ruuya 7:3 - Ṯikiṯaḏiza Ṯiaŋ 1967

³ kwaruŋw: eṯi kiraza ureyuŋwuzi lu ṯujul ṯi mac, na yaɽi tɔk mac, mindaŋ mer loce yaḏaama yeḏi Allah weri ŋwuli ki yuḏul la.

ruuya 7:3 ပူးပေါင်းရင်းမြစ်များ

yuhanna 12:26

muŋw əkizi nyuŋwu kwere ŋɔḏɽor, eḏuŋw kwaḏiḏa nyuŋwu; na wenyi gwu nani, a gwu ṯa kaḏaam kinyi nani tɔk. muŋw əkizi nyuŋwu kwere ŋɔḏɽor, a Papa nii-na.

yuhanna 3:33

kwere kwumemnizi tunḏiza ṯuŋwun ki, kwunderṯa kweṯelŋece rac eḏaruŋw: Allah wiri rerem.

ruumiya 6:22

lakin kedina ŋa gwu ki ŋikya-na eḏorɔ kirem luway leḏi Allah, a limaɽazi nani ŋa gwu ṯofḏana ṯirlinelu ter ṯeṯi ŋazi irmiḏiḏi ŋimiiḏa-na ŋiaŋ, ŋinḏi eḏi nanniḏa dɔk.

ruuya 13:16

mindaŋ eṯuŋw alla amra eḏi loce lizi tatap ŋwuli ki ṯii ṯeḏi mini ya ki yuḏul la,

ruuya 13:17

mindaŋ ŋwere eḏi kwere ŋuma mac eḏi zi ila ya eḏi zi liṯaḏa, illi muŋw eḏi ŋwuli, ŋwinderṯa ŋwir yiriny yeḏi kwɔmne ŋgwa kwumiiḏu kweḏi ŋerya, ya ŋwuɽu ŋweḏi yiriny yuŋwun.

ruuya 14:1

na menyi dimi yey ta, nenyeze Tiranyu tirli kayin la weni ziyuun, lizi li litezir lir miya-wa-arba-wa-arabayiin alif, lir 144,000, leḏi yiriny yuŋwun na yiriny yeḏi Ṯernyin yuluḏina ki yuḏul la yeŋen.

ruuya 14:9

na maleyka kwaḏiḏa, kwir nimra ṯɔɽɔl, kwari ṯɔgwɽɔ ṯi ṯupa, ŋwu: muŋw kwoce kwere kwɔmne lu ŋgwu kwumiiḏu kweḏi ŋerya, zura gi kwuŋwun tɔk, mindaŋ muŋw emni nimra kwuŋwun kuḏul la, ya ki ṯii la ta,

ruuya 19:2

kaka ŋa ŋeṯuŋw zi erri ŋeni ŋofḏana rerec; nuŋw hakwumi ŋgwa kwir kwijin kwiki beten, kweṯikiici ṯurmuna ŋiɽaŋali ŋijin ŋi ŋuŋun, nuŋw əɽici ŋunduŋwu jiiza ŋiɽaŋal ŋi ŋeḏi ŋin ŋeḏi yaḏaam yuŋwun yimay ṯii ṯi ṯuŋwun.

ruuya 20:4

nenyeze lurzi leḏi ŋeleny, ner gwu nani la kla limerzi inḏeḏa zulṯa eḏi hakwumi, nenyeze tɔk rɔgwɽɔ reḏi kla limerzi eɽenye kalany gi kaka unḏizer gwu Yecuŋw ki, miḏir gwu ŋiɽaŋali ŋeḏi Allah tɔk, linderṯa kla liti limɔkwoce kwɔmne lu mac ŋgwa kweḏi ŋerya, ya zura kwuŋwun tɔk mac, liti limemni ŋwuli ŋwuŋwun mac ki yuḏul la yeŋen, ya ki rii-na reŋen tɔk mac. ner miiḏi kwokwony ner miḏa ŋelenyi Kwruztu ŋali yiḏleyu wahiḏ alif.

ruuya 22:4

er eze ŋunduŋwu kiyeyna, a yiriny yuŋwun nanni ki yuḏul la yeŋen.

ruuya 6:6

nenyi neŋne ṯɔgwɽɔ kaka etuŋw ruḏa keligeny-na keḏi kwɔmne ŋgwa kwumiiḏu kwir kwaɽŋan, taruŋw: melwa kwete kwɔkwɽeny kweḏi gamah kwiri ujra weḏi yomiiya, na limelwa ṯɔɽɔl lɔkwɽeny leḏi ŋwan liri ujra weḏi yomiiya, na ŋila-ŋa nabita gi ezere mummi nana ŋiɽaŋal ŋi ŋere mac!

ruuya 7:1

mer ernine ŋu, nenyeze limaleyka kwaɽŋan lirlu kezir kwaɽŋan weḏi ṯurmun, limiḏi kuruni kwaɽŋan keḏi ṯurmun, mindaŋ eŋgi kurun ere ari mac kureyu lu ya ki ṯujul la ya yaɽi nana yere nyiḏak.

ruuya 7:2

nenyeze maleyka kwete kwir ter kwudiɽu la kezir weṯi gwu aŋwun alliḏa, kwapa kwɔmne kweḏi Allah wumiiḏu eḏi gi lɔ ŋwuli, nuŋw ornuṯi limaleyka lir kwaɽŋan ṯɔgwɽɔ ṯi ṯupa, linderṯa kla linḏeḏer zi zulṯa eḏi kirazi ureyuŋwuzi lu ṯujul ṯi,

ruuya 9:4

ner zi eca ŋwu: etere ye karwa keḏi ureyu mac, yaɽi yere tɔk mac, lakin lizi kla ṯuɽuk, liti leḏi nimra kweḏi Allah ki yuḏul la yeŋen mac;