ruuya 3:10 - Ṯikiṯaḏiza Ṯiaŋ 1967

¹⁰ kaka ma gwu aŋraci ŋiɽaŋali ŋinyi ṯukwurmɔṯana ṯi, a ŋa aŋraci ki lomur leḏi tumɔmma ṯinḏi eḏila ṯurmuna nana ndendeṯ, eḏi mummi lizi tatap linani ki ṯurmun-na.

ruuya 3:10 ပူးပေါင်းရင်းမြစ်များ

ŋiɽaŋal ŋizaw ŋuludizi luuga 2:1

ner ṯa orɔ ŋwu ki ŋwomur ŋwa, na aguztuz gezar alla amra eḏi lɔ yiriny yeḏi lizi leḏi ṯurmun tatap.

yuhanna 17:6

nyi kwumɔruweci lizi yiriny lu yɔŋwa, kla limenyjellici ki ṯurmun-na. ner orɔ lɔŋwa, nenyji ma inḏeḏa, ner ŋa ma miḏici ŋiɽaŋali.

ruumiya 1:8

nyi kweca Allah zukran kweni ŋaŋa tatap, Yecu Kwruztu ŋgi, kaka eṯir zi gwu andaci ṯurmuna nana ndendeṯ ŋeḏi ṯəmna ṯalu.

kurinṯuuz al awal 10:13

ṯumɔmma ṯende ṯere ṯeṯi ŋazi mummi tir ter illi ṯeḏi lizigwunaŋ tatap. lakin, Allah weni wirlalu, witi wɔ ŋazi efrinji eḏi mummini ṯumɔmma ṯi ṯiṯi ṯeŋgeḏici ŋaŋa ŋuma mac, lakin eṯuŋw daɽmaci ŋaŋwuzi ṯaylu eḏi ṯi arṯiḏa ṯumɔmma, mindaŋ ma eḏi ŋuma eḏi ŋi firlaḏa la teter.

afazuz 6:13

ṯaŋwu, kinnari yeḏreŋi yeḏi Allah yir minmin, mindaŋ ma eḏi ŋuma eḏenji ŋwara lu teter ki lamin lifirli ŋiɽaŋali ŋir ŋiki, na mezi ṯimazi tatap, eḏeḏi ŋuma eḏi zi rillazi la titir.

timuṯaawuzŋw aṯ ṯaani 2:12

na mer kwoɽmaṯazi rugwori kwɔrɔ-kwɔrɔp ta, er li oɽmaṯi ki ŋeleny-na ŋuŋun. mer nyindini ŋunduŋwu, kwenyji nyindini ŋundu tɔk.

yaguub 3:12

kwoḏa kwedi ŋuma eḏi riɽi ŋwiidi, lieŋgeri linyi, ya kiidi eḏi riɽi ŋwoḏa? beri. lurony leḏi ŋaw ŋorja liti leḏi ŋuma mac eḏirṯeḏa ŋaw ŋami tɔk.

buṯruz al awal 4:12

limɽi linyi, eṯere liŋɽi mac ṯirerina ṯi tir kaka igə ṯeṯi ŋazi ilica eḏi ṯeci ŋaŋwuzi, mindaŋ eḏalla lu keḏber.

buṯruz aṯ ṯaani 2:9

ŋwu ṯa, eṯi Kweleny eḏi ŋuma rac eḏi kileḏi lizi leṯiketize ŋiɽaŋali ŋuŋun yey, ki ṯurfa-na, na eḏi zi kəki jiiza gi kla leni liki rugwori mindaŋ ma lamin ila leḏi zeyria.

ruuya 1:9

nyi kwiri kweni yuhanna, kwir aŋgalu kwalu kweṯoɽmaṯi ŋaŋa li ki ṯurfa-na, na ki ŋeleny-na, na ki ṯukwurmɔṯana-na tɔk, ṯimorɔ ṯeri eḏi Yecu-na. nyi kwunani kaka mabuuz ki jaziira-na kwete kweni baṯmuz, kaka andizenyi gwu ŋiɽaŋali ŋeḏi Allah nenyi unḏizi Yecuŋw ki.

ruuya 11:10

er amina kla leṯinani ki ṯurmun-na, er nyeŋlena tɔk, er iṯiḏi haḏiya la ter ter deŋgen-na, kaka urreḏi zi gwu liɽi-na klu lir nden ŋunduŋwuzi leṯinani ki ṯurmun-na.

ruuya 13:10

muŋw nani kwere kwinḏi eḏenḏi ki ŋuway-na ta, ŋwu enḏi ki ŋuway-na; muŋw nani kwere kwinḏi eḏeɽenye kalala gi ta, ŋwu ay kalala gi. ŋiɽaŋal ŋu ŋetornuti lizi lirlinelu ter eḏi kwurmɔṯani ṯəmna ṯi.

