ruuya 5:13 - Ṯikiṯaḏiza Ṯiaŋ 1967

¹³ nenyi neŋne kwɔmne tatap kwumiiḏu kilerena, na kweḏi ṯurmun, na kweḏi kureyu-na kuṯelu, na kwunani ki rujul-na, na ŋgwa tatap kwunani gwu-na, kwaruŋw: eḏi ṯortaḏa, na ṯiniiya-na, na ŋiniṯ, na ŋuma tɔk nanniḏa dɔk dɔk, nanuŋw gwu ŋgwa kweṯi nanni kwurzi la kweḏi ŋeleny, na nani gwu Tirany tɔk.

ruuya 5:13 ပူးပေါင်းရင်းမြစ်များ

fiilibbi 2:10

mindaŋ mer neŋne yiriny yeḏi Yecu ta, eŋgir kwoce ŋunduŋwu lu tatap ŋwurgwu ŋi lu, linani kilerena na ki ṯurmun-na, na kuṯelu tɔk,

ruuya 5:3

nuŋw ere kwere mac kilerena, ya ki ṯurmun-na, ya kureyu-na kuṯelu kweḏi ŋuma eḏi kiti kiṯami ya eḏece-na.

ruuya 5:12

laruŋw ṯɔgwɽɔ ṯi ṯupa: Tirany timer eɽenye tinderṯa tofḏana eḏafi zulṯa, na ŋurṯua, na ṯeḏinayeyna, na ŋuma, na ṯiniiya-na, na ŋiniṯi, na ṯortaḏa!

ruumiya 11:36

kaka ruḏa gwu kwɔmne tatap nanuŋw gwu, na duŋgwun ŋgi tɔk, nuŋw ta orɔ kwuŋwun tɔk. eḏi ŋiniṯ nani nanuŋw gwu dɔk dɔk. emba.

buṯruz al awal 5:11

eḏi ŋinit-ŋa ŋuma ŋi ŋeḏi ŋeleny orɔ ŋuŋun dɔk dɔk. emba.

ŋiɽaŋal ŋizaw ŋuludizi luuga 2:14

ŋiniṯ ŋeṯinanni nani gwu Allah kindala kider; a ŋiɽena nani ki ṯurmun-na, ki lizi-na leṯəmi Allah-na.

ruuya 6:16

ner eca yayinŋwuzi ŋwiiɽi ŋi ŋwu: iideḏer nyji nana, er nyji lucezi yey yeḏi ŋgwa kwunani kwurzi la kweḏi ŋeleny, na ŋirŋaza ŋeḏi Tirany.

yahuuza 1:25

eḏuŋw ortani, kwir Allah wutuput wir Kwigileḏa kweri Yecu ŋgi kweni Kwruztu, kwir Kweleny kweri tɔk, eḏuŋw ortani ŋiniṯ ŋi, na ŋeleny ŋi, na ŋuma ŋi zulṯa gi tɔk, iti nani gwu ŋwomur ŋwere kinna mac, kirem, na dɔk dɔk. emba.

ruumiya 16:27

eḏi Allah, wutuput weḏi yeyna, ortani ŋiniṯ ŋi dɔk dɔk Yecu Kwruztu ŋgi! emba.

ruumiya 9:5

ner orɔ leḏi papaŋa lupa, na ta Kwruztu ruḏa deŋgen-na ŋelŋe ŋi ŋeḏi ŋizigwunaŋ. eḏi Allah, wuṯemḏizi la tatap, ortani dɔk dɔk. emba.

ruuya 5:6

na ki ŋwobi-na ŋweḏi kwurzi-ŋa kwɔmne gi ŋgwa kwumiiḏu kwir kwaɽŋan, na ki lijowiṯ-na keligeny-na, nenyeze Tiranyu tirlu, tir kaka tirany tete timer eɽenye, teḏi ril dufɔkwɽeny na yey dufɔkwɽeny, yir rigɽim dufɔkwɽeny reḏi Allah, rimɔŋw zi uzi ṯurmun nana tatap.

ruuya 1:6

kwumenyji ruzi ŋeleny ŋete, na yiziiz yere yere yeḏi Allah wuŋwun, wir Papa kwuŋwun tɔk, eḏi ŋiniṯ-ŋa zulṯa gi orɔ kwuŋwun dɔk dɔk. emba.

buṯruz al awal 4:11

ma orɔ kwete kweṯandaci liḏaḏu ŋiɽaŋali, eṯizandaci ŋinḏeḏa zi Allah eḏizandaci; ma orɔ kwete kweṯi zi meci liḏaḏu, eṯi zi meci ŋuma ŋi ŋeṯi zi Allah inḏeḏa, mindaŋ a kwɔmne-na ndendeṯ, eṯi zi ṯa erri eḏi ŋi nii Allah-na, Yecu ŋgi kweni Kwruztu, eṯi ṯortaḏa-ŋa ŋuma ŋi ŋeḏi ŋeleny orɔ ŋuŋun dɔk dɔk. emba.

afazuz 3:21

eḏi ŋgwa ortani ŋiniṯ ŋi kaniiza-na, na eḏi Kwruztu-na kweni Yecu tɔk ki ŋelŋe-na tatap ŋinḏi, dɔk dɔk. emba.

ruuya 5:9

ner ketice ṯilŋa ṯiaŋ, ner aruŋw: a kwiri kwofḏana eḏi dimi kiṯami na eḏi kii ŋwuli ŋweḏi yaṯim yuŋwun, kaka mer ŋa gwu eɽenye, na ellici Allah lizigwunaŋi ŋin ŋi ŋɔŋa, leḏi yabiila yir-na ter ter, na kandiza kir-na ter ter, na lizi lir-na ter ter, na ŋeleny ŋir-na ter ter tɔk;

kuluuzi 1:23

lakin eṯi miḏini teter ki ṯəmna-na ṯalu, lirli titir, liti lari lu tiŋgil tiŋgil mac eḏorlaci ṯəkiza kizen ŋwudɔŋw ṯeḏi injiil wa wumɔ neŋne, na wumer andazi ki lizi-na tatap likitina; na nyi, kweni buuluz, nenyorɔ kafur keḏi injiil wu.

timuṯaawuzŋw al awal 4:16

eṯaŋraci rɔgwɽɔ rɔŋwa na ṯaliima ṯɔŋwa ṯeṯi zi ilŋiiḏini; eti zi miḏa ŋa, mezi ṯa erri ŋwu, a kileḏini, na kla leṯi zi neŋne ŋɔŋa tɔk.

yuhanna 1:29

ma ŋurpu ŋgwa orɔ, nuŋw eze Yecuŋw kwilaḏa nana, nuŋw ari: izarṯi, Ṯirany teḏi Allah ca kra la, tidimica ṯurmuna ŋikyaŋi kiṯay.

ruuya 5:1

nenyi izaci ki ṯii ṯeḏi mini ṯeḏi ŋgwa kwunanalu kwurzi la kweḏi ŋeleny, kiṯami kuluḏina iininy yi-na, na par ŋgi la tɔk, kari akṯima yaṯim yi dufɔkwɽeny.

ruuya 13:8

kwa lizi tatap kwoce lu leṯinani ki ṯurmun-na, kla tatap liti limerzi loce yiriny yeŋen mac kiṯam-na keḏi yiriny-na yeḏi kla leḏi ŋimiiḏa, ŋga keḏi Tirany timer eɽenye iti kitina gwu ṯurmun kinna mac.