ruuya 3:7 - Ṯikiṯaḏiza Ṯiaŋ 1967

⁷ lucazi maleyka kweḏi kaniiza kinani filaḏalfiya, ŋwu: ŋiɽaŋal ŋu ŋir ŋandizazi ŋgwa Kwirlinelu ter rerec, ŋgwa kweḏi mufṯah kweḏi dauḏ, kweṯi kiṯi, ŋwere kwere eḏi leŋḏeḏa mac, na kweṯi leŋḏeḏa, ŋwere kwere eḏi kiti mac.

ruuya 3:7 ပူးပေါင်းရင်းမြစ်များ

ŋiɽaŋal ŋizaw ŋuludizi luuga 1:32

kwinḏi eḏorɔ kwupa ŋoru yeyna, er eca, Tor teḏi ŋgwa kwuṯemḏizi la tatap ŋiniṯ ŋi; a Kweleny kweni Allah inḏeḏa ŋelenyi ŋeḏi ṯernyin teni dauḏ,

ŋiɽaŋal ŋizaw ŋuludizi luuga 4:34

ma! nyiŋa le ŋa eca ḏa, kweni Yecu kweḏi nazraŋw? a kwumila eḏi kiraza nyuŋwuzi lu, a? nyi kwilŋiicaŋa pa rac; a kwiri kwete kwirlinelu ter kweḏi Allah.

yuhanna 14:6

na Yecu eca ŋwu: nyi kwiri pa tay, na ŋirlalu, na ŋimiiḏa tɔk. kwizi kwiti kwere kwele nanu gwu Papa tay ṯi ṯir ter mac, nenyi orɔ ṯuɽuk.

yuhanna al awal 5:20

a kwilŋiiḏir tɔk eḏaruŋw, Tor teḏi Allah timila, timenyji inḏeḏa teḏinayeyna eḏi ṯi elŋece ŋunduŋwu kwir rerem; eṯir nanni keni duŋgwun-na kwir rerem, kaka eṯir gwu nanni eḏi Tor-na tuŋwun, teni Yecu Kwruztu, ŋgwa kwir rerem kwiri Allah, na eḏi gwu nanni duŋgwun-na eni ŋimiiḏa ŋiaŋ, ŋinḏi eḏi nanniḏa dɔk.

ruuya 1:11

ṯaruŋw: ŋa ŋizaŋa zi, luḏi zi kiṯam-na kete, ezi uzici yaniiza yir dufɔkwɽeny, nani afazuz, na zimirna, na bargamuz, na ṯiyaṯra, na zarḏiz, na filaḏalfiya na lawuḏikya.

ruuya 1:18

nenyorɔ ŋgwa kweṯi miiḏi; nenyi ay kerreny, lakin izaṯi, nyi kwumɔ miiḏi, enyi nanniḏa kwumiiḏu dɔk dɔk, nenyeḏi limufṯah leḏi ŋiɽany na ezir weḏi rigɽim.

ruuya 1:5

na ŋinḏi nani gwu Yecu Kwruztu, kwir zuhuuḏ kwirlalu, kwir Tor tir nda teḏi kla lidiɽi ki ŋiɽany-na, nuŋw orɔ Kweleny kweḏi leleny tatap leḏi ṯurmun. eḏi ŋgwa kweṯinyjamɽi, kwumenyji fifri ki ŋikya-na ŋeri ŋin ŋi ŋuŋun,

ruuya 15:3

eṯir kete ṯilŋa ṯeḏi muuza, kwir kaḏaam keḏi Allah, na ṯeḏi Tirany, ṯaruŋw: na, kwir Kweleny kweni Allah wuṯemḏizi la tatap ŋuma ŋi, ŋɔḏɽor ŋɔŋa ŋir ŋupa ŋeṯi liŋɽazi tɔk. ŋa, kwir Kweleny kweḏi ŋeleny ŋir-na ter ter, ŋeḏre ŋɔŋa ŋir ŋirlalu rerec.