ruuya 13:14

na eṯuŋw zi ṯuzi kla linani ki ṯurmun-na ŋilim ŋi ŋa ŋinḏeḏerzi eḏizerri ki yey-na yeḏi kwɔmne ŋgwa kwumiiḏu kweḏi ŋerya, na eṯuŋw zi ukwazi kla linani ki ṯurmun-na eḏi daɽmaḏa rii ri reŋen, kwɔmne kwir kaka zura kweḏi ŋgwa kwuɽu-na kalala gi, mindaŋ nuŋw ta nani kwumiiḏu.

ruuya 13:8

kwa lizi tatap kwoce lu leṯinani ki ṯurmun-na, kla tatap liti limerzi loce yiriny yeŋen mac kiṯam-na keḏi yiriny-na yeḏi kla leḏi ŋimiiḏa, ŋga keḏi Tirany timer eɽenye iti kitina gwu ṯurmun kinna mac.

ruuya 14:12

ŋiɽaŋal ŋu ŋeṯornuṯi lizi lirlinelu ter eḏi kwurmɔṯani, kla leṯi miḏa kuruu keḏi Allah, na leṯalliḏa Yecuŋw rugwori nana ṯəmna ṯi.

ruuya 14:6

nenyeze maleyka kwete kwir ter kwudiɽiki lere keligeny-na, ŋiɽaŋal ŋi ŋizaw ŋir injiil ŋeṯinanniḏa dɔk, eḏi zi ireci kla linani ki ṯurmun-na, leḏi ŋeleny tatap ŋir-na ter ter, na leḏi yabiila tatap yir-na ter ter, na leḏi kandiza kir-na ter ter tɔk, lizi ndendeṯ.

ruuya 16:14

kaka urir gwu rigɽim ŋunduŋa reḏi ibliiz reṯizerri ŋir ŋilim, na eṯir ru eḏele nani gwu leleny leḏi ṯurmun ndendeṯ, eḏizaɽazi duŋw eḏi ṯugwuḏi, ki lamin lupa leḏi Allah wuṯemḏizi la tatap ŋuma ŋi.

ruuya 17:2

ŋimerzerri leleny li leḏi ṯurmun ŋir ŋijin, na kla linani ki ṯurmun-na limɔ urleli nabiṯ gi kwir ŋijin ŋuŋun.

ruuya 17:8

kwɔmne ŋgwa kwumiiḏu kwizaŋa, kwunani kerreny nuŋw ere nani kirem mac, na kwinḏi eḏalliḏa kezir woɽu lac kuṯelu eḏele kezir weḏi ṯikiraḏa lu; na lizi leḏi ṯurmun, kla liti leḏi yiriny yeŋen kiṯam-na mac, ŋga keḏi yiriny-na yeḏi kla tatap leḏi ŋimiiḏa, yuluḏina ki lomur likitina li ṯurmun, er liŋɽi eḏeze kwɔmne ŋgwu kwumiiḏu kweḏi ŋerya, kaka muŋw gwu nani kerreny, nuŋw ere nani kirem mac, na kwinḏi eḏila.

ruuya 2:10

eti ṯinya mac ŋa ŋinḏi ŋa gwu eḏi rerini. izarṯi, ibliiz wa winḏi eḏi zi kaṯu lɔkwɔ daŋgal-na ki zijin-na, mindaŋ eḏi mummini, a eḏi ṯurfa ŋwamin wri. miḏir ṯəmna mindaŋ mer orɔ kinna ŋiɽany, na nyi kwɔ ŋa inḏeḏa taŋgiŋi teḏi ŋimiiḏa.

ruuya 3:8

nyi kwilŋiiḏi ŋɔḏɽor ŋɔŋa. izari, nyi ŋgwu kwumɔŋa ketize ogwur lu wufuɽu, ŋwere kwere mac kweḏi ŋuma eḏi leŋḏeḏa. ŋilŋiiḏinyji rac, a kweḏi ŋuma ŋɔkwɽoc, na ta miḏa kinna ŋiɽaŋali ŋinyi teter, na ere nyindini yiriny yinyi mac.

ruuya 6:10

ner kete kwola ŋuma ŋi, laruŋw: ṯacaŋ kwiri, Kweleny kweri, kwirlinelu ter rerec, nenyji gwu uɽici ŋwoɽa ŋweḏi ŋin ŋeri nani gwu kla linani ki ṯurmun-na?

ruuya 8:13

nenyi dimi yey nenyeze, nenyi neŋne lufurṯaŋi lidiɽi ki lere lari ṯɔgwɽɔ ṯi ṯupa, ŋwu: eyewey, eyewey, eyewey kweḏi kla leṯi nani ki ṯurmun-na, ŋiɽaŋal ŋi ŋeḏi libruz liḏaḏu, linḏi zi limaleyka ṯɔɽɔl eḏi zi əri kirem!