ruuya 5:9 - Ṯikiṯaḏiza Ṯiaŋ 1967

⁹ ner ketice ṯilŋa ṯiaŋ, ner aruŋw: a kwiri kwofḏana eḏi dimi kiṯami na eḏi kii ŋwuli ŋweḏi yaṯim yuŋwun, kaka mer ŋa gwu eɽenye, na ellici Allah lizigwunaŋi ŋin ŋi ŋɔŋa, leḏi yabiila yir-na ter ter, na kandiza kir-na ter ter, na lizi lir-na ter ter, na ŋeleny ŋir-na ter ter tɔk;

ruuya 5:9 ပူးပေါင်းရင်းမြစ်များ

kurinṯuuz al awal 6:20

Yecu Kwruztu kwumɔ ŋazi liṯa yili yi. ŋwu ṯa, eṯi ariḏa Allah ŋiniṯ ŋi yaŋna yi yalu.

kurinṯuuz al awal 7:23

kwunderṯa kwumɔ ŋazi liṯa yili yi; eṯi lijina rɔgwɽɔ ralu mac eḏorɔ luway leḏi lizigwunaŋ.

afazuz 1:7

a kweḏi ri duŋgwun-na talliḏiza, ŋin ŋi ŋuŋun, ṯififrina ṯi ṯeḏi ŋiɽaŋal ŋakir ŋi ṯay pir. ner ṯa orɔ ŋu ŋurṯu ŋi ŋeḏi ṯimeca ṯuŋwun ṯeḏi ŋimɽi,

afazuz 5:19

mindaŋ ma andindazi daŋgal-na limazmur li, rilŋa ri tɔk, eḏi iɽezi Kwelenyi rilŋa ri kru rami, rugwor ri ralu minmin.

kuluuzi 1:14

na duŋgwun-na a kweḏi ri ṯalliḏiza, tir ṯififrina ṯeḏi ŋikya ŋeri.

kuluuzi 1:23

lakin eṯi miḏini teter ki ṯəmna-na ṯalu, lirli titir, liti lari lu tiŋgil tiŋgil mac eḏorlaci ṯəkiza kizen ŋwudɔŋw ṯeḏi injiil wa wumɔ neŋne, na wumer andazi ki lizi-na tatap likitina; na nyi, kweni buuluz, nenyorɔ kafur keḏi injiil wu.

tiiṯaz 2:14

kwunderṯa kwuṯiŋacanyji rɔgwɽɔ lu ruŋwun eḏalla nyuŋwuzi ki ŋikya-na tatap, eḏi zuɽi lizi licaŋw zi-na eḏeni luŋwun, kla limorɔ zurum eḏizerri ŋeni ŋizaw.

libraani 11:14

lizi leṯi zi andindazi ŋwu, eṯirnyji ilŋiiḏini ŋamaŋ eḏaruŋw, leni linaŋna ezir eḏi ruzi duənu kweŋen.

buṯruz aṯ ṯaani 2:1

lakin na liɽi lir ləluŋ diɽi tɔk ki lizi-na kerreny tuk; na lizi leni limuallim lir ləluŋ, er ila daŋgal-na tɔk, er enjici ŋaŋwuzi ŋejmeṯi ŋəluŋi, ŋiɽaŋal ŋi ŋeḏi rugwor reŋen domony eḏi kiici ŋaŋwuzi ŋiɽaŋal-na, er nyindini keni Kwelenyi kwumezi liṯa tɔk. ŋwu ṯaŋwu, er efica rɔgwɽɔ reŋen ṯikiraḏa lu fitak.

yuhanna al awal 1:7

lakin mer dirnaṯi ki fori-na kaka dirnaṯuŋw gwu ŋundu ki fori-na, eṯir eḏi ŋumaṯi-na kiduŋw, na eṯinyji ŋin ŋeḏi Yecu Kwruztu, kwir Tor tuŋwun, zuɽici ŋikyaŋi tatap kiṯay.

yuhanna al awal 2:2

na ŋundu ta, nuŋw eni ŋgwa kwuməmiḏi lizi-na Allah yi, dimacaŋw gwu nyuŋwuzi ŋikyaŋi ŋeri kiṯay, na ŋikya ŋu ere orɔ ŋeri ṯuɽuk mac, lakin ner orɔ ŋeḏi ṯurmun tatap.

