2 Bakorinto 4:2 - INDAGANO INYA:YA

² Nawe ciraremere ebyo bumbise ebya maswaro, amwi citakuribata mu burigerige, amwi citakwikotya musango gwa Nyamuanga. Nawe eci:kuya eswe abe:ne ku mitima ja ba:nu bo:ne imbere ya Nyamuanga, nice:resya ebye cimari.

Indagano Inyaaya mu-Chijita

² Chiremere kata okukora emisango ja imbisike na eja jiswaro. Chitakujiga abhaanu, noorwo chitakusaasya omusango gwa Nyamuwanga na orubheeyi. Tari, echiimenyegesya mu‑kwayika echimari abhwerubhweru, korereki abhaanu bhoone bhamenye mu‑mitima jeebhwe ati, eswe chiri bhaanu bha echimari imbere ya Nyamuwanga.

2 Bakorinto 4:2 ပူးပေါင်းရင်းမြစ်များ

Barumi 1:16

Okuba Ebigambo byo bwana bitakunswasya, okuba ni buinga bwa Nyamuanga bunu obure:ta omweruro ku mu:nu wo:ne unu ke:kirisya, okwambira ku Muyaudi na ku Mugiriki one.

Barumi 6:21

?Mbe ni matwasyo ki ago mwabwene mu siku ejo? Mu misango ejo omuswasibwa wori, okuba obute:ro bwejo ni kufwa.

1 Bakorinto 4:5

Mbe mutatemaga eci:na co musango gwone jisiku jicari kwiya, okukinga runu Ratabugenyi ari:ja, unu arimurika binu bibisirwe ebya mu cisu:te, ka aribukisya okurwaja okwa mu mutima. Mbe niwo buri mu:nu aribona okusi:mwa kwae ku Nyamuanga.

2 Bakorinto 1:12

Okuba okwikuya kweswe, no kwaika kwe mitima jeswe ni kunu ati, cariga niciribata mu:si mu bweru na mu cimari imbere ya Nyamuanga, tari mu bwenge bwo mubiri, nawe ni mu cigongo ca Nyamuanga, no kukira muno cabaga kutyo kwimwe.

2 Bakorinto 11:3

Nawe enu:baya, ame:ganirisyo gemwe gasige kunyamurwa no kusiga obwororo no bweru bunu buri mu Kristo, rwa injoka kutyo yabebe:isye Ewa mu burigerige bwayo.

2 Bakorinto 11:6

Nawe nakabee anye ndi unu atakumenya kwaika, nawe mu kumenya nitari kutyo. Nawe ecibu:risibwa mwimwe mu byone.

2 Bakorinto 2:17

Okuba citari rwa ba:fu, banu abakama Omusango gwa Nyamuanga nibaguco:tora. Nawe eca:ika mu Kristo imbere ya Nyamuanga, rwa ba:nu be cimari na rwa ba:nu ba Nyamuanga.

2 Bakorinto 5:11

Mbe okuba cimenyere amakanyo ga Ratabugenyi, kwecikora nicikongya abamu, nawe ecibu:risibwa ku Nyamuanga. Eciikanya ati ecibu:risibwa mu mitima jemwe one.

2 Bakorinto 6:8

Kurwe cibaro no kugaywa, kurwo kwaikwa kubi:bi no kwaikwa kisi, rwa banu ababebeya, ke:nu ciri ba cimari,

2 Bakorinto 7:14

Araba nabaku:isye ku mwene mu cigambo come, mbe nite:swarire. Nawe rwa kutyo cababwiriye byone bye cimari, nikwo kutyo ebyo cabaku:isye ku Tito one ni bya cimari.

Baefeso 4:14

Cisige kuba ba:na bato:to rindi, niciyemusibwa nicigegwagegwa miyaga jo:ne ejo kwiigisya mu burigerige no bwengebwenge bwa ba:nu, banu abe:te:me:ka ebyo rurimi.

Baefeso 5:12

Okuba ebyo abakora mu bumbise ni swaro no kubyaika.