2 Bakorinto 11:3 - INDAGANO INYA:YA

³ Nawe enu:baya, ame:ganirisyo gemwe gasige kunyamurwa no kusiga obwororo no bweru bunu buri mu Kristo, rwa injoka kutyo yabebe:isye Ewa mu burigerige bwayo.

Indagano Inyaaya mu-Chijita

³ Nawe woori enuubhaya ati, rwa kutyo Aawa ꞉aajigirwe na injoka irya indigendige, na emwe wone mwasiga okujigwa, nimusiga okwenda Kirisito mu‑bhwiyikanyibhwa na omutima omweru.

2 Bakorinto 11:3 ပူးပေါင်းရင်းမြစ်များ

Matayo 24:24

Okuba bari:ja bakristo bo rurimi na baragi bo rurimi. Barikora ebibarikisyo binene ne birugu:ro, korereki bakatura, bababebeye na basorwa one.

Yowana 8:44

Emwe muri ba:na be:somwana niwe Syetani, ka omwenda okukora okurigira kwesomwana. Oyo ni mwiti kuso:ka ku bwambiro, ka atakwikara mu bye cimari, okuba ebye cimari bitamurimo. Wora a:ika ebyo rurimi, ka:ika cinu eciso:ka mu byae, kwo kuba ni wa rurimi, na ka nesemwene orurimi.

Barumi 12:8

Amwi unu kakomeresya, akome:re mu kukomeresya. Unu kagaba, agabega no mmwoyo gwerere. Unu katunga, atunge mu burengeresi.

2 Bakorinto 1:12

Okuba okwikuya kweswe, no kwaika kwe mitima jeswe ni kunu ati, cariga niciribata mu:si mu bweru na mu cimari imbere ya Nyamuanga, tari mu bwenge bwo mubiri, nawe ni mu cigongo ca Nyamuanga, no kukira muno cabaga kutyo kwimwe.

2 Bakorinto 11:20

Okuba omwigumirisisya omu:nu akabakora bagaya, amwi akabarya, amwi akabagwata ngwatwa, amwi ake:ku:ya, amwi akabasasa amai mu busu.

2 Bakorinto 11:29

?Niga unu kaburwa amanaga, nanye one nindema okuburwa amanaga? ?Niga unu ke:ku:jusibwa nanye one nitakubiirwa?

2 Bakorinto 2:17

Okuba citari rwa ba:fu, banu abakama Omusango gwa Nyamuanga nibaguco:tora. Nawe eca:ika mu Kristo imbere ya Nyamuanga, rwa ba:nu be cimari na rwa ba:nu ba Nyamuanga.

2 Bakorinto 4:2

Nawe ciraremere ebyo bumbise ebya maswaro, amwi citakuribata mu burigerige, amwi citakwikotya musango gwa Nyamuanga. Nawe eci:kuya eswe abe:ne ku mitima ja ba:nu bo:ne imbere ya Nyamuanga, nice:resya ebye cimari.

Bagalatia 1:6

Enirugu:ra okuba omusiga kutya bwangu unu ababirikiye mu cigongo ca Kristo, nimuru:ba ebigambo binu abatoga ati mbya bwana, bya nyami indi,

Bagalatia 2:4

Okuba bariga bario abairi bo rurimi banu bengiye mu bumbise korereki batatirisye ec:bure ceswe cinu cinaco mu Kristo Yesu, korereki bacisubye mu bugaya.

Bagalatia 3:1

Emwe Abagalatia, bambura bwenge, ?niga unu abarogere, emwe banu Yesu Kristo abu:risibwe mu me:so gemwe ati abambirwe ku musaraba?

Bagalatia 4:11

Enibawera omwoyo, nisige kuba amwi nanya:kiye emwe kutyo era.

Baefeso 4:14

Cisige kuba ba:na bato:to rindi, niciyemusibwa nicigegwagegwa miyaga jo:ne ejo kwiigisya mu burigerige no bwengebwenge bwa ba:nu, banu abe:te:me:ka ebyo rurimi.

Baefeso 4:22

Mu bya jintungwa ja kara, emwe mufu:re omu:nu wa kara unu kabora kurwo kurigira kwo rurimi.

