ruuya 7:14 - Ṯikiṯaḏiza Ṯiaŋ 1967

¹⁴ nenyeca ŋwu: zaidi, ŋa kwilŋiiḏi. nuŋw eca nyuŋwu ŋwu: linderṯa kla limɔruḏa ki ṯurfa-na kḏa ṯir nyɔrɔ nyɔrɔ; limɔ yii yireṯi yeŋen, yimerzi fiiḏi pər pər ki ŋin-na ŋeḏi Tirany.

ruuya 7:14 ပူးပေါင်းရင်းမြစ်များ

yuhanna 16:33

ŋimɔŋazi andaci ŋu ŋaŋa tatap, mindaŋ a ŋi ma eḏi ŋiɽena duŋgwinyi-na. a leḏi ṯurfa ki ṯurmun-na rac; lakin, ruḏir lugwul keni kaka menyi gwu illazi ṯurmuna ki.

ruumiya 5:3

na eṯir ere əkizi ṯinyiŋlana kizen ṯuɽuk mac, ṯinḏi eḏila kwaḏan; a kweḏir ŋuma kirem eḏureni ṯinyiŋlana ki ṯurfa-na ṯeri, ilŋiicar gwu eḏaruŋw, ṯurfa ṯeḏi ŋuma eḏi kikindezi ṯukwurmɔṯana,

kurinṯuuz al awal 6:11

na lɔkwɔ daŋgal-na orɔ kerreny kaka kla. lakin ta, Allah wumɔŋazi iici rɔgwɽɔ-na ralu, na Allah wumɔŋazi irlelu ter ṯofḏana ṯi ṯuŋwun, wumɔŋazi zuɽu-na lere lere yiriny yi yeḏi Kweleny kweni Yecu Kwruztu, na eḏi Ṯigɽim-na ṯeḏi Allah weri.

ṯazaluniiki aṯ ṯaani 1:4

ŋwu ṯaŋwu, nyiŋa leṯi ŋazi gwu ellineḏa ki yaniiza-na yeḏi Allah, ŋiɽaŋal ŋi ŋeḏi ṯifirlaḏa la ṯalu, na ṯəmna ki ṯowɽina yey ṯalu tatap, na ki ṯurfa-na kḏa ṯindinyana ŋa nana.

libraani 13:12

na ṯa Yecu tɔk rerini karṯinya ṯoɽu ṯi la, eḏirli lizi lu ter ŋin ŋi ŋir ŋuŋun.

libraani 9:14

a ŋin ŋeḏi Kwruztu er ere eni ŋimɔtamḏalu purpur manya, ŋenyji zuɽici rugwori-na reri, mindaŋ mer duŋgweci ŋɔḏɽor ŋiti ŋeḏi ŋimiiḏa-na mac, eḏəkizi Allah weṯimiiḏi ŋɔḏɽor. Kwruztu kwunderṯa ŋgwu kwinḏeḏa Allah rɔgwɽɔ ruŋwun ruzuɽu-na cucuɽic ṯigɽim ṯi ṯuŋwun tetinanniḏa dɔk, eḏorɔ karama keri.

buṯruz al awal 1:19

lakin yiili yir ŋin ŋir gaali, ner orɔ keni ŋin ŋeḏi Kwruztu ŋundu, kaka ŋeḏi tirany tizuɽu nana cucuɽic.

yuhanna al awal 1:7

lakin mer dirnaṯi ki fori-na kaka dirnaṯuŋw gwu ŋundu ki fori-na, eṯir eḏi ŋumaṯi-na kiduŋw, na eṯinyji ŋin ŋeḏi Yecu Kwruztu, kwir Tor tuŋwun, zuɽici ŋikyaŋi tatap kiṯay.

ruuya 1:5

na ŋinḏi nani gwu Yecu Kwruztu, kwir zuhuuḏ kwirlalu, kwir Tor tir nda teḏi kla lidiɽi ki ŋiɽany-na, nuŋw orɔ Kweleny kweḏi leleny tatap leḏi ṯurmun. eḏi ŋgwa kweṯinyjamɽi, kwumenyji fifri ki ŋikya-na ŋeri ŋin ŋi ŋuŋun,

ruuya 12:11

na ŋunduŋa ta, ner illazi ŋunduŋwu ki, ŋiɽaŋal ŋi ŋeḏi ŋin ŋeḏi Tirany, na ŋiɽaŋal ŋi ŋeḏi ṯunḏiza ṯeŋen ki, kaka iti mer gwu amɽi ŋimiiḏa ŋeŋen mac, mer kinna inḏa ŋiɽany.

ruuya 15:2

nenyeze ṯujuli ṯete ṯir kaka ṯujul ṯir gizaaza ṯilagḏina igə yi, nenyjeze kla limillazi kwɔmne ŋgwa kwumiiḏu ki kweḏi ŋerya, na zura kwuŋwun tɔk, na ŋwuɽu ŋweḏi yiriny yuŋwun, ner irli tatap ṯujuli kəni ṯir gizaaza, lapa lumbəra leḏi Allah ki rii-na reŋen.

ruuya 17:6

nenyeze kwayu kwurlelu ŋin ŋi ŋeḏi lizi lirlinelu ter, na ŋeḏi kla limerzi eɽenye ŋiɽaŋal ŋi ŋeḏi Yecu. menyeze ŋunduŋwu nenyi liŋɽi kaka aḏa kwere.

ruuya 2:9

nyi kwilŋiiḏi ṯurfa ṯɔŋwa na ŋuway ŋɔŋa tɔk (lakin na orɔ kwurṯu rac), nenyelŋe yufuluŋi yeḏi kla leṯaruŋw: nyiŋa liri yahuuḏ, ner ere orɔ yahuuḏ mac, lakin ner orɔ majma kweḏi zeyṯaan.

ruuya 22:14

kla leṯi yii yireṯi nana yeŋen leni lortani, kaka iti dirnaḏar gwu kwaɽi lu kwetizinḏeḏa ŋimiiḏa, ya eḏenḏi ki meḏiina-na yogwur yi.

ruuya 5:9

ner ketice ṯilŋa ṯiaŋ, ner aruŋw: a kwiri kwofḏana eḏi dimi kiṯami na eḏi kii ŋwuli ŋweḏi yaṯim yuŋwun, kaka mer ŋa gwu eɽenye, na ellici Allah lizigwunaŋi ŋin ŋi ŋɔŋa, leḏi yabiila yir-na ter ter, na kandiza kir-na ter ter, na lizi lir-na ter ter, na ŋeleny ŋir-na ter ter tɔk;

ruuya 7:9

mer ere ŋu, nenyeze lizi litezir, liti leḏi ŋuma eḏi zi kwizi kwere iɽeḏa mac, leḏi ŋeleny ter ter tatap, leḏi yabiila ter ter tatap, na leḏi jinz ter ter tatap, na ledi kandiza kir-na ter ter tatap tɔk, lirlaca kwurzi lu kweḏi ŋeleny, na ki yey-na yeḏi Tirany, likinna yireṯi yifiiḏu pərpər, lapa ril reḏi yaɽi yeḏi ḏamur,