ruuya 4:4 - Ṯikiṯaḏiza Ṯiaŋ 1967

⁴ na lurzi leḏi ŋeleny nani ṯuɽi-kwaɽŋan, lirikaḏi kwurzi lu kwunani keligeny-na, na gwu lijowiṯ lir ṯuɽi-kwaɽŋan nani la, likinna yireṯi yifiiḏu pərpər, na ŋwoɽa la ŋweŋen ner kenne nyaŋgiŋi nyir ḏahab.

ruuya 4:4 ပူးပေါင်းရင်းမြစ်များ

ŋiɽaŋal ŋizaw ŋuludizi luuga 22:30

mindaŋ a kwer oɽmaṯi duŋw eḏeḏne tɔk, eḏ ii tɔk ki ṯarbeza la tinyi ki ŋeleny-na ŋinyi; eḏi nani ki lurzi la lir wri-kwuɽen, eḏi zi ketize leḏi izrayiil, lir gabiila wri-kwuɽen, zeyria.

timuṯaawuzŋw aṯ ṯaani 4:8

na kirem ta, na kwɔmne nanje nyuŋwu lu kwir taŋgi teḏi ṯofḏana tinḏi Kweleny eḏinḏeḏa nyuŋwu ki lamin ṯa kla, ŋgwa kweṯi zi ŋi hakwumi ŋirlalu. na ŋwere inḏeḏa nyuŋwu dak mac lakin ŋwu zi inḏeḏa kla tatap limamɽi ŋiɽaŋali ŋaruŋw, Kweleny kwinḏi eḏaɽa.

ruuya 11:16

na lijowiṯ lir ṯuɽi-kwaɽŋan, leṯinanalu ki lurzi la leŋen ki yey-na yeḏi Allah, iidi yey yelu, ner kwoce Allah lu,

ruuya 14:3

ner kete ṯilŋa ṯiaŋ ki yey-na yeḏi kwurzi kweḏi ŋeleny, na ki yey-na yeḏi kwɔmne ŋgwa kwumiiḏu kwir kwaɽŋan, na ki yey-na yeḏi lijowiṯ. nuŋw ere kwere mac kweḏi ŋuma eḏelŋe ṯilŋa kḏa illi kla litezir lir miya-wa-arba-wa-arbayiin alif, lir 144,000, kla limerzi alla ki ŋuway-na ŋeḏi ŋikya ki ṯurmun-na.

ruuya 19:14

na orṯa weḏi kilerena, wukinna yireṯi yimri-na, yifiiḏu pər pər, yuzuɽu-nana cucuɽic, kwaḏiḏa ŋunduŋwu, welliḏi ki limɔrṯa la lifiiḏu.

ruuya 19:4

na lijowiṯ lir ṯuɽi-kwaɽŋan, na kwɔmne ŋgwa kwir kwaɽŋan kwumiiḏu, ner iidi ŋwurgwu ŋi lu, ner kwoce Allah lu, wunanalu kwurzi la kweḏi ŋeleny, laruŋw: emba! halliluya!

ruuya 2:10

eti ṯinya mac ŋa ŋinḏi ŋa gwu eḏi rerini. izarṯi, ibliiz wa winḏi eḏi zi kaṯu lɔkwɔ daŋgal-na ki zijin-na, mindaŋ eḏi mummini, a eḏi ṯurfa ŋwamin wri. miḏir ṯəmna mindaŋ mer orɔ kinna ŋiɽany, na nyi kwɔ ŋa inḏeḏa taŋgiŋi teḏi ŋimiiḏa.

ruuya 20:4

nenyeze lurzi leḏi ŋeleny, ner gwu nani la kla limerzi inḏeḏa zulṯa eḏi hakwumi, nenyeze tɔk rɔgwɽɔ reḏi kla limerzi eɽenye kalany gi kaka unḏizer gwu Yecuŋw ki, miḏir gwu ŋiɽaŋali ŋeḏi Allah tɔk, linderṯa kla liti limɔkwoce kwɔmne lu mac ŋgwa kweḏi ŋerya, ya zura kwuŋwun tɔk mac, liti limemni ŋwuli ŋwuŋwun mac ki yuḏul la yeŋen, ya ki rii-na reŋen tɔk mac. ner miiḏi kwokwony ner miḏa ŋelenyi Kwruztu ŋali yiḏleyu wahiḏ alif.