ruuya 10:11

ner nyi andaci ner nyi eca ŋwu: ŋofḏana duŋgwɔŋwa eḏizandaci ŋiɽaŋali ŋinḏeḏa zi Allah leni luru, na ŋeleny ŋuru, na kandiza kuru kir-na ter ter, na leleny luru tɔk.

ruuya 11:9

mindaŋ a lizi leḏi ṯurmun, leḏi yabiila yir-na ter ter, na kandiza kir-na ter ter, na ŋeleny ŋir-na ter ter tɔk, ece yaŋna yeŋen yayyu yey yi-na domony, er zi derne eḏi zi aniḏa ki ŋwamin la ŋwir ṯɔɽɔl na nuzz,

ruuya 13:7

ner efrici tɔk eḏi tugwuḏi lizi li lirlinelu ter mindaŋ eḏi zi illazi ki, ner inḏeḏa zulṯa tɔk kweḏi yabiila tatap, na lizi lir-na ter ter, na kandiza kir-na ter ter, na ŋeleny ŋir-na ter ter tɔk,

ruuya 13:8

kwa lizi tatap kwoce lu leṯinani ki ṯurmun-na, kla tatap liti limerzi loce yiriny yeŋen mac kiṯam-na keḏi yiriny-na yeḏi kla leḏi ŋimiiḏa, ŋga keḏi Tirany timer eɽenye iti kitina gwu ṯurmun kinna mac.

ruuya 14:6

nenyeze maleyka kwete kwir ter kwudiɽiki lere keligeny-na, ŋiɽaŋal ŋi ŋizaw ŋir injiil ŋeṯinanniḏa dɔk, eḏi zi ireci kla linani ki ṯurmun-na, leḏi ŋeleny tatap ŋir-na ter ter, na leḏi yabiila tatap yir-na ter ter, na leḏi kandiza kir-na ter ter tɔk, lizi ndendeṯ.

ruuya 15:3

eṯir kete ṯilŋa ṯeḏi muuza, kwir kaḏaam keḏi Allah, na ṯeḏi Tirany, ṯaruŋw: na, kwir Kweleny kweni Allah wuṯemḏizi la tatap ŋuma ŋi, ŋɔḏɽor ŋɔŋa ŋir ŋupa ŋeṯi liŋɽazi tɔk. ŋa, kwir Kweleny kweḏi ŋeleny ŋir-na ter ter, ŋeḏre ŋɔŋa ŋir ŋirlalu rerec.

ruuya 17:15

nuŋw eca nyuŋwu ŋwu: ŋaw ŋa ŋizaŋa zi, ŋinani gwu kwaw la ŋgwa kwir kwijin, lizi liri, na ŋwuduŋw, na ŋeleny ŋir-na ter ter, na kandiza kir-na ter ter tɔk.

ruuya 4:11

ŋa kwir Kweleny kweri, na Allah weri tɔk, a kwofḏana eḏafi ŋiniṯi, na ṯiniiya-na, na ŋuma tɔk, kaka ur ŋa gwu kwukita kwɔmne tatap, na eṯuŋw nani kwukitina ṯugwor ṯi ṯɔŋwa.

ruuya 5:12

laruŋw ṯɔgwɽɔ ṯi ṯupa: Tirany timer eɽenye tinderṯa tofḏana eḏafi zulṯa, na ŋurṯua, na ṯeḏinayeyna, na ŋuma, na ṯiniiya-na, na ŋiniṯi, na ṯortaḏa!

ruuya 5:6

na ki ŋwobi-na ŋweḏi kwurzi-ŋa kwɔmne gi ŋgwa kwumiiḏu kwir kwaɽŋan, na ki lijowiṯ-na keligeny-na, nenyeze Tiranyu tirlu, tir kaka tirany tete timer eɽenye, teḏi ril dufɔkwɽeny na yey dufɔkwɽeny, yir rigɽim dufɔkwɽeny reḏi Allah, rimɔŋw zi uzi ṯurmun nana tatap.