1 Petero 1:3 - INDAGANO INYA:YA

³ Asi:mwe Nyamuanga Esemwene Ratabugenyi Yesu Kristo, unu aci:buye orwa kabiri kurwe cigongo cae ca:fu, korereki cibega no kwiikanya kunu kutakuwao, okuba Yesu Kristo asu:kire mu bafu:ye,

Indagano Inyaaya mu-Chijita

³ Akusibhwe Nyamuwanga, Esemwene Raatabhugenyi weeswe Yeesu Kirisito. Ku‑chigongo chaaye echaafu, ꞉aachiibhuuye rwa kabhiri ku‑njira ya okusuurura Yeesu Kirisito okusooka mu‑bhafuuwe. Kurwa ejo, chibhwene obhwiyikanyo obhwa obhuwanga.

1 Petero 1:3 ပူးပေါင်းရင်းမြစ်များ

Yowana 1:13

Banu bate:buywe kurwa amanyinga nakabee kuri kwenda kwo mubiri, nakabee kuri kwenda kwo mu:nu, nawe be:buywe na Nyamuanga.

Barumi 12:12

Mukonderwega mu kwiikanya, nimwigumirisyaga mu nya:ko, mugumega mu kusabwa.

Barumi 15:13

Mbe Nyamuanga wo bwiikanyo abe:jusye okukonderwa kwone no murembe mu kwikirisya, korereki mwiyongesyega mu kwiikanya, mu managa go Mwoyo Mweru.

Barumi 4:25

Unu aso:sibwe kurwe bikayo byeswe, nasururwa korereki cibarirwe oburenge:resi.

Barumi 5:10

Okuba anu cariga cicari baremo, cagwatanyisibwe na Nyamuanga kurwo kufwa kwo Mwana wae, mbe okuba cagwatanyisibwe, okukira muno cirionyibwa no buanga bwae,

Barumi 8:11

Nawe Omwoyo wo:yo asu:ruye Yesu mu bafu:ye araba e:kae mwimwe, Oyo asu:ruye Kristo Yesu mu bafu:ye, ka ne mibiri jinu ejifwa arijikora mianga kubwo Mwoyo wae unu e:kae mwimwe.

Barumi 8:24

Okuba caonyibwe mu kwiikanya. Nawe uke:ikanya binu ourora, okwo kutari kwiikanya. ?Okuba niga unu ke:ikanya cinu karora?

1 Bakorinto 13:13

Nawe woryanu kurio kwikirisya, no kwiikanya, no kwenda, ku busatu, nawe kwibyo cinu cikirire byone ni kwenda.

1 Bakorinto 15:20

Nawe woryanu Kristo asu:kire mu bafuiye, naba mutongoro gwa banu ba:naimire.

2 Bakorinto 1:3

Akusibwe Nyamuanga Esemwene Ratabugenyi Yesu Kristo, niwe Rata owe cigongo na Nyamuanga owo kusi:ri:sya kwone.

Bagalatia 6:16

Na bo:ne banu bararibatiraga mu ciragiro eco, omurembe ne cigongo bibega ku bene na ku Baisraeli ba Nyamuanga.

Baefeso 1:17

Nyamuanga wa Ratabugenyi Yesu Kristo, niwe Rata wa rikusyo, abayane omwoyo gwo bwenge no gwo kuswerurirwa mu kumusombo:kerwa Omwene.

Baefeso 1:3

Asi:mwe Nyamuanga Esemwene Ratabugenyi Yesu Kristo, unu aciyae amabando go:ne ago Mwoyo mu Kristo, mu bwikaro bwa mu rwire.

Baefeso 1:7

Mu mwene ciri no kucungurwa kweswe kurwa manyinga gae, nikwo okwiswaririrwa kwe bikayo byeswe, rwo buni:bi bwe cigongo cae kutyo buri.

Baefeso 2:4

Nawe Nyamuanga okuba niwe omuni:bi we cigongo kurwo kwenda kwae kwafu kunu acendere eswe,

Baefeso 3:20

Mbe akusibwega Unu katura okukora muno kukira byone binu ecisabwa amwi binu eci:ganirisya, rwa managa kutyo gari ganu agakorera mwiswe,

Bakolosai 1:23

Mukaguma mu kwikirisya murumire ku rufuka, mutakucu:sibwa okusiga Ebigambo byo bwana binu mwonguywe, binu byasimuywe mu biyangwa byone binu biri emwaro yo rwire. Nibyo Ebigambo anye Paulo naberee mukosi wabyo.

Bakolosai 1:27

Banu Nyamuanga endere okube:resya obuni:bi bwa rikusyo ryo bumbise bunu kutyo buri mu ba:maanga, nibwo Kristo mwimwe, nikwo okwiikanya kwa rikusyo.

1 Batesalonika 1:3

Nici:cuka kusiku omurimu gwemwe ogwo kwikirisya, no kukome:ra kwemwe okwo kwenda, no kwigumirisya kwemwe okwo kwiikanya mu Ratabugenyi Yesu Kristo, imbere ya Nyamuanga Rata.

1 Batesalonika 4:13

Nawe ba:na ba:su, citakwenda mureme okusombo:kerwa ebya banu baongee musige kusurumbara rwa bandi banu batana kwiikanya.

2 Batesalonika 2:16

Ratabugenyi Yesu Kristo omwene, na Rata Nyamuanga unu acendere naciyana okusi:ri:ka kwa kajanende, no kwiikanya kwo bwana mu cigongo,

1 Timoteo 1:14

Nawe ecigongo ca Ratabugenyi niciongesya okufura aamwi no kwikirisya no kwenda, binu biri mu Kristo Yesu.

Tiito 2:13

Nicirindirira okwiikanya kwa ribando, nikwo okuboneka kwa Nyamuanga omukuru no Mukisya weswe Yesu Kristo mwikusyo ryae.

Baeburania 3:6

Nawe Kristo abee mwiikanyibwa mu nyumba yabo rwo Mwana, neswe ciri nyumba eyo, cikaba cirumisye obuba:si bweswe, no kwiku:ya kwo kwiikanya kweswe kukinga ku bute:ro.

Yakobo 1:18

Niwe aci:buye no musango gwae rwa kutyo akarariye, korereki cibe rwo mutongoro gwa binu ayangire.

1 Petero 1:13

Mbe mwiboega ebibunu byo bwenge bwemwe, mwikenge, nimwiikanya kata ecigongo cinu murire:terwa orwo Yesu Kristo arisweruka.

1 Petero 1:21

Kubwae emwe mwekirisisye Nyamuanga unu amusu:ruye mu bafu:ye namuyana rikusyo, korereki okwikirisya kwemwe no kwiikanya kwemwe bibe ku Nyamuanga.

1 Petero 1:23

Okuba mwebuywe orwa kabiri, tari na mbibo inu eibora, nawe ni inu itakubora, kurwo musango gwa Nyamuanga gunu guri muanga, gunu guri:kara kajanende.

1 Petero 2:2

Mube rwa ba:na baja:re banu abamara okwiburwa, nimurigira amata go mwoyo ganu gatarimo burigerige, korereki gabakusye okukinga ku mweruro.

1 Petero 3:15

Nawe mu mitima jemwe mubarega Kristo ati, ni Ratabugenyi. Mubega mumaririye kusiku okuindura mu:nu wo:ne unu kababu:sya ebyo kwiikanya kunu kuri mwimwe, nawe mwaike mu bufura no bu:ba.

1 Petero 3:21

Nemwe one woryanu omuonyibwa mu cijekekanyo ce:ja:bo eco, nikwo okubatijibwa, tari kuso:syao riko ku mubiri, nawe ni kusabwa omutima gwe kisi ku Nyamuanga, kurwo kusu:ka kwa Yesu Kristo.

1 Petero 3:5

Okuba nikwo kutyo kara one abagasi abe:ru banu be:ikanyaga Nyamuanga kutyo be:cumaga, nibo:robera abarume bebwe.

1 Yoana 2:29

Araba mumenyere ati, Omwene ni murenge:resi, mbe omumenya ati, omu:nu wo:ne unu kakora oburenge:resi, e:buywe no Mwene.

1 Yoana 3:3

Mbe no mu:nu wo:ne unu kamwiikanya kutyo, ke:esya rwa kutyo Omwene ni mweru.

1 Yoana 3:9

Omu:nu wo:ne mu e:buywe na Nyamuanga atakukoraga bibi:bi, okuba imbibo yae imurimo. Amwi atakutura kukoraga ebibi:bi, okuba e:buywe na Nyamuanga.

1 Yoana 4:7

Abendwa, cendanega, okuba okwenda ni kwa Nyamuanga, na mu:nu wo:ne unu kenda oyo e:buywe na Nyamuanga, na ka:menyere Nyamuanga.

1 Yoana 5:1

Mu:nu wo:ne unu ke:kirisya ati, Yesu niwe Kristo, oyo e:buywe na Nyamuanga. Na unu kenda Unu e:buye, kenda na unu e:buywe nage.

1 Yoana 5:18

Cimenyere ati, mu:nu wo:ne unu e:buywe na Nyamuanga atakukoraga bibi:bi, nawe Oyo e:buywe na Nyamuanga kamurinda, no mubi:bi atakumukuniako.

1 Yoana 5:4

Okuba rinu co:ne ce:buywe na Nyamuanga eciiga i:si. No kuiga kunu kwaigire i:si nikwo okwikirisya kweswe.