ruuya 3:18

taŋwu nyi kwunaŋna ŋa eḏi liṯaḏa nyuŋwu ḏahaba titiɽnyi nana igə yi, mindaŋ ma orɔ kwurṯu; na yireṯi yifiiḏu pərpər ezi kenne, mindaŋ ma turony ere ye ŋaŋwu mac ŋiɽaŋal ŋi ŋeḏi ŋufduṯu ŋɔŋa; na ḏawa eḏenji ki yey-na yɔŋwa, mindaŋ ma eḏi ŋuma eḏeze.

ruuya 4:10

eṯi lijowiṯ kla lir ṯuɽi-kwaɽŋan iidicelu ŋgwa kwunanalu kwurzi la, eḏi kwoce ŋunduŋwu lu kweṯi miiḏi dɔk dɔk; eṯir kaṯu nyaŋgiŋi nyeŋen ki yey-na yeḏi kwurzi, likita rilŋa, laruŋw:

ruuya 4:6

na ki yey-na yeḏi kwurzi eti gwu ṯujul nani ṯir kaka ṯujul ṯir gizaaza, ṯijinana der der. na kwɔmne kwumiiḏu kwir kwaɽŋan rikaḏa kwurzi lu kweḏi ŋeleny, kwurena yey nana dedep kereny kwaḏan tɔk.

ruuya 5:11

mindaŋ nenyeze, nenyi neŋne rɔgwɽɔ reḏi limaleyka litezir lirikaḏi kwurzi lu, kwɔmne gi ŋgwa kwumiiḏu, na lijowiṯ li tɔk, na ŋwuɽu ŋweŋen uri beṯen ruɽi-ŋa ruɽi-ŋa riminni,

ruuya 5:14

na kwɔmne ŋgwa kwumiiḏu kwir kwaɽŋan, aruŋw: emba! na lijowiṯ lir ṯuɽi-kwaɽŋan iidicelu ner kwocelu.

ruuya 5:6

na ki ŋwobi-na ŋweḏi kwurzi-ŋa kwɔmne gi ŋgwa kwumiiḏu kwir kwaɽŋan, na ki lijowiṯ-na keligeny-na, nenyeze Tiranyu tirlu, tir kaka tirany tete timer eɽenye, teḏi ril dufɔkwɽeny na yey dufɔkwɽeny, yir rigɽim dufɔkwɽeny reḏi Allah, rimɔŋw zi uzi ṯurmun nana tatap.

ruuya 5:8

mindaŋ muŋw dimi kiṯami, na kwɔmne kwumiiḏu kwir kwaɽŋan, na lijowiṯ lir ṯuɽi-kwaɽŋan iideci Tiranyu lu tuɽbuk lapa lumbəra, na nyaɽinyu nyir ḏahab nyurene kwuḏɽula-na dedep, nyir ṯara ki yiriny ṯeḏi lizi lirlinelu ter eḏi Kwruztu-na;

ruuya 6:11

mindaŋ ner zi inḏeḏa lere lere yireṯi yifiiḏu pərpər, ner zi eca ŋwu; keṯir wəŋ kinna kwɔkwɔ mindaŋ ma ŋwuɽu ŋweḏi kla leṯir li oɽmaṯi ki ŋaḏaama-na, na lieŋgen tɔk, ṯimayini kworɔ dap, kla linḏir zi eḏi zi eɽenye kaka ŋunduŋwuzi.

ruuya 7:11

na limaleyka tatap rilli, lirikaḏi kwurzi lu na lijowiṯi lu na kwɔmne lu ŋgwa kwumiiḏu kwir kwaɽŋan, ner iideci kwurzi lu tatap yey yelu, ner kwoce Allah lu,

ruuya 7:9

mer ere ŋu, nenyeze lizi litezir, liti leḏi ŋuma eḏi zi kwizi kwere iɽeḏa mac, leḏi ŋeleny ter ter tatap, leḏi yabiila ter ter tatap, na leḏi jinz ter ter tatap, na ledi kandiza kir-na ter ter tatap tɔk, lirlaca kwurzi lu kweḏi ŋeleny, na ki yey-na yeḏi Tirany, likinna yireṯi yifiiḏu pərpər, lapa ril reḏi yaɽi yeḏi ḏamur,

ruuya 9:7

na yama aɽani limɔrṯa lirlice ṯiṯugwuḏa cugwɔ-cugwɔp; ki ŋwoɽa la ŋweŋen na kwɔmne nani kwir kaka nyaŋgi nyir ḏahab, ner orɔ kiyeyna kaka lizigwunaŋ,