ruuya 16:7

nenyi neŋne ŋweḏgwuna ŋwaruŋw: emba. ŋa kwir Kweleny kweni Allah wuṯemḏizi la tatap ŋuma ŋi, hukm wɔŋwa wiri wirlalu rerec!

ruuya 19:11

nenyeze lerya lidiŋelni kworɔ, na izaṯi, mɔrṯa kwete kwufiiḏu, na ŋgwa kwelliḏi gwu la kweni Kwirlalu rerec, kaka ofḏani gwu hukm wuŋwun na ṯiṯugwuḏa ṯuŋwun tɔk.

ruuya 19:2

kaka ŋa ŋeṯuŋw zi erri ŋeni ŋofḏana rerec; nuŋw hakwumi ŋgwa kwir kwijin kwiki beten, kweṯikiici ṯurmuna ŋiɽaŋali ŋijin ŋi ŋuŋun, nuŋw əɽici ŋunduŋwu jiiza ŋiɽaŋal ŋi ŋeḏi ŋin ŋeḏi yaḏaam yuŋwun yimay ṯii ṯi ṯuŋwun.

ruuya 2:1

lucazi maleyka kweḏi kaniiza kinani afazuz, ŋwu: ŋiɽaŋal ŋu ŋir ŋandizazi ŋgwa kwapa rorumi dufɔkwɽeny ki ṯii-na ṯuŋwun ṯeḏi mini, ŋgwa kweṯi irerelu tɔk keligeny-na keḏi kwɔmne dufɔkwɽeny kweḏi ŋwɔmba kwir ḏahab.

ruuya 21:5

na ŋgwa kwunanalu kwurzi la kweḏi ŋeleny aruŋw: izaṯi, nyi ŋgwu kwudaɽmaḏi kwɔmne tatap eḏorɔ kwiaŋ. nuŋw eca nyuŋwu ŋwu: luḏi zi, kaka ur gwu ŋiɽaŋal ŋu ŋirlalu rerec.

ruuya 3:14

lucazi maleyka kweḏi kaniiza kinani lawuḏikya, ŋwu: ŋiɽaŋal ŋu ŋir ŋandizazi ŋgwa kwetari emba, kwir zuhuuḏ kwirlalu, kweri zi andazi ŋir rerem, kwunani kwizatuk ki lomur limɔ li Allah daɽmaḏa kwɔmne tatap.

ruuya 4:8

na ŋgwa tatap kwir kwaɽŋan kwumiiḏu ner eḏi yufu nyirlil nyirlil yurene yey nana par ŋgi la, kiininy ŋgi-na tɔk. eṯir kekite ṯilŋ a kḏu kulu kulu kaŋwun kaŋwun, eṯir aruŋw: kwirlinelu ter, kwirlinelu ter, kwirlinelu ter, kwiri Kweleny kweni Allah, kwuṯemḏizi la tatap ŋuma ŋi, kwunani kerreny, na kwunani kirem, na kwinḏi eḏila!

ruuya 5:9

ner ketice ṯilŋa ṯiaŋ, ner aruŋw: a kwiri kwofḏana eḏi dimi kiṯami na eḏi kii ŋwuli ŋweḏi yaṯim yuŋwun, kaka mer ŋa gwu eɽenye, na ellici Allah lizigwunaŋi ŋin ŋi ŋɔŋa, leḏi yabiila yir-na ter ter, na kandiza kir-na ter ter, na lizi lir-na ter ter, na ŋeleny ŋir-na ter ter tɔk;

ruuya 6:10

ner kete kwola ŋuma ŋi, laruŋw: ṯacaŋ kwiri, Kweleny kweri, kwirlinelu ter rerec, nenyji gwu uɽici ŋwoɽa ŋweḏi ŋin ŋeri nani gwu kla linani ki ṯurmun-na?