ruuya 5:6 - Ṯikiṯaḏiza Ṯiaŋ 1967

⁶ na ki ŋwobi-na ŋweḏi kwurzi-ŋa kwɔmne gi ŋgwa kwumiiḏu kwir kwaɽŋan, na ki lijowiṯ-na keligeny-na, nenyeze Tiranyu tirlu, tir kaka tirany tete timer eɽenye, teḏi ril dufɔkwɽeny na yey dufɔkwɽeny, yir rigɽim dufɔkwɽeny reḏi Allah, rimɔŋw zi uzi ṯurmun nana tatap.

ruuya 5:6 ပူးပေါင်းရင်းမြစ်များ

ŋiɽaŋal ŋizaw ŋuludizi luuga 1:69

nuŋw diɽiza nyuŋwuzi kwete kweḏi ŋuma, kwinḏi eḏi kileḏi nyuŋwuzi; kwuruḏa eḏi dauḏ-ŋa, kwir kaḏaam kuŋwun.

yuhanna 1:29

ma ŋurpu ŋgwa orɔ, nuŋw eze Yecuŋw kwilaḏa nana, nuŋw ari: izarṯi, Ṯirany teḏi Allah ca kra la, tidimica ṯurmuna ŋikyaŋi kiṯay.

yuhanna 1:36

nuŋw ece Yecuŋw kwillalu, nuŋw aru ŋwu: izarṯi, Ṯirany teḏi Allah.

ruuya 1:4

nyi kwiri kweni yuhanna, kwuluca yaniiza dufɔkwɽeny yeḏi azyaŋw: eḏi ṯimeca ṯeḏi ŋimɽi nani daŋgal-na ŋiɽena ŋi, ŋinḏi nani gwu ŋgwa kwunani kirem, na kwunani kerreny, na kwinḏi eḏila, na ŋinḏi nani gwu rigɽim rimiiḏu dufɔkwɽeny rirlaca kwurzi lu kwuŋwun kweḏi ŋeleny,

ruuya 12:11

na ŋunduŋa ta, ner illazi ŋunduŋwu ki, ŋiɽaŋal ŋi ŋeḏi ŋin ŋeḏi Tirany, na ŋiɽaŋal ŋi ŋeḏi ṯunḏiza ṯeŋen ki, kaka iti mer gwu amɽi ŋimiiḏa ŋeŋen mac, mer kinna inḏa ŋiɽany.

ruuya 13:8

kwa lizi tatap kwoce lu leṯinani ki ṯurmun-na, kla tatap liti limerzi loce yiriny yeŋen mac kiṯam-na keḏi yiriny-na yeḏi kla leḏi ŋimiiḏa, ŋga keḏi Tirany timer eɽenye iti kitina gwu ṯurmun kinna mac.

ruuya 14:1

na menyi dimi yey ta, nenyeze Tiranyu tirli kayin la weni ziyuun, lizi li litezir lir miya-wa-arba-wa-arabayiin alif, lir 144,000, leḏi yiriny yuŋwun na yiriny yeḏi Ṯernyin yuluḏina ki yuḏul la yeŋen.

ruuya 17:14

linderṯa linḏi eḏi ṯugwuḏi Tirany ri mindaŋ ezi Tirany illazi ki, kaka urŋw gwu Kweleny kweḏi leleny, na Melik kweḏi limelik. na kla linani nanuŋw gwu lir kla limɔŋw zi ornuṯi, limɔŋw zi ece-na tɔk, leni lirlalu.

ruuya 21:22

nenyere eze heykala were mac ki meḏiina-na, kaka ur gwu Kweleny kwir Allah wuṯemḏizi la tatap ŋuma ŋi, na Tirany tɔk, heykal wuŋwun.

ruuya 21:23

na meḏiina ŋgwa nuŋw ere naŋni aŋwun ḏut, ya owa, eḏi ṯiŋaci fori lu, kaka ur gwu ŋiniṯ ŋeḏi Allah fori, na Tirany ta, nuŋw orɔ lɔmba luŋwun.

ruuya 22:1

mindaŋ na maleyka baŋaci nyuŋwu kufurṯa keḏi ŋaw-na ŋeṯizinḏeḏa ŋimiiḏa, ŋuzuɽu-na cucuɽic, kuruḏu nani gwu kwurzi kweḏi Allah-ŋa Tirany ri

ruuya 22:3

mindaŋ a gwu kwɔmne ere nani kwere mac kwinḏi eḏi ṯinyini ṯortaḏa ṯeḏi Allah; lakin, a kwurzi kweḏi Allah-ŋa Tirany ri nanni-na, a yaḏaam yuŋwun kwoce ŋunduŋwu lu;

ruuya 4:8

na ŋgwa tatap kwir kwaɽŋan kwumiiḏu ner eḏi yufu nyirlil nyirlil yurene yey nana par ŋgi la, kiininy ŋgi-na tɔk. eṯir kekite ṯilŋ a kḏu kulu kulu kaŋwun kaŋwun, eṯir aruŋw: kwirlinelu ter, kwirlinelu ter, kwirlinelu ter, kwiri Kweleny kweni Allah, kwuṯemḏizi la tatap ŋuma ŋi, kwunani kerreny, na kwunani kirem, na kwinḏi eḏila!

ruuya 5:11

mindaŋ nenyeze, nenyi neŋne rɔgwɽɔ reḏi limaleyka litezir lirikaḏi kwurzi lu, kwɔmne gi ŋgwa kwumiiḏu, na lijowiṯ li tɔk, na ŋwuɽu ŋweŋen uri beṯen ruɽi-ŋa ruɽi-ŋa riminni,

ruuya 5:12

laruŋw ṯɔgwɽɔ ṯi ṯupa: Tirany timer eɽenye tinderṯa tofḏana eḏafi zulṯa, na ŋurṯua, na ṯeḏinayeyna, na ŋuma, na ṯiniiya-na, na ŋiniṯi, na ṯortaḏa!

ruuya 5:13

nenyi neŋne kwɔmne tatap kwumiiḏu kilerena, na kweḏi ṯurmun, na kweḏi kureyu-na kuṯelu, na kwunani ki rujul-na, na ŋgwa tatap kwunani gwu-na, kwaruŋw: eḏi ṯortaḏa, na ṯiniiya-na, na ŋiniṯ, na ŋuma tɔk nanniḏa dɔk dɔk, nanuŋw gwu ŋgwa kweṯi nanni kwurzi la kweḏi ŋeleny, na nani gwu Tirany tɔk.

ruuya 5:14

na kwɔmne ŋgwa kwumiiḏu kwir kwaɽŋan, aruŋw: emba! na lijowiṯ lir ṯuɽi-kwaɽŋan iidicelu ner kwocelu.

ruuya 6:16

ner eca yayinŋwuzi ŋwiiɽi ŋi ŋwu: iideḏer nyji nana, er nyji lucezi yey yeḏi ŋgwa kwunani kwurzi la kweḏi ŋeleny, na ŋirŋaza ŋeḏi Tirany.