ruuya 4:6 - Ṯikiṯaḏiza Ṯiaŋ 1967

⁶ na ki yey-na yeḏi kwurzi eti gwu ṯujul nani ṯir kaka ṯujul ṯir gizaaza, ṯijinana der der. na kwɔmne kwumiiḏu kwir kwaɽŋan rikaḏa kwurzi lu kweḏi ŋeleny, kwurena yey nana dedep kereny kwaḏan tɔk.

ruuya 4:6 ပူးပေါင်းရင်းမြစ်များ

ruuya 14:3

ner kete ṯilŋa ṯiaŋ ki yey-na yeḏi kwurzi kweḏi ŋeleny, na ki yey-na yeḏi kwɔmne ŋgwa kwumiiḏu kwir kwaɽŋan, na ki yey-na yeḏi lijowiṯ. nuŋw ere kwere mac kweḏi ŋuma eḏelŋe ṯilŋa kḏa illi kla litezir lir miya-wa-arba-wa-arbayiin alif, lir 144,000, kla limerzi alla ki ŋuway-na ŋeḏi ŋikya ki ṯurmun-na.

ruuya 15:2

nenyeze ṯujuli ṯete ṯir kaka ṯujul ṯir gizaaza ṯilagḏina igə yi, nenyjeze kla limillazi kwɔmne ŋgwa kwumiiḏu ki kweḏi ŋerya, na zura kwuŋwun tɔk, na ŋwuɽu ŋweḏi yiriny yuŋwun, ner irli tatap ṯujuli kəni ṯir gizaaza, lapa lumbəra leḏi Allah ki rii-na reŋen.

ruuya 15:7

na kwete kweḏi kwɔmne ŋgwa kwumiiḏu kwir kwaɽŋan inḏeḏa limaleyka dufɔkwɽeny nyiṯraŋi dufɔkwɽeny nyir ḏahab, nyurene ŋirŋaza-na ŋeḏi Allah weṯinanniḏa dɔk dɔk;

ruuya 19:4

na lijowiṯ lir ṯuɽi-kwaɽŋan, na kwɔmne ŋgwa kwir kwaɽŋan kwumiiḏu, ner iidi ŋwurgwu ŋi lu, ner kwoce Allah lu, wunanalu kwurzi la kweḏi ŋeleny, laruŋw: emba! halliluya!

ruuya 21:11

kweḏi ŋiniṯi ŋeḏi Allah, firyar gi kwari nana ŋidi, kaka kal kete kir gaali, keṯari deŋgel deŋgel fori gi, kaka gizaaza kuzuɽu.

ruuya 21:18

na ṯilaŋgwu kḏa nuŋw owcini yal yi yir gaali yeṯari nana fori gi, na meḏiina ta, nuŋw orɔ ḏahab ṯar, nuŋw ṯiŋaḏa fori lu kaka gizaaza kizuɽu.

ruuya 21:21

na ki yogwur wri-kwuɽen yeḏi ṯilaŋgwu ṯirikaḏi meḏiina lu, na gwu yal nani yicaw wri-kwuɽen yifiiḏu nana kaka ŋan, ner eni lulu, na lutuput biɽḏi ogwur, na lizari leḏi meḏiina lidaɽmaḏir zi ḏahab ṯi ṯar, ṯijinena der der kaka gizaaza.

ruuya 22:1

mindaŋ na maleyka baŋaci nyuŋwu kufurṯa keḏi ŋaw-na ŋeṯizinḏeḏa ŋimiiḏa, ŋuzuɽu-na cucuɽic, kuruḏu nani gwu kwurzi kweḏi Allah-ŋa Tirany ri

ruuya 4:4

na lurzi leḏi ŋeleny nani ṯuɽi-kwaɽŋan, lirikaḏi kwurzi lu kwunani keligeny-na, na gwu lijowiṯ lir ṯuɽi-kwaɽŋan nani la, likinna yireṯi yifiiḏu pərpər, na ŋwoɽa la ŋweŋen ner kenne nyaŋgiŋi nyir ḏahab.

ruuya 5:11

mindaŋ nenyeze, nenyi neŋne rɔgwɽɔ reḏi limaleyka litezir lirikaḏi kwurzi lu, kwɔmne gi ŋgwa kwumiiḏu, na lijowiṯ li tɔk, na ŋwuɽu ŋweŋen uri beṯen ruɽi-ŋa ruɽi-ŋa riminni,

ruuya 5:14

na kwɔmne ŋgwa kwumiiḏu kwir kwaɽŋan, aruŋw: emba! na lijowiṯ lir ṯuɽi-kwaɽŋan iidicelu ner kwocelu.

ruuya 5:6

na ki ŋwobi-na ŋweḏi kwurzi-ŋa kwɔmne gi ŋgwa kwumiiḏu kwir kwaɽŋan, na ki lijowiṯ-na keligeny-na, nenyeze Tiranyu tirlu, tir kaka tirany tete timer eɽenye, teḏi ril dufɔkwɽeny na yey dufɔkwɽeny, yir rigɽim dufɔkwɽeny reḏi Allah, rimɔŋw zi uzi ṯurmun nana tatap.

ruuya 5:8

mindaŋ muŋw dimi kiṯami, na kwɔmne kwumiiḏu kwir kwaɽŋan, na lijowiṯ lir ṯuɽi-kwaɽŋan iideci Tiranyu lu tuɽbuk lapa lumbəra, na nyaɽinyu nyir ḏahab nyurene kwuḏɽula-na dedep, nyir ṯara ki yiriny ṯeḏi lizi lirlinelu ter eḏi Kwruztu-na;

ruuya 6:1

mindaŋ nenyeze ma Tirany kii ŋwuli ŋweḏi kaṯim kete keḏi kya yir dufɔkwɽeny, nenyi neŋne kwɔmne kwete kwumiiḏu kweḏi ŋgwa kwir kwaɽŋan, kwari kaka ṯɔgwɽɔ ṯeḏi lere, ŋwu: ilamba!

ruuya 6:6

nenyi neŋne ṯɔgwɽɔ kaka etuŋw ruḏa keligeny-na keḏi kwɔmne ŋgwa kwumiiḏu kwir kwaɽŋan, taruŋw: melwa kwete kwɔkwɽeny kweḏi gamah kwiri ujra weḏi yomiiya, na limelwa ṯɔɽɔl lɔkwɽeny leḏi ŋwan liri ujra weḏi yomiiya, na ŋila-ŋa nabita gi ezere mummi nana ŋiɽaŋal ŋi ŋere mac!

ruuya 7:11

na limaleyka tatap rilli, lirikaḏi kwurzi lu na lijowiṯi lu na kwɔmne lu ŋgwa kwumiiḏu kwir kwaɽŋan, ner iideci kwurzi lu tatap yey yelu, ner kwoce Allah lu,

ruuya 7:17

kaka inḏi gwu Tirany, tinani kwurzi la keligeny-na, eḏorɔ taɽa teŋen, ŋwu zi iŋnaci kereny eḏele kezir weṯi gwu ŋaw irelu, ŋetizinḏeḏa ŋimiiḏa; ezi Allah firtaḏa ŋwal ŋwere ŋwere ŋweḏi yey yeŋen.