Baefeso 6:24

Ecigongo cibega na ba:nu bo:ne banu abenda Ratabugenyi Yesu Kristo mu cimari.

Bakolosai 2:18

Omu:nu wo:ne asiga kubasa:kura muye:ro gwemwe mu kwikeya mu binu kenda omwene, no kuramyaga bamaraika, unu arumire mu binu arorere, ne:kuya kutyo era mu bwenge bwae bwo mubiri.

Bakolosai 2:4

Ena:ika ati, mu:nu wo:ne asiga kubabebeya ne bigambo byo kukongyakongya.

Bakolosai 2:8

Mwikenge, mu:nu wo:ne asiga kubakora ngwatwa mu kumba obwenge bwa ba:nu no kubebeya kwa kutyo era, rwe byecikuru bya ba:nu, no kumba ebya kara ebya i:si, ari kum:baga Kristo uri.

1 Batesalonika 3:5

Nanye kwonakorere nintuma omu:nu, wejire naremo:tura okwigumirisya rindi, korereki nimenye okwikirisya kwemwe, amwi omusaki e:fura abasakire, no kunya:ka kweswe nikuba kwa kutyo era.

1 Timoteo 1:3

Ubega mu Efeso, rwa kutyo nakubwiriye anu nariga ningenda Makedonia, korereki ukomeresyega abandi basigega kwiigisya binu bita:syanyisye ne byeswe.

1 Timoteo 2:14

Ka na Adamu tari niwe abebeibwe, nawe omugasi niwe abebeibwe, naba mu kunyamura.

2 Timoteo 3:13

Nawe aba:nu ababi:bi, na bo rurimi barisagirira okubi:ya, nibabebeya no kubebeibwa.

Tiito 1:10

Okuba bario ba:fu banyato:roba, banu aba:ika ebya kutyo era, banu ababebeya, mwabo ba:fu ni bo rutendo.

Baeburania 13:9

Mutagegwagegwaga na kwiigisya kundi na kundi okwe cigenyi, okuba ni kwa bwana omutima gurumibwe ne cigongo, amwi gutakurumibwa na ntungwa ja kurya, jinu banu abaribatiramo batakubonamo muri:ro.

2 Petero 3:17

Mbe abendwa, banu mwatangatire okusombo:kerwa, mwikengega mwasiga kugegwagegwa no kuyaba kwa banyantongwa, nimugwa okuso:ka mu bukome:e bwemwe.

2 Petero 3:3

Okwamba mumenye ati, mu siku ja ku bute:ro abagayi bariboneka banu barigaya nibaribatira mu kurigira kwebwe abene,

1 Yoana 2:18

Aba:na bato:to, omwanya gunu ni gwa ku bute:ro. Rwa kutyo mwonguywe ati, omuremo wa Kristo ka:ja, na ka wori abaremo ba Kristo bariwo ba:fu. Kwecikora nicimenya ati, omwanya gunu ni gwa ku bute:ro.

1 Yoana 4:1

Abendwa, mute:kirisyaga buri mwoyo gwone, nawe musakega emyoyo, araba jaso:kere ku Nyamuanga. Okuba abaragi ba:fu abo rurimi be:mukire mu ca:ro.

Yuuda 1:4

Okuba bario aba:nu banu bengiye bwitebe, banu batu:riywe intambara inu kuso:ka kara, ni banu bataku:baya Nyamuanga, banu abacu:sya ecigongo ca Nyamuanga kuba rukubo, nibarema Omukuru umwi enyere, niwe Ratabugenyi Yesu Kristo.

Obhusweruro 12:15

Na riyoka ndifubura amanji rwo musima mu kanwa karyo inyuma yo mugasi uyo, korereki rimukurusye no musima.

Obhusweruro 12:9

Na riyoka rinene niryeswa, niryo riyoka rya kara, rinu eritogwa Mukurisya, niwe Syetani, unu kabebeya ca:ro co:ne. Ne:swa ku ca:ro, na bamaraika bae nibe:swa aamwi nage.

Obhusweruro 20:2

Nagwata riyoka, niyo injoka ya kara, inu eitogwa Mubeeresya na Syetani, namuboya myaka cisira,