1 Bakorinto 1:9 - INDAGANO INYA:YA

⁹ Nyamuanga ni mwiikanyibwa, niwe ababirikiye emwe mwingire mu kusangira kwo Mwana wae niwe Yesu Kristo Ratabugenyi.

Indagano Inyaaya mu-Chijita

⁹ Nyamuwanga arikora ejo kwa okubha omwene ni mwiyikanyibhwa. Omwene niwe ꞉aabhabhirikiiye, mubhe na obhumwi na Omwana waaye Yeesu Kirisito, Raatabhugenyi weeswe.

1 Bakorinto 1:9 ပူးပေါင်းရင်းမြစ်များ

Matayo 24:35

Orwire na i:si biriwao, nawe emisango jani jitariwao.

Yowana 17:21

Korereki bo:ne babega umwi, rwawe, Rata, kutyo uri mwanye, nanye one mwawe, na bene one babe mwiswe, eca:ro ci:kirisye ati na:we wantumire.

Barumi 11:17

Nawe akaba amatabi agandi gakonoywe, na:we unu wariga mujeituni gwe mwira, wongirwemo, nusangira na risina ryo mujeituni no bunure bwagwo,

Barumi 8:28

Cimenyere ati, emisango jo:ne ejikorera aamwi okurema ebyo bwana ku banu abamwenda Nyamuanga, nibo abo babirikiywe rwa kutyo bukarae bwae buri.

Barumi 8:30

Ka na banu aba:uye kuso:ka kara, nibo abo abirikiye. Na:bo abirikiye, nibo abari:ye oburenge:resi. Na banu abari:ye oburenge:resi, nibo akusisye.

Barumi 9:24

Niweswe banu cabirikiywe nage, tari mu Bayaudi era, nawe mu bamaanga one.

1 Bakorinto 1:30

Nawe ku Mwene emwe mwabwene okuba mu Kristo Yesu, unu Nyamuanga akorere okuba bwenge bweswe no burengeresi bweswe, no kwesibwa kweswe, no kucungurwa kweswe.

1 Bakorinto 10:13

Okusakwa kutakubabona tari kunu oku:ja ku ba:nu bo:ne. Nawe Nyamuanga ni mwiikanyibwa, atakubasiga musakwe kukira kutyo omutura, nawe aamwi no kusakwa kakora injira yo kuonera, korereki muture okwigumirisya.

1 Bakorinto 10:16

Ecikombe ca ribando cinu ecisabirwa ribando, ?tari nikwo okusangira kwa manyinga ga Kristo? Omukate gunu ecibegana, ?tari nikwo okusangira kwo mubiri gwa Kristo?

2 Bakorinto 1:18

Nawe rwa kutyo Nyamuanga ni mwiikanyibwa, omusango gweswe kwimwe gutari ati, yee na tere.

Bagalatia 1:15

Nawe Nyamuanga, unu anyauye nicari munda ya mai, nambirikira mu cigongo cae,

Bagalatia 2:20

Nabambirwe ku musaraba aamwi na Kristo, mbe nawe niri muanga, nawe wori atari anye, nawe Kristo niwe omuanga mwanye. No buanga bunu ndinabwo wori mu mubiri, ndinabwo kurwo kwikirisya Omwana wa Nyamuanga, unu anyendere, ne:tegayo kubwani.

Baefeso 3:6

Ati, aba:maanga babe bari bo mwandu be:ja:bo, na bo mubiri gumwi, na banu basangiye omurago mu Kristo Yesu mu Bigambo byo bwana.

Bakolosai 1:24

Woryanu enikondererwa mu nya:ko jani kurwemwe. Enikumisya mu mubiri gwani binu bigerukireko mu nya:ko ja Kristo, kurwo mubiri gwae, niyo ikanisa.

1 Batesalonika 2:12

Nicibabwira muribatega rwa kutyo kwiire ku Nyamuanga unu kababirikira okwingira mu bukama bwae na mwikusyo ryae.

2 Batesalonika 2:14

Nibyo ababirikiriye ne Bigambo byeswe byo bwana, korereki mubone rikusyo rya Ratabugenyi Yesu Kristo.

2 Batesalonika 3:3

Nawe Ratabugenyi ni mwiikanyibwa, ka niwe aribarumya no kubarindaga ku mubi:bi.

2 Timoteo 1:9

Niwe acikisisye, nambirikira okubirikira okweru, tari rwe bikorwa byeswe kutyo biri, nawe acibirikiye kurwo kukararira kwae omwene na kurwe cigongo cae, cinu aciyanire mu Kristo Yesu, amagoro na magoro gacari kubao,

2 Timoteo 2:13

Cikaba citari be:ikanyibwa, Omwene kaba ari mwiikanyibwa:ra. Atakutura kwirema omwene.

Tiito 1:2

Mu kwiikanya kwo buanga bwa kajanende, bunu Nyamuanga aragire anu amagoro ga kajanende gacari kubao, ka niwe atakutura kubebeya.

Baeburania 10:23

Cirumyega binu eci:kirisya no kwiikanya, kuteratera uri, okuba unu aragire omurago ni mwiikanyibwa.

Baeburania 11:11

Kurwo kwikirisya na Sara omwene nayabwa amanaga go kujira inda, nakabee ariga:ri mukwekuru atacatura kwibura, okuba e:kirisisye ati, Unu aragire ni mwiikanyibwa.

Baeburania 2:17

Kwakorere nikumwiya okususanyibwa na ba:na ba:bo mu byone, korereki abega Mugabisi Mukuru owe cigongo no mwiikanyibwa mu bya Nyamuanga, korereki akore eco:go ce bibi:bi bya ba:nu.

Baeburania 3:1

Mbe ba:na ba:su abe:ru, banu musangiye okubirikirwa kwa mu rwire, mwiganirisyega Yesu, unu ari Intumwa no Mugabisi Omukuru owe bigambo binu eci:kirisya.

Baeburania 3:14

Okuba cirabee banu asangiye mu Kristo, cikaba cirumisye okwiikanya kweswe kwo kwamba kukinga ku bute:ro.

Baeburania 6:18

kurwe bigambo bibiri ebyo bitakucu:ka, binu Nyamuanga atakutura kubeeramo.

1 Petero 5:10

Mbe ariba mwamara okunya:sibwako mwanya muto:to, Nyamuanga aribaku:misya, nabarumya, nabayana managa. Niwe Nyamuanga we cigongo co:ne, unu ababirikiye mu Kristo korereki mwingire mwikusyo ryae rya kajanende.

1 Yoana 1:3

Gunu carorere nicungwa, nigwo ecibabwira, korereki emwe one musangire neswe. No kusangira kweswe ecisangira na Rata no Mwana wae Yesu Kristo.

1 Yoana 1:7

Nawe cikaribatira mu bweru, rwo Mwene kutyo ari mu bweru, ecisangira eswe abene:ra, na manyinga go Mwana wae Yesu Kristo agace:sya ebibi:bi byone.

1 Yoana 4:13

Cimenyere ati cimwikaemo, no Mwene e:kae mwiswe ati, okuba acigabiye Omwoyo gwae.

Obhusweruro 19:11

Nindora orwire rwigukire mbe ni:boneka ifarasi nyeru. Na Unu ariga airinyireko katogwa Mwiikanyibwa na wa Cimari. Niwe karamura narwana mu burenge:resi.