa mu Ratabugenyi, ati, muribatega rwa kutyo kwiire okubirikirwa kunu mwabirikiriywe,

Baefeso 4:4

Omubiri ni gumwi, no Mwoyo ni umwi, rwa kutyo mwabirikiywe mu kwiikanya okumwi okwo kubirikirwa kwemwe.

Bafilipi 3:8

Yee, enibara byone kuba kutyo era kurwo bure:si obwafu obwo kumenya Kristo Yesu Ratabugenyi. Kubwoyo nafwiriywemo ebi:nu byone, ka enibibara rwa mafwi korereki nibone Kristo,

Bafilipi 4:8

Ku bute:ro, ba:na ba:su, bukaba burio bure:si, amwi kukaba kurio kukuya, mwiganirisyega binu ati, byone ebye cimari, na binu bi:ire ecibaro, ne byo burenge:resi ne byeru, na binu ebyendwa, na binu ebisi:mwa.

Bakolosai 1:16

Okuba mu:yo ebi:nu byone nimwo byayangiywe, ebya mu rwire ne bya mu:si, binu ebiboneka na binu bitakuboneka, bikaba biri bitebe bya cikama, amwi bukuru, amwi butungi, amwi aba managa. Ebi:nu byone byayangirwe Omwene na kubwae.

1 Batesalonika 2:12

Nicibabwira muribatega rwa kutyo kwiire ku Nyamuanga unu kababirikira okwingira mu bukama bwae na mwikusyo ryae.

1 Batesalonika 4:7

Okuba Nyamuanga atacibirikiriye bujabi nawe ce:sibwe.

2 Batesalonika 2:14

Nibyo ababirikiriye ne Bigambo byeswe byo bwana, korereki mubone rikusyo rya Ratabugenyi Yesu Kristo.

1 Timoteo 4:8

Okuba okwinasya kwo mubiri kuri na muri:ro muto:to, nawe oku:baya Nyamuanga kuri no muri:ro mu byone, okuba kuri no murago gwo buanga bwa woryanu na bunu obwenda oku:ja.

2 Timoteo 1:9

Niwe acikisisye, nambirikira okubirikira okweru, tari rwe bikorwa byeswe kutyo biri, nawe acibirikiye kurwo kukararira kwae omwene na kurwe cigongo cae, cinu aciyanire mu Kristo Yesu, amagoro na magoro gacari kubao,

Baeburania 1:3

Oyo niwe okuse:ka:na kwa rikusyo ryae, no rususo rwae kata kutyo ari, na ka niwe agumisye ebi:nu byone no musango gwo buinga bwae. Oyo wejire amara okukora eco kwesya ebibi:bi, nenyanja ku kuboko kwe buryo okwa Nyabuinga mu rwire.

1 Petero 1:15

Nawe mubega be:ru mu ntungwa jo:ne rwa kutyo Oyo ababirikiye ni mweru.

1 Petero 1:5

emwe banu omurindwaga no buinga bwa Nyamuanga kurwo kwikirisya, korereki mubone omweruro gunu gumaririye okuswerurwa mu siku ja ku bute:ro.

1 Petero 2:21

Okuba ebyo nibyo mwabirikiririywe. Okuba Kristo one anya:si:bwe kurwemwe, nabasigira eco kurorerako, korereki muru:be orugere rwae.

1 Petero 2:9

Nawe emwe muri rwiburo rusorwa, muri bagabisi be cikama, abo ruganda rweru, ka muri ba:nu bo butunge, korereki mukumusyega ebyo bwana bya Unu ababirikiye okuso:ka mu cisu:te mwingire mu bweru bwae obwo kurugu:ra.

1 Petero 3:9

Mutasubisyanya cibi:bi ne ce:ja:bo, amwi cifumo ne ce:ja:bo, nawe mube banu abasabirwa ribando. Okuba eco nico mwabirikiririywe, korereki murye omwandu gwa ribando.

1 Petero 5:10

Mbe ariba mwamara okunya:sibwako mwanya muto:to, Nyamuanga aribaku:misya, nabarumya, nabayana managa. Niwe Nyamuanga we cigongo co:ne, unu ababirikiye mu Kristo korereki mwingire mwikusyo ryae rya kajanende.

2 Petero 1:10

Mbe ba:na ba:su, mukome:rega muno okurumya okubirikirwa kwemwe no kusorwa kwemwe, okuba ejo mukajikora, mutari:ku:jura na katyari.

2 Petero 1:2

Ecigongo no murembe biyongesyega kwimwe mu kumenya Nyamuanga na Ratabugenyi Yesu.

2 Petero 1:5

Mbe nikwo kutyo mukome:rega okwongesya obwira mu kwikirisya kwemwe. Na mu bwira bwemwe mwongesyega okumenya.

2 Petero 1:6

Na mu kumenya kwemwe mwongesyega okwibaririra. Na mu kwibaririra kwemwe mwongesyega okwigumirisya. Na mu kwigumirisya kwemwe mwongesyega obwiyami.

2 Petero 1:8

Okuba emisango ejo jikaba mwimwe no kufura, ejibakora banu mutari barenga, amwi mutari banu batana matwasyo mu kumenya Ratabugenyi Yesu Kristo.

2 Petero 2:20

Okuba araba bambire okwiruka obujabi bwa i:si kurwo kumenya Ratabugenyi no Mukisya Yesu Kristo, nawe bakasuba okukomwa omwo nibaigwa, mbe ebyebwe bya ku bute:ro ebibiya kukira ebyo kwamba.

2 Petero 3:18

Nawe mukurirega mu cigongo, na mu kumenya Ratabugenyi no Mukisya weswe Yesu Kristo. Oyo akusibwega woryanu na kukinga kajanende na kajanende.