2 Bakorinto 3:3 - INDAGANO INYA:YA

³ Nimubu:risibwa okuba inyaruba ya Kristo, inu eswe cabakoreemo, inu itandikirwe na bwino nawe yandikirwe Omwoyo wa Nyamuanga omuanga, tari ku mbau ja mabui, nawe ni ku mbau je mitima ja ba:nu.

Indagano Inyaaya mu-Chijita

³ Omweresya abhwerubhweru ati emwe muri nyarubha ya Kirisito, inu eyeeresya amatwasyo ga emirimu jinu ꞉chaakorere kw‑imwe. Inyarubha eyo, ꞉itaakaamirwe kwa obhwino, tari ꞉yaakaamirwe na Mwoyo wa Nyamuwanga omuwanga. Ka wone ꞉itaakaamirwe ku‑bhibhaara bhya amabhuyi tari ku‑bhibhaara bhinu bhiri mu‑myoyo ja abhaanu.

2 Bakorinto 3:3 ပူးပေါင်းရင်းမြစ်များ

Matayo 16:16

Simoni Petero naindura na:ika ati, Awe na:we Kristo Omwana wa Nyamuanga Omuanga.

1 Bakorinto 3:5

Mbe Apolo niwe:ga? Na Paulo niwe:ga? Ni bafurubendi banu emwe mwekirisisye kubwebwe, rwa kutyo Ratabugenyi amuyae mu:nu wo:ne murimu gwae.

2 Bakorinto 3:6

Niwe unu aciyae amanaga go kukorera indagano inya:ya. Citari bakosi ba nyuguta nawe abo mwoyo. Okuba inyuguta eita, nawe omwoyo ogure:ta obuanga.

2 Bakorinto 3:7

Nawe okukora kwo kufwa okwa jinyuguta, kunu kwariga kukamirwe ku mabui, kukaba kwejiye mwikusyo ndijei aba:na ba Israeli bataturire kwikomeresya obusu bwa Musa kurwa rikusyo ryo busu bwae, niryo rikusyo rinu ryariga ndija okuwao,

2 Bakorinto 6:16

?Na iyekaru ya Nyamuanga ebi:yanya atiki ne biusano? Okuba emwe muri yekaru ya Nyamuanga omuanga. Rwa kutyo Nyamuanga a:ikire ati, Ndibe:karamo, nimbaribatiramo, nanye ndabaga Nyamuanga webwe, na bene barabaga bamu ba:ni.

1 Batesalonika 1:9

Okuba abo abene:ra aba:ika ebyeswe, rwa kutyo ce:jire kwimwe, na rwa kutyo mwaindukiye Nyamuanga nimusiga ebisusano, mukorerega Nyamuanga omuanga no we cimari,

Baeburania 10:16

Inu niyo indagano inu ndiragana nabo, Nikwo kutyo ka:ika Ratabugenyi, Jisiku jiriya ariba je:ya, Nditu:ra ebiragiro byani mu mitima jebwe Na ka ndibyandika mu kwiganirisya kwebwe.

Baeburania 8:10

Okuba inu niyo indagano inu ndiragana na inyumba ya Israeli, Nikwo kutyo Ratabugenyi ka:ika, Jisiku jiriya ariba je:ya, Nditu:ra ebiragiro byani mu kwiganirisya kwebwe, Na ka ndibyandika mu mitima jebwe. Anye niribaga Nyamuanga webwe Na bene baribaga ba:nu bani.

Baeburania 9:14

Mbe amanyinga ga Kristo, unu e:tegereyo ku Nyamuanga atariko ebara, kurwo Mwoyo wa kajanende, ?mbe amanyinga gae gatarikira muno okwesya emitima jemwe mu bikorwa ebifu:ye korereki mukorerega Nyamuanga omuanga?

Obhusweruro 2:1

Yandikira intumwa ya ikanisa ya Efeso ati, Unu kagwata jinjota eta:nu ne:biri mu kuboko kwae okwe buryo, unu karibatira agati ya jitara eta:nu ne:biri eja jijaabu, niwe ka:ika ati,

Obhusweruro 2:12

Yandikira intumwa ya ikanisa ya Perigamo ati, Unu ari ne cinyambutu ca mo:gi agabiri ka:ika ati,

Obhusweruro 2:18

Yandikira intumwa ya ikanisa ya Tuatira ati, Omwana wa Nyamuanga, unu ari na me:so ganu gari rwa jimbesi jo muriro, ne bigere byae bisusene rwe cu:ma ecitukurasi cinu ciku:bire memo.

Obhusweruro 2:8

Yandikira intumwa ya ikanisa ya Simurina ati, Owo kwamba no wa ku bute:ro, Unu ariga afu:ye, nasuba okuba muanga, niwe ka:ika ati,

Obhusweruro 3:1

Yandikira intumwa ya ikanisa ya Saridi ati, Unu ari ne Myoyo eta:nu ne:biri eja Nyamuanga na jinjota eta:nu ne:biri, niwe ka:ika ati, Nimenyere ebikorwa byao ati, uri na risi:na uti uri muanga, ke:nu ufu:ye.

Obhusweruro 3:14

Yandikira intumwa ya ikanisa ya Laodikia ati, Oyo ari Amina no mwimako omwiikanyibwa, no wo kwamba wo kuanga kwa Nyamuanga, niwe ka:ika ati,

Obhusweruro 3:22

Unu ari no kutwi, nongwe jinu Omwoyo kabwira jikanisa.

Obhusweruro 3:7

Yandikira intumwa ya ikanisa ya Filadefia ati, Omweru no we cimari, unu ari no rufunguro rwa Daudi, na ka unu ke:gura, amwi atario unu ke:gara, ka unu ke:gara amwi atario unu ke:gura, niwe ka:ika